الاقصى نادى والندى غالي ...ويهون عشانه العمر لو غالي
وَاحِـــدْ مـِــنْ الـــنــَــــاسْ: مصر يا ام الدنيا
ايوة انا  .. في حاجة يا عماد ؟
NaMe : Ali Adel
FroM : el ManSoOorRa , Egypt , Agda3 Nas

طالب جامعي حاليا ..عاطــل مستقبلا

ana Meen ba2a ?

الجمعة، يناير 12، 2007

مصر يا ام الدنيا

هما دول ولادك يا مصر
امبارح بعد صلاة الفجر حصلي موقف جميل جدا جدا
واثر فيا كتير
صليت الفجر وخارج من المسجد قابلتي اعز اصحابي انس عماد
سلمت عليه ..كان واحشني جدا
وقعدنا نتكلم
كان في رجلين كبار واقفين جنيه مستنيين حاجة معينة وهوا كان بيكلمهم
انا مكنتش اعرف حاجة المهم
انس كلمهم وانا كنت واقف بعيد
واتفقو انهم يروحو مكان معين
انس قالي تعالى امشي معانا
مكدبتش خبر
مشينا احنا الاربعة وقعدت اكلم انس طول الطريق
في وسط الكلام بين انس و واحد من الرجلين
انس سأل الراجل عن الانتخابات في اجا
هل لسه الدايرة من غير نائب ؟؟
فالراجل قاله في ست دوائر من غير نواب لحد دلوقتي
وانا امنت على المعلومة وقلت فعلا في ست دوائر يعني 12 نائب
واحد من الرجالة كان لابس جلابية وعليها عباية صوف عشان البرد
والتاني كان لابس ترنج ازرق بس
مشينا حوالي عشرة دقايق
انس كان بيتكلم مع واحد من الرجالة دول وبيندهله ب ((يا باشمهندس )) وعادي جدا انا افتكرتهم قرايبه او اصحاب والده
المهم رحنا المشوار ورجعنا
وبعد الرجالة مشو وسلمنا عليهم
بسأل انس مين دول ؟؟
بيقولي وهوا بيشاور على الراجل اللي كان لابس جلابية وعباية
ده الدكتور عبد الحليم هلال عضو مجلس الشعب
!!!!!
انا ذهلت من الصمة
قلتله مين ؟؟؟
عادلي الكلمة
قلتله معقول ؟؟؟
سألته بعباطة
حزب وطني ؟؟
قالي
عيب عليك
اخوان مسلمين طبعا
قلت اكيد
اهو دول النواب ولا
قمة التواضع والالتحام مع الناس
يا سلام
بسم الله ماشاء الله
اشوف الموقف ده
وافتكر ايام الانتخابات لما مرشح الحزب الوطني كان ماشي بعربيته
وعامل زفة حواليه بعربيات نص نقل عليها فرق رقص
وهوا مخرج ايده من شباك العربية الي فاتح نصه وبيحيي الناس
ولا حسني مبارك في اخر ايامه
والناس اصلا ولا باصينله ولا حاجة
غرور وتكبر على الفاضي
اعوذ بالله
ربنا يكرمك يا دكتور عبد الحليم ويخلييكم للبلد دي
انتم الامل ان شاء الله
........
محمد الحسيان ..والبوم مولاي
ناس كتيرة جدا سألتني عن الانشودة اللي حاططها في المدونة
واعجبت بيها وسألت عنها
وفي ناس كانو عاوزين يتقدمولها كمان
انا بقا جبتلكم معلومات عنها
اولا الانشودة واخدها من مدونة صديقي العزيز انس
ثانيا : منشدها هو المنشد الجميل محمد الحسيان
والانشودة بعنوان في ليلة
وهي من ضمن البوم مولاي


والالبوم كامل والبومات اخرى هتلاقوها على شبكة بسملة الاسلامية
اي خدعة

20 CoMMeNtS :

Blogger تسـنيم Said To Me :-

لسه فيه أمل يا ابني ويمكن بكرة تفرج.

1:58 م  
Anonymous غير معرف Said To Me :-

هو ده اللي احنا بقول عليه من زمان
تسلم ايدك

2:09 ص  
Anonymous غير معرف Said To Me :-

فصبر جميل
لا للتشاؤم باذن الله

6:48 ص  
Anonymous غير معرف Said To Me :-

أَخْرَجَ مُسْلِمٌ وَأَبُو دَاوُد وَابْنُ مَاجَهْ : { إنَّ اللَّهَ تَعَالَى أَوْحَى إلَيَّ أَنْ تَوَاضَعُوا حَتَّى لَا يَفْخَرَ أَحَدٌ عَلَى أَحَدٍ وَلَا يَبْغِيَ أَحَدٌ عَلَى أَحَدٍ } .

3:07 م  
Anonymous غير معرف Said To Me :-

مدونتى
http://migaboy.blogspot.com/

9:40 م  
Anonymous غير معرف Said To Me :-

واحد من الناس
ادعيلى ورايا امتحانات
امتحانات
امتحانات
امتحانات
امتحانات
امتحانات
امتحانات
امتحانات
امتحانات
امتحانات
اجازة

9:42 م  
Anonymous غير معرف Said To Me :-

اها ده الأمل اللي أنا بقول عليه انه لسه موجود, ودي مصر اللي هتتغير عشان احنا عايزنها تتغير (:

9:59 م  
Anonymous chico Said To Me :-

لا ده واحد فى مليون معدش حد متواضع اوى كده بس ربنا كبييييييييييييييير

4:54 م  
Blogger واحـــد مـــــن الـنـــاس Said To Me :-

انا اسف يا جماعة ان الردود باظت كده
بس عشان المدونة اتحولت لبيتا
فاللغة اتغيرت
انا اسف والله
وجاري اصلاح العطل ده في اسرع وقت ممكن

4:13 ص  
Blogger smraa alnil Said To Me :-

عارف
انا عن نفسي مش هقدر اعمم ان كل الاخوان كدة ومش برضه اقدر اعمم ان كل بتوع الوطني كدة
ومش اقدر اعمم ان كل الشعب كدة
ومش اقدر اعمم ان كل بتوع مجلش الشعب كدة
ومش اقدر اعمم ان كل المدونين هيبصولها برضه كدة
سيبها علي الله

7:51 ص  
Blogger واحـــد مـــــن الـنـــاس Said To Me :-

انا من كتر التعميم
مبقتش قادر اعمم اي تعمومة من المعاميع اساسا

8:40 ص  
Blogger واحد من الإخوان Said To Me :-

أزال المؤلف هذا التعليق.

12:38 ص  
Blogger واحد من الإخوان Said To Me :-

الموقف ده معبر جدا

مع إنه حاجة صغيرة لكن بتأثر في الناس بشكل كبير
لأن المقارنة بتخلي اي حد يبقى معجب بالنموذج اللى حكيت عنه

بصراحة موقف جميل !!!!!

والأجمل طريقة سردك ليه !!!1

محمد حمزة

12:45 ص  
Blogger whyme Said To Me :-

فيه لسه ناس بخير و قلبهم على مصر

بس انا مش عايزك تنسى برضه ان الاخوان فى الانتخابات اساءوا كتير لمصر وللمواطن المصرى و مكانوش اقل عنطزه و بلطجه من الحزب الوطنى

و بين دول و دول يا مصرى لا تحزن

امضاء
مستقل
تحياتى

8:35 ص  
Blogger واحـــد مـــــن الـنـــاس Said To Me :-

واحد من الإخوان
اهلا بيك اخي العزيز
نورت مدونتي المتواضعة
الحمد لله ان الموضوع عجبك
ويارب تنورنا علطول ياباشا

1:40 ص  
Blogger واحـــد مـــــن الـنـــاس Said To Me :-

whyme
اهلا بيك اخي العزيز في مدونتي المتواضعة
منورنا والله
اقدر رأيك واحترمه ولكني اختلف معك


شكرا اخي العزيز

1:48 ص  
Blogger Anas Said To Me :-

مش عارف انت مستغرب ليه ؟
التواضع ده صفة اصيلة في النفس
وهذا الرجل من الرجال الذين تغيرهم المناصب .. نفس السيارة . نفس الملبس .. نفس الحياة السابقة
.........
وعفوا بالنسبة للانشودة ..
انا تحت امركم في اي خدمة ...

3:08 ص  
Blogger واحـــد مـــــن الـنـــاس Said To Me :-

منورنا يا انس باشا
ربنا يكرمك يا عم

9:41 م  
Anonymous koukou el kemil Said To Me :-

الحكمه جامده موت لدرجة انها كل ما تيجي علي دماغي اضحك اوي00
lol

12:16 ص  
Blogger واحـــد مـــــن الـنـــاس Said To Me :-

koukou el kemil
اي خدعة يا جميل
نورت مصر

4:00 ص  

إرسال تعليق

<< Home