أنـــا .... وأخــــــي
يااااااااااه
سبع سنين ؟؟
بجد سبع سنين ؟؟
يعني هاني اخر مرة شفته من سبع سنين ؟؟
هوا الزمن بيعدي بالسرعة دي ؟؟
ــــــــــــــــــــــــــــــ
__________
يوم الخميس 10 فبراير سنة 2000
انا واخوتي كنا بنلعب بليل
قدام البيت في السعودية في جدة
..
انا واحمد كنا بنلعب كورة مع ولاد الجيران
وهاني وعمرو كانو بيلعبو بالعجلة
..
حقيقة الايام عدت بسرعة يا هاني
..
طيب لما خلصنا اللعب يا هاني ورحنا البيت نمنا
ليه مصحتش معانا تصلي الجمعة ؟؟
..
سبع سنين يا هاني ؟؟
..
الناس لما كانو بيشوفونا كانو بيقولو علينا توأم
صح يا هاني ؟؟
..
ليه مصحتش معانا تصلي الجمعة ؟؟
..
ـــــــــــــــــــــــــــــــــــــــ
ـــــــــــــــــــــــــــــــــــــــ
احمد وهاني وعلي نامو على السرير
ماما بتصحينا
احمد وعلي صحو
بس هاني مصحاش
..
سبع سنين يا هاني ؟؟
المشهد قدامي اهو يا هاني
ماما بتصحيك
قوم يا هاني يالا
قوم يا هاني يا حبيبي
بس هاني مصحيش
..
بجد هما سبع سنين يا هاني ؟
ياه يا هاني
..
يا ترى يا هاني شفت منظر ماما وهيا بتصحي بابا
وبتقوله الحق هاني ؟؟
وبابا قام مفزوع يا هاني ؟؟
..
يا ترى يا هاني انتا زعلان مني ؟؟
مسامحتنيش يا هاني ؟؟
دنا اخوك الصغير ؟؟
انا علي يا هاني
..
يا ترى يا هاني شفتنا انا واحمد واحنا مفزوعين عليك ازاي
وبابا بيعملك تنفس صناعي ؟؟
بابا بيحب هاني
وبيحب احمد وعلي برضه
بس يا ترى هما فعلا سبع سنين يا هاني ؟؟
..
سبعة يا هاني ؟؟
يا ترى يا هاني شفت منظر ماما وهيا واقعة على الارض والستات حواليها
وهيا بتصرخ
ابني ...هاني ...يا حبيبي يا ابني ؟؟
شفت منظر احمد وهوا نازل القبر معاك وبيدفنك يا هاني ؟؟
احمد اخوك الكبير يا هاني
احمد بيحب هاني
..
هاني
يا ترى شايف الدموع اللي نازلة من قلبي دلوقتي ؟؟
انتا رحت لرب العالمين رب العرش العظيم يا هاني
وسبتنا يا هاني
بس بجد هما سبع سنين يا هاني ؟؟
..
على فكرة يا هاني
ربنا رزقنا بهبة وندى
اخواتي البنات بعد ما ربنا اختارك تكون عنده يا هاني
دول اخواتك يا هاني
بيحبوك والله يا هاني
..
يا ترى بجد مسامحني يا هاني ؟؟
امانة عليك تسامحني يا اخويا
اخوك الصغير يا هاني
سامحني يا هاني
..
احمد وعلي صحو
بس هاني مصحاش
هاني راح فين ؟؟
هاني عند ربنا
هاني طلع لربنا وهوا نايم في اتجاه القبلة
وفي يوم جمعة
..
سبع سنين
سبع سنين مرو من عمري يا هاني
يا ترى لو كنت معايا
كان في حاجة هتتغير ؟؟؟
انتا اكيد مرتاح يا هاني
طب سبتني ليه ؟؟
دنا علي يا هاني
اخوك الصغير يا هاني
..
على فكرة يا هاني
بابا وماما فاكرينك يا هاني
ماما يا هاني
ماما اللي قلبها بيتفطر عليك يا هاني
بابا بيدمع يا هاني
اللي عمري ما شفت الدمعة في عينه
دمع يا هاني
بابا يا هاني
بابا عادل دكتور عادل
بابا يا هاني
..
سبع سنين يا هاني
ومهما مرت السنين
هتفضل في قلبي يا هاني
يا حبيبي يا هاني
سامحني يا هاني
سامحني يا هاني
سامحني يا هاني
دنا علي يا هاني
اخوك الصغير
علي يا هاني
علي
ــــــــ
ــــــــــ
انا واخي
شوق يدفعني لآراها
امي ذكرى لا أنساها
طيف انقا
من زبد الايام ابقى
امي امي امي
همساتها احلى من ناي
سكنت قلبي
كلامتها باتت نجواي
تضئ دربي
لا تنسى اخاك
ترعاه يداك
لا تنسى اخاااك
لو سرقت منا الايام
قلبا معطاءً بسام
لن نستسلم للآلام
لن نستسلم للآلام
لا تنسى اخاك
ترعاه يداك
لا تنسى اخاااك
ترعاه يداك
لا تنسى اخاااك
أنــــا و أخــــي
::
ياريت تسامحوني مش هقدر ارد على اي حد الا لما اخرج من الحالة اللي انا فيها
التسميات: من قلبي
كــتــبــهــا واحـــد مـــــن الـنـــاس | 1:13 ص
57 CoMMeNtS :
sema89بسم الله الرحمن الرحيم
اولا احب اننا كلنا نذكر بعض بقراءه الفتحه...
على روح اخونا هانى وروح الاموات اجمعين
ثانيا البقاء لله يا اخ على وربنا يصبركم كلكم لان بجد احنا حسينا بالكلام الى كتبته جدا واتاثرنا بيه كتير .. ربنا يصبركم ويصبرنا اجمعين.. بس هيا الحياه كدا .. ناس يتولدو وناس يموتو وتستمر الحياه. بجد انا مش عارفه اعلق اقول ايه ولا اكتب ايه بس كل الى اقدر اقولهك انك تصبر وتحاول تكون احسن واحسن ومتحاولش تبينلهم فى البيت انك زعلان لان اكيد هما كمان زيك وكدا هيزعلو اكتر واكتر بس حاول تخرجهم من المود دا وتخرج نفسك منه لانك لو فضلت كدا هتفضل طول عمرك عايش فى قوقعه الزعل لان كل يوم حد بيموت وهتشوف ناس عزاز عليك كتير بيموتو ادامك وبالشكل دا هيبقى اغلب عمرك حزن ... وبجد ربنا يصبرك ويهديك ويوفقك ان شاء الله وكل يوم تكون احسن من اليوم الى قبله وتكون مثل قدوه حسنه لاخواتك الصغيرين ولكل الناس باذن الله
ومره اخرى .... البقاء لله وربنا يرحم اخوك ويرحمنا ويرحم الاموات اجمعين"امين يا رب العالمين"
البقاء لله 00بس انا حاسه ان ده شئ جديد مش سبع سنين 00انت خليتني اعيط بجد00
ربنا يصبرك يا علي
ربنا يتغمده برحمته ان شاء الله ويدخله الجنة نسأل الله ان يدخله الجنة ويحفظ بناته ويصبر اهله
بسم الله الرحمن الرحيم
لاإله إلا الله والصلاة والسلام على رسول الله
مش عارف اقولك إيه ياعلي، بجد خليت الواحد يبكي من قلبه. ربنا ياابني يصبرك ويهدي قلبك ويريحك ويخرجك من الحالة دي على خير.
ياعلي ياإبني، هاني ربنا اختاره عشان يكون جنبه في السن دي عشان عايزه يبقى زي الملايكة، من غير تلوث ولا ذنوب.
ربنا يجمعنا ويجمعك بيه في الجنة يارب. كفاية حزن ياابني، كلنا ودائع لله، وهو جل وعلا بيسترد وديعته في الوقت اللي يشاؤه هو وبس.
أكيد هاني بيحبك وبيموت فيك وبيدعيلك ولوالده ليل ونهار، هاني لما ربنا اختاره ماكانش لسة عرف كره ولا حقد ولا حسد.
لو صحيح بتحب هاني وعايزه يبقى سعيد، خد بالك من نفسك، كون راجل صالح ناجح وقوي عشان تعرف تقف وقفة رجالة مع والدك ووالدتك واخواتك وتساعدهم في شدتهم وضعفهم. هو ده اللي يحبه هاني وهو ده اللي يخليه سعيد ومرتاح.
ربنا يخليك ويبارك فيك لوالديك ويبارك لك في كل أحبابك.
وياريت تعتبرني أب أو أخ أكبر ليك، لو احتجت أي حاجة في أي وقت، حتلاقيني جنبك انشاء الله.
تذكرت والذكرى مؤلمه
rabena yer7amo...
انا لله وانا اليه راجعون
مش عارفة اقول ايه؟؟
الكلام صادق اوي ..
حسيناه واتاثرنا بيه اوي
مش لاقيه غير حاجة واحدة اقولها
ربنا يجمعك بيه في الجنة
أدميت قلبى
البقاء لله ، ورحمه الله وغفر له ولك والهمكم الصبر على فراقه
الزمن بيجرى
كلنا امبارح كنا لسة عيال
انا كمان لسة بفكر وبقول هو بنطلون المدرسة بتاعى والقميص الكاروهات راحوا فين؟
الزمن بيجرى واحنا بنكبر وبنبقى اجسام ضخمة وعقول مفكرة بس راحت فرحة الطفولة ولعب زمان
البقاء لله
وربنا يعينك يا على
ربنا يرحمه
و يصبرك انت و كل اهله
ادعيله و اقرا له قرآن
ده احسن له
و ان شاء الله يكون فى الجنه
semsema89
ربنا يكرمك يارب
والله بجد التعليقات فرحتني جدا جدا
وخرجتني من الحالة اللي كنت فيها
بجد ربنا يكرمك ويبارك فيكي
وربنا يرحم كل اموات المسلمين يارب
ويدخلهم فسيح جناته
koukawy
البقاء لله سبحانه وتعالى
على فكرة
الكلام طالع من قلبي بجد
اقسم بالله انا كنت بعيط عياط فظيع وانا بكتبه
اول مرة ابقى بالحالة دي في حياتي
محمود الششتاوي
ربنا يرحم كل اموات المسلمين
ويهدينا ياااااارب
The Egyptian Falcon الصقر المصري
بجد بجد
متقدرش تتخيل تعليق حضرتك اثر في قد ايه
بجد بجد كلام دخل قلبي
واتأثرت بيه بجد
بجد ربنا يكرمك ويكتر من امثالك
وربنا يعينني واطبق كلام حضرتك
وبجد يبقى ليا الشرف لما حضرتك تبقى اخويا الكبير
وربنا يرحم كل موتى المسلمين يارب
وياريت متحرمناش من زياراتك اللي نورت المدونة
ياء
الذكرى دائما ما تكون مؤلمة
ويشتد الالم حينما يكون الفقيد عزيزا لديك
انا لله وانا اليه راجعون
Mony The Angel
يارب يرحم كل موتى المسلمين
ويجعل الجنة دارهم يارب
واحدة بتحب البلد دي
والله دعوة جميلة جدا جدا
ياااااااارب استجب
يااااااااااااااارب
اللهم اجمعني باخي في جنة الخلد يارب العالمين
اللهم اهدني
اللهم اهدني
ياااااارب
Mohamed A. Ghaffar
اللهم امين
جزاك الله كل خير يا استاذ محمد
ويارب يرحم موتى المسلمين ويرزقهم الجنة يارب
Islamist Bloke
اهلا بيك يا احمدالبقاء لله سبحانه وتعالى والله يا احمد
احسن نعمة ربنا رزقها للناس هيا نعمة النسيان
لاننا لو كنا بنفتكر كل حاجة كان زماننا كلنا ميتين دلوقتي
العمر دايما بيتملى مأسي واحزان
ربنا يرحمنا كلنا يارب
mano
ربنا يرحمنا جميعا يارب
ويغفر لينا ذنوبنا
جزاكي الله الف خير اخت مريم
أقوللك ايه يا علي
ربنا يجمعك بيه في الاخره بعد عمر طويل زي ما انت بتحبه كده وزي ما انت تحب تشوفه
ربنا يصبرك يا علي
بنحاول كلنا ننسى
لكن يستحيل اننا ننسى
(F) لك مني ورده يا علي
والله يرحمك يا هاني ويجمعنا بيك في الجنة على خير
انا كمان اخويا كان اسمه هانى
بس ما شوفتوش
وفات اكتر من 7 سنين بكتير
ربنا يرحمه يا حبيبى
ربنا يرحمنا جميعا انا تاثرت بحزنك و البقاء لله
البقاء لله
ربنا يرحمه برحمته
و يسكنه فسيح جناته..آآمييين
حاسه بوجعك عشان فيه في قلبي وجع زيه
ذكرى أمي يوم 17
4سنين
أكنه لسه إمبارح
أنا كمان نويت أعمل بوست يوميها
الواحد لازم يفتكر عشان يعرف قد ايه الدنيا دي ولا حاجه
و مش لازم أبدا تبقى منتهى أملنا
قلبي معاك
السلام عليكم
البقاء لله اخ على
وانا لله انا اليه راجعون
هذة الكلمات البسيطة هى التى لم أجد غيرها الا للتعبير بها لان كلامك اخذنى الى حالة غريبة لم اشعر بها الا مرات قليلة عند فقد الاحبة فأنا شعرت فعلا ان هانى هو فعلا اخى وأسأل الله أن يجمعك به فى الفردوس الاعلى على سرر متقابلين
وأحسن الله عزائك وأعظم اجرك
ربنا يصبرك والفتحه علي روح أخونا هاني وشكلك يا علي مجرح قوي ربنا معاك
http://ibnasser.blogspot.com
AbdElRaHmaN AyYaSh
جزاك الله خيرا اخي عبد الرحمن
وشكرا على الدعوة الجميلة
ربنا يستجيب يارب
منورنا دايما
moodysalihamidzic
ربنا يرحم اخويا واخو
وكل المسلمين يارب العالمين
ويغفر ليهم ويجمعنا بيهم على خير
منورنا يا استاذنا
shabfa2re
اللهم امين
جزاك الله الف خير اخي العزيز
ذو النون المصري
اخي العزيز البقاء لله وحده
جزاك الله خيرا على مواساتك لي
ويارب تكون اخر احزاننا جميعا
soosa el-mafroosa
ربنا يخلييكي يارب
وربنا يرحم والدتك ويغفر ليها يارب
هيا وكل موتى المسلمين
كل واحد شايل جوه وجع والم تجاه واحد من العزاز عليه
ودايما بيفتكره
ربنا يغفر لكل موتى المسلمين يارب
ahmed said
جزاك الله كل خير على كلماتك الجميلة
التي دخلت قلبي والله
وغفر الله لي ولك ولكل المسلمين يارب العالمين
ibn nasser- ابن ناصر
جزاك الله الف خير اخي العزيز
ويارب يجعل مثوانا الجنة ان شاء الله
مش عارف أقول حاجه بعد كل اللى أتقال
ربنا يرحمه ويرحمنا جميعا
ان شاء الله يكون سبب لدخولك انت وأهلك الجنة يارب
أنا دخلت هنا أول ماكتبت البوست ده, بس ماعلقتش عشان ماكنتش عارفه اقول ايه ولسه مش عارفه
بس نا عايزه أقول ربنا يرحمه, ويصبركم وتفضلو فاكرينه علي طول, بجد ربنا يرحمه ياعلي
حسن محمود
ياااارب
يارب يتقبل دعائك يارب
جزاك الله الف خير اخي العزيز
وبارك فيك
نورتنا والله
esraa
ربنا يرحم كل اموت المسلمين يارب
وربنا يخلييكي يا اسراء
كلماتك جميلة فعلا
جزاكي الله الف خير
هاني عند اللي احن عليه من كل الدنيا ياعلي
هاني مستني ماما ادام باب الجنة يا علي
ربنا يجمعك و يجمعنا بيه هناك ان شاء الله
هناك مفيش حزن و لا دموع و لا فراق يا علي
ربنا يرحمنا و يغفر لنا و لجميع المسلمين الأحياء و الأموات
هانى مصحيش ياعلى زى كلنا ماهيجى علينا اليوم ومنصحاش
ولما حد ينادى علينا مش هنرد
هون عليك وادعى ربنا يجمعك بيه وبأسرتك كلها فى الفردوس الاعلى فى صحبة سيد الخلق اللهم امين
اللهم يا جامع الناس ليوم لا ريب فيه اجمع بين على وهانى وكل عليتهم فى الفردوس الاعلى فى صحبة سيد الخلق اللهم آمين
Sd2ny ana msh 3aref a2olak eh...msh 3shan tshaboh el asma2 wlahy...l2...bs begad ana dam3t...dam3t kteeeer awyy we ana b2ra el tadwena deh.......msh m32ola wlahy...rabena yer7amo ya rabbb
انا عرفت البوست دة من مدونه محمد عبد الغفار بجد موقف صعب انه كدة تيجوا تصحوا مش يصحى ربنا يصبركم ويصبر والديك والحمد للهانهم اصبحوا لهم بيت فى الجنه اسمه بيت الحمد وهانى رحمه الله عليه هو اللى هايخد بايديهم للجنه بجد كلامك مؤثر وبيوجع القلب وخصوصا انا لسه اختى متوفيه بقالها 38 يوم بس رحمه الله عليها ربنا يجمعنا بهم فى الفردوس اللهم امين يارب العالمين
ياااااااااااااااااااااااااااااه يا على بجد خليت قلبى يعيط من جواه اتفضل بقى خرجنى من الحالةدى والله بالظبط من 3 ايامواناقارية الكلام ده ولسة قلبى بيعيط ولسة قادرة اكتبلك ربنا يصبركم ويرحمه ويجعل مثواه الجنة ويرحم اهل الدنيا من الدنيا
نورا
اخى مع احترامى للجميع انا الوحيد اللى حاسس بيك يمكن انا عايش دا اكتر لان بالنسبه لى من 7 شهور مش 7 سنين اه اه محدش ممكن يتخيل لا يفهم .... ربنا يعزيك و يرحمنى انا لانى مش قادر انا اسف بس حبيتك اقولك ان فى ناس عاشت نفس مشاعرك و فهامك
الله يرحمه ويصبرك .. انت قولت سامحني كتير ليه ... لو كنت متخانق معاه صدقني اكيد سامحك ... ولو انت حاسس بالذنب انه مات وانت لأ دا كله بايد ربنا بس
الحبيب .. علي
لست من أصحاب المدونات
ولعلك لا تعرفني ولا أعرفك
غير أني مررت من هنا فوجدت هذه الدموع الثخينة ..
أصدقك القول ..
تقريبا أول مرة ( تقريبا ) تنزل دموعي من كلام غير كلام الله
أعرف أن لغتها الأدبية غير قوية .. نعم وجملها خرجت من قلب لم يرد تنسيقها أو تنميقها
لانها كانت من القلب ...
ولشقيق القلب ..
أخي الحبيب
من كل قلبي أقول لك ودموعي على وجنتي
غفر الله لأخيك
وألهمك وأهلك صبرا وسلوانا عليه
ورضي عنك وعنه ..
وأبقى لك إخوتك كالعقد الجميل
وأنت أوسطه
اسمح لي - إن اتسع وقتي - ان أكتب كلمات لك في هذا وأرسلها لك بعد أيام بحول الله
من كل قلبي أقول لك ..
كان الله لك ..
... رجل
انا عيطت كتير اوى....
ربنا يرحمه...
ويصبركوا دايما
نمنماية
ربنا يكرمك يارب
هاني راح لله سبحانه وتعالى
وهو ارحم الراحمين
ربنا يرحمنا جميعا يارب
إنـســانة
اللهم امين
بارك الله فيكي يا ياسمين
وجزاكي كل خير
Hany el-Gamal
الكلام خرج من القلب يا هاني والله
عشان كده وصل للقلب
ربنا يرحمنا جميعا يارب
رفقه عمر
ربنا يرحم اختك واخي وكل موتى المسلمين يارب
وانا لله وانا اليه راجعون
وربنا يصبرك ويصبر اهلك يارب
ويرزقهم الصبر والسلوان
no
والله يا نورا
العياط ده بيدل على ان قلبك لسه صاحي
وان الناس لسه فيها خير
ربنا يرحمنا كلنا ياااااارب
Blank-Socrate
ربنا يكرمك اخي العزيز
بجد انا مش متخيل ان تعليقات الناس هتبقى متفاعلى معايا بالشكل ده
ربنا يكرمكم يارب
والله خرجتوني من الحالة اللي كنت فيها
Rivendell**
والله ياباشا
انا نفسي انه يسامحني بجد
اني اذيته في يوم من الايام
ياريت تسامحني يا هاني
يااااااااااارب
يارب هاني يسامحني
يااااااااااااارب
يا رب
Anonymous
اخي العزيز ..رجل
بجد بجد تعليقك خفف عليا الكثير مما كنت فيه
بارك الله فيك اخي الكريم
وجزاك كل خير
dandana
اللهم امين
شكر الله سعيكم اخوتي الكرام
السلام عليكم و رحمة الله و بركاته
مدونتك حلوة ..
إتفضل زرني في مدونتي
cu.ueuo.com
إرسال تعليق
<< Home