الاقصى نادى والندى غالي ...ويهون عشانه العمر لو غالي
وَاحِـــدْ مـِــنْ الـــنــَــــاسْ: هوا مبارك ده تبع مين بالظبط ؟؟
ايوة انا  .. في حاجة يا عماد ؟
NaMe : Ali Adel
FroM : el ManSoOorRa , Egypt , Agda3 Nas

طالب جامعي حاليا ..عاطــل مستقبلا

ana Meen ba2a ?

الأربعاء، فبراير 28، 2007

هوا مبارك ده تبع مين بالظبط ؟؟

مبارك يمنح قائد الجيش الأمريكي بالعراق وساما مصريا
2/19/2007
القاهرة -
منح الرئيس حسني مبارك رئيس الجمهورية
القائد الأعلي للقوات المسلحة وسام الاستحقاق من الطبقة الأولي
للفريق أول جون أبي زيد قائد القيادة المركزية الأمريكية تقديرالمجهوداته في دفع علاقات التعاون العسكري المصري الأمريكي
بمناسبة إحالته للتقاعد وذلك أثناء زيارته لمصر الأحد
وقد أناب الرئيس المشير حسين طنطاوي القائد العام للقوات المسلحة وزير الدفاع والإنتاج الحربي
في تقليده الوسام
، حسبما ذكرت جريدة الأهرام
..
الخبر قرأته في مدونة ابن ناصر
سألت نفسي سؤال بسيط
مبارك معانا ولا مع اسرائيل ؟؟
لا بجد مش بهزر ؟؟
..
شخص مجرم حرب .. جزار .. ارهابي
قاتل
خان بلده الاصلي و خان اصله العربي
يديه ملوثة بدماء 650 الف قتيل من ابناء العراق
مبارك يمنحه وسام الاستحقاق من الدرجة الاولى
وهو اعلى وسام عسكري مصري
بامارة ايه ؟؟
هو مبارك ده ريس مين بالظبط ؟؟
بجد والله
ارجع شهر لورا
وتصريح مبارك في حديث لجريدة يديعوت احرانوت الصهيونية
::
أولمرت شخص طيب وعندما أقول أنه طيب فأنا أعني ذاك وأنا راض عنه
::
وبرضه برجع للصورة دي
..
و التي تظهر وتبين قمة المودة والحب الطاهر النقي
بين الاخ مبارك والاخ الفاضل ايهود اولمرت
سلمت يمناه واتاه الله من حيث لا يحتسب
الريس ده تبعنا ولا تبع مين ؟؟
هوا الانحناء والانبطاح وصل للدرجة دي ؟؟
بجد والله
بقينا خلاص مفرش للدول التانية ؟؟
الموالسة علنية للدرجة دي ؟؟
بس هقول ايه
لا قول فوق قول الله تعالى
{وَمَن يَتَوَلَّهُم مِّنكُمْ فَإِنَّهُ مِنْهُمْ إِنَّ اللّهَ لاَ يَهْدِي الْقَوْمَ الظَّالِمِينَ}
...
رئيسنا الهمام .. الجامد التمام
الرئيس اللامع ذو اللون الفاقع و الشعر الطويل و الكرش الكبير
برضه اصدر الاوامر باحالة كوادر وقيادات جماعة الاخوان المسلمين
الى محاكمات عسكرية ..و نهب اموالهم
رغم ان في برنامج مبارك الانتخابي
نص على حاجتين مهمين جدا
اولهما الغاء العمل بقانون الطوارئ
وثانيهما ارساء حق المواطن في محاكمته امام قاضيه الطبيعي
والاتنين كالعادة الريس لحس كلامه فيهم
وبالمناسبة دي بهدي تحياتي لاي انسان ساق العبط و صدق الاعلام الحكومي ايام مهزلة الانتخابات
وراح ادى صوته لحسني مبارك
وبقوله تستاهل
ومع كامل احترامي ليك
شوف اخرة هبلك وعبطك
..
طب اقول ايه بس
بجد اقول ايه ؟؟
ابوس ايديكم قولولي اقول ايه ؟؟
بذمتك مش حاجة تخنق يا جدع ؟؟
بالمناسبة دي بهدي تحياتي للاخ المنافق حامد موسى
صاحب اليافطة الكوالالمبورية دي
وبقوله كلو سنة وانت موالس
الله يحرقك انتا وامثالك
مليتو البلد

التسميات: ,

50 CoMMeNtS :

Anonymous Om@r Said To Me :-

لا حول ولا قوة الا بالله
دى مهزلة اللى بتحصل فى مصر دى و الناس ساكتة
لازم حد يعمل حاجة كفاية ظلم .. كفاية خداع .. كفاية استبداد .. كفاية سرقة و نهب .. كفاية تخريب فى البلد .. كفاية عملاء للامريكان .. لازم نوقف المهزلة اللى بتحصل دى
لان بعد كدة مش عارفين ايه اللى ممكن يحصل انهاردة يكرم ارهابى .. مجرم بكرة يجيبه يحكم البلد مش بعيدة على الريس مهو يقدر يعمل كل حاجة اصلها بقت بلد اهله
لازم حد يتحرك لازم نحاول طول ما احنا مستسلمين للحكماء المستبدين مش هنتقدم و هنفضل من دول العالم الثالث و هتفضل فلسطين محتلة لازم نحارب الفساد النظامى الممثل فى الحكومة و الريس
انا مش عارف الناس دى بتعمل كدة
عشان الفلوس مثلا ؟ طظ فى الفلوس اللى تخلى الواحد يسرق بلده و يخلى شعبه فقير جربان مش لاقى ياكل

حسبنا الله و نعم االوكيل

1:13 ص  
Blogger fnan_geology Said To Me :-

لا تعليق
وسلاااااام

12:35 م  
Blogger AbdElRaHmaN Said To Me :-

أقوللك تبع مين يا علي
من الكلام اللي انت كتبته .. مش عارف .. نكفره ؟؟
يستحيل نقدر
لكن نعمل ايه ؟
الراجل ده حاكم جائر
خائن لوطنه بدعوى أو دعاوى متعدده
يحاول أن يثبت أركان حكمه ولو على أجساد شعبه المطحون
على كل حال
ربنا يبعدك عنه يا علي وما تتاخدش انت بتهمة اهانة البتاع
سلام

1:52 م  
Blogger ibn nasser - ابن ناصر Said To Me :-

والله خلاص الحكايه وصلت يا علي انه ناقص يقوول انا مع اسرائيل وانت خت خبر انه كرم السفاح وماختش خبر انه عايز يغرق ممر فيلادلفيا عشان السلاح مايروحش لفسطين ..ده عمييل رسمي ,,ويسقط الخونه الموالسين زي موسي ده وامثاله ..
وتحياتي

2:59 م  
Blogger الدبور Said To Me :-

و لا تحسبن الله غافلا عما يعمل الظالمون إنما يؤخرهم ليوم تشخص فيه الابصار
صدق الله العظيم
و لا حديث افضل مماقال القرآن الكريم

تحياتي
الدبور

1:42 ص  
Blogger يا مراكبي Said To Me :-

أما مش هاتكلم في السياسة علشان عندي عيال عايز أربيهم

بس هاتكلم في القرآن اللي فيه الآيتين الرائعتين دول في سورة المائدة

قال تعالى: يأيها الذين آمنوا لا تتخذوا اليهود والنصارى أولياء بعضهم أولياء بعض .. ومن يتولهم منهم فإنه منهم .. إن الله لا يهدي القوم الظالمين

فترى الذين في قلوبهم مرض يسارعون فيهم .. يقولون نخشى أن تصيبنا دائرة .. فعسى الله أن يأتي بالفتح أو أمر من عنده .. فيصبحوا على ما أسروا نادمين

فاكر البوست بتاعي ده

http://yamarakby.blogspot.com/2007/01/blog-post_20.html

بس برضه انا ماليش في السياسة .. خليك فاكر

1:05 م  
Blogger ROMIL Said To Me :-

تبع مين ؟

أنا قرأت في الدستور موضوع خلاني أشك في نفسي
أن جاسوس روسي كاد أن يصل الى رئاسة جهاز المخابرات الانجليزي
فالحكايه دي مش بعيده يعني

ROMIL

2:21 م  
Blogger ahmEd_H Said To Me :-

:S

بجد انا اعصابى تعبت من الراجل دا

2:57 م  
Anonymous المعتصم Said To Me :-

السلام عليكم أخي الكريم
الكل يعلم أن لمصر ثقل في بلاد العرب وهي عمق حضاري للامة فنحن في العراق عرفنا الحقيقة وهي أن الغرب يريد عزل مصر عن الامة وعن طبيعتها حتى في تصرف الرئيس وللاسف مبارك يمثل مصر في هذه المرحلة والله المستعان
أخوكم
المعتصم

4:00 م  
Blogger Amr Ahmed Said To Me :-

حملة انقذو الاقصي من الزملاء المدونين
قاسم افندي
http://kassemafandi.blogspot.com/

كلبوزة لكن سمباتيك
http://kalbozza.blogspot.com/
ارجو الاهتمام

5:17 م  
Blogger Sharm Said To Me :-

على فكرة حامد موسى ده ملى بورسعيد يفط

11:41 م  
Blogger قاسم أفندي Said To Me :-

خف يابا شوية عندنا عيال عايزين نربيهم الله يكرمك
:)

12:57 ص  
Anonymous semsema89 Said To Me :-

مش عارفه ارد واقول ايه غير .... لا تعليق

وطبعا بضيف رد دبور الرائع :
و لا تحسبن الله غافلا عما يعمل الظالمون إنما يؤخرهم ليوم تشخص فيه الابصار
صدق الله العظيم

4:50 ص  
Blogger Memo Said To Me :-

mobarak dah msh men hena
men henak
y3ny tab3hom homa m3 elnas eltanin
we b3din bas ya wad enta enta 3iz t2ol 3lina han2lb elhokm wala aih
a7na n2sin amn dwla we albs 4 snin aftra
allah ystorak darina ya 7ita
t7iatshy

2:27 م  
Blogger اصرار أمل Said To Me :-

انا لله وانا اليه راجعون ...
قرأت موضوع قائد الجيش الأمريكى ده قبل كده ...
المفروض اننا خلاص شلنا ايدينا من مبارك ومن كل اللى بيعمله ...
فى الواقع لم أعد أندهش من أى شىء يقوله أو يفعله ...
لكن مايؤذينى الآن ( حامد موسى ) مين ده أساسا علشان يكتب : نعم بالاجماع ؟!!
بأى حق يتقول علينا مالم نقله ؟!!!
حسبنا الله ونعم الوكيل
( ان الله ليملى للظالم حتى اذا أخذه لم يفلته )

4:39 م  
Blogger copa Said To Me :-

انا فعلا قريت الخبر ده بس في جريدة الدستور بان مبارك منح قائد الجيش الامريكي وسام الاستحقاق من الطبقة الاولي يعني مش اي حد وكانوا عاملين مقارنة ما بين وسامات الاستحقاق الي اداها مبارك و ادااها السدات و عبد الناصر .... و تلاقي الملفت للنظر ان معظم الي منحهم الوسام يا مفسدين يا اتسجنوا دايما متلائيش حد عدل و اانا مش فاهم يعني هو بيحب يغضب الناس ولا ايه ياعني ولا هو مش عربي انا مش فاهم الناس بنقول العراق و الناس بتموت و اقوم اعطي للبيقتلهم وسام يعني زي اقتل ابني و اديك عمري ايه الناس دي يارب ارحمناااااااااااااا

11:51 م  
Blogger kaed Said To Me :-

اللة يلعن أبو النفاق و الرياء بيخلوا الواحد يبيع أعز مايملك ... كرامتة

1:31 ص  
Blogger واحد من الناس Said To Me :-

حسبي الله و نعم الوكيل

و بالنسبه لحامد موسى انا شفت العن منه
واحد كتب يافطه بتقول
نعم بالأجماع
الحاج فلان و ابوه المرحوم الحج الفلاني

للدرجادي النفاق

يعني مش بس العي في بطن امه لأ الميت في تربته

يرحمنا ربنا

7:58 م  
Blogger esraa Said To Me :-

الصراحه ياعلي دي مش حاجه تخنق, دي حاجه تقرف , الوسام ده اذا كان في حد يستاهله فهو العريف محمد اللي رفض يحرس سفارة اسرائيل, اللي هم حولوه للتحقيق ووقفوه عن العمل.
أما بقي مبارك تبع مين بالظبط فهو تبع اللي يخليه علي الكرسي, وأنا مش فاهمه ازاي هو مش عارف ان اللي بيعمله ده مش هيخليه علي الكرسي ولا حاجه.

9:47 م  
Blogger koukawy Said To Me :-

بعد كل ده لسه بتسأل هو تبع مين

2:10 ص  
Blogger واحـــد مـــــن الـنـــاس Said To Me :-

Om@r

منورنا يا عمر
عايزك تعمل حاجات جديدة على مدونتك

10:51 م  
Blogger واحـــد مـــــن الـنـــاس Said To Me :-

fnan_geology
شكرا على تشريفك لمدونتي اخي العزيز

10:52 م  
Blogger واحـــد مـــــن الـنـــاس Said To Me :-

AbdElRaHmaN

يسمع من بقك ربنا يا عبد الرحمن

منورنا

10:53 م  
Blogger واحـــد مـــــن الـنـــاس Said To Me :-

ibn nasser- ابن ناصر
والله يا باشا
الموالسة بقت علنية
ده الواحد مبقاش عارف يقول ايه اساسا

منورنا ياباشا

10:54 م  
Blogger واحـــد مـــــن الـنـــاس Said To Me :-

الدبور

خير الكلام ما قل ودل

جزاكم الله خيرا اخي العزيز

10:54 م  
Blogger واحـــد مـــــن الـنـــاس Said To Me :-

يا مراكبي

على فكرة انا كمان مليش في السياسة

تخيل ؟؟
بس بجد البوست رائع جدا جدا يا زعيم

يا ريت تنورنا علطول

10:57 م  
Blogger واحـــد مـــــن الـنـــاس Said To Me :-

ROMIL

والله من كتر القهر ياباشا الواحد مبقاش عارف يقول ايه ولا يعمل ايه

حسبي الله ونعم الوكيل

10:59 م  
Blogger واحـــد مـــــن الـنـــاس Said To Me :-

ahmEd_H

يا بختك
اعصابك بس اللي تعبت ؟؟؟

اومال انا اعمل ايه ؟؟

ااااااااااه يا بلد

منورنا يا كبير

11:00 م  
Blogger واحـــد مـــــن الـنـــاس Said To Me :-

المعتصم

والله اسوأ شيء
ان اخواننا العراقيين يظنون ان الشعب المصري يؤيد تكريم المجرم الارهابي قائد الجيش الامريكي الذي قتل مئات الالوف من ابناء العراق

لكن والله الشعب برئ تماما من هذه الخطوة التي اقدم عليها مبارك

انا لله وانا اليه راجعون

11:02 م  
Blogger واحـــد مـــــن الـنـــاس Said To Me :-

Amr Ahmed

جزاك الله خيرا اخي العزيز

انا تضامنت مع الاخ قاسم افندي والله

11:03 م  
Blogger واحـــد مـــــن الـنـــاس Said To Me :-

Sharm

هوا بيشتغل ايه الراجل ده ؟؟

اكيد قط سمين ؟؟
صح ؟؟

11:04 م  
Blogger واحـــد مـــــن الـنـــاس Said To Me :-

قاسم أفندي

والله ياباشا منا عارف اقول ايه

منورنا يا كبير

11:05 م  
Blogger واحـــد مـــــن الـنـــاس Said To Me :-

semsema89

صدق الله العظيم

شكرا اختي الكريمة على تشريفك للمدونة

واذا احتجي اي مساعدة في تصميم مدونة ليكي انتي تؤمريني بس والله

11:06 م  
Blogger واحـــد مـــــن الـنـــاس Said To Me :-

Memo
والله يا ميمو نفسي اعرف مبارك تبع مين بجد
هناك ؟؟

طيب فين هناك دي ؟؟؟
بجد والله

11:09 م  
Blogger واحـــد مـــــن الـنـــاس Said To Me :-

اصرار أمل

حامد موسى ده شخص منافق زيه زي بقية
حاشية مبارك

طبيعي جدا شخص عميل خائن زي مبارك يكون حاشتيه منافقين وافاقين زي حامد موسى


شرفتيني اختي الكريمة

11:15 م  
Blogger واحـــد مـــــن الـنـــاس Said To Me :-

copa
منورنا يا حبي

11:16 م  
Blogger واحـــد مـــــن الـنـــاس Said To Me :-

kaed

والله العظيم ياباشا المنافقين اساسا مبيبقاش عندهم كرامة عشان يبيعوها

منورنا يا زعيم
وياريت تنورنا علطول

11:17 م  
Blogger واحـــد مـــــن الـنـــاس Said To Me :-

واحد من الناس

والله ياباشا

انا شوفت يافطة مسخرة لواحد اسمه حامد النمر

بيقول الجنين في بطن امه بيقول نعم لمبارك

والله العظيم مش بكذب

يعني الميت واللي في بطن امه

شايف ؟؟؟؟

11:18 م  
Blogger واحـــد مـــــن الـنـــاس Said To Me :-

esraa
العريف محمد ده رااااااااااجل
راجل بجد
قدر يقول لا

راجل بجد
مش قواد زي اللي بيحضن اولمرت وهوا بيضحك

حسبي الله ونعم الوكيل
منورانا يا اسراء

شرفتي المدونة بجد

11:20 م  
Blogger واحـــد مـــــن الـنـــاس Said To Me :-

koukawy
ولسه بسأل

هوا تبع مين برضه ؟؟؟

11:20 م  
Anonymous غير معرف Said To Me :-

فسااااااااااااااااااااااادك يا وطنطن .مع اني عارف ان الوسام ده لا يعطي الا اللي خدم البلد بجد .تيب يقولوننا هو خدمنا في ايه واحنا نتخرص

4:55 ص  
Blogger spellz Said To Me :-

m3 israel tab3an
we ya reeto 3ageb israel
ana lesa shayfa video tarya2a 3leeh 3la u-tube mn qanah israelya
atkesef a2olak 3aleeh mn ellet l adab wl shatayem wl safala eli m5aleyeeno ye2olha

yalla rabena yeheddo b2a

7aga te2ref

1:12 م  
Blogger david santos Said To Me :-

InsyaAllah

7:00 م  
Blogger yamen Said To Me :-

عارف النكتة بتاعة انت معانا ولا مع الناس التانيين

اهو انا حاسس ان الريس هو الناس التانيين

6:19 م  
Blogger واحـــد مـــــن الـنـــاس Said To Me :-

Anonymous

هوا خدم امريكا فطبعا حسني مبارك خدام امريكا لازم يعمل اللي عليه ويكرم الراجل

1:00 ص  
Blogger واحـــد مـــــن الـنـــاس Said To Me :-

spellz

انا شفت الفيديو ده زمان

يا بنتي اصل اللي ملوش خير في بلده ملوش خير عند حد

ل
لكن تقولي ايه في واحد مهزأ زي مبارك ده ؟؟؟

1:01 ص  
Blogger واحـــد مـــــن الـنـــاس Said To Me :-

david santos

يارب

منورنا استاذ ديفيد

1:02 ص  
Blogger واحـــد مـــــن الـنـــاس Said To Me :-

yamen


الناس التانيين اتبرو من الريس


يبقا هوا تبع مين ؟؟

1:08 ص  
Anonymous غير معرف Said To Me :-

A片,A片,成人網站,成人影片,色情,情色網,情色,AV,AV女優,成人影城,成人,色情A片,日本AV,免費成人影片,成人影片,SEX,免費A片,A片下載,免費A片下載,做愛,情色A片,色情影片,H漫,A漫,18成人

a片,色情影片,情色電影,a片,色情,情色網,情色,av,av女優,成人影城,成人,色情a片,日本av,免費成人影片,成人影片,情色a片,sex,免費a片,a片下載,免費a片下載,成人網站,做愛,自拍

情趣用品,情趣用品,情趣,情趣

情趣用品,情趣用品,情趣,情趣,情趣用品,情趣用品,情趣,情趣,情趣用品,情趣用品,情趣,情趣,情趣用品
情趣用品,情趣用品,情趣用品,情趣用品.情趣,情趣,情趣,情趣.
視訊聊天室

情色,AV女優,UT聊天室,聊天室,A片,視訊聊天室


UT聊天室,視訊聊天室,辣妹視訊,視訊辣妹,情色視訊,視訊,080視訊聊天室,視訊交友90739,美女視訊,視訊美女,免費視訊聊天室,免費視訊聊天,免費視訊,視訊聊天室,視訊聊天,視訊交友網,視訊交友,情人視訊網,成人視訊,哈啦聊天室,UT聊天室,豆豆聊天室,
聊天室,聊天,色情聊天室,色情,尋夢園聊天室,聊天室尋夢園,080聊天室,080苗栗人聊天室,柔情聊天網,小高聊天室,上班族聊天室,080中部人聊天室,中部人聊天室,成人聊天室,成人

10:12 ص  
Anonymous افلام اون لاين Said To Me :-

مشكووووووووووووووووووووووووووور

3:14 م  

إرسال تعليق

<< Home