الاقصى نادى والندى غالي ...ويهون عشانه العمر لو غالي
وَاحِـــدْ مـِــنْ الـــنــَــــاسْ: احنا اللي دهنا الهوا دوكو
ايوة انا  .. في حاجة يا عماد ؟
NaMe : Ali Adel
FroM : el ManSoOorRa , Egypt , Agda3 Nas

طالب جامعي حاليا ..عاطــل مستقبلا

ana Meen ba2a ?

الجمعة، ديسمبر 29، 2006

احنا اللي دهنا الهوا دوكو

اول امبارح
وانا بدور على حاجة جنب الدولاب بتاعي
لقيت كومة ورق جرايد
معظمه كان الاهرام والجمهورية
طبعا زمانكم بتتسائلو ليه ورق الجرايد محطوط هناك
فطبعا لازم اجاوبكم واطمنكم
بان الحاجة والدتي بتعين ورق الجرايد عشان بعد كده بتستخدمه الاستخدام الشعبي الامثل ليه
وهوا كبديل للمفرش بتاع السفرة
المهم
في وسط كومة الجرايد دي لقيت صفحة التحقيقات في الاهرام
عاملة حوار مع وزير الري الحج محمود ابو زيد
والمانشيت الرئيسي للحوار بيقول
غسلنا نهر النيل بمياه الفيضان
انا شوفت المانشيت من هنا
ووقعت من طولي من الضحك
بجد مش قادر اتخيل
ايه ده
يا جماعة هوا يقصد مين بكلمة ((غسلنا )) ؟.؟
بجد انا مش عارف
لو كان التصريح ده في جرايد المعارضة
كان زماني قلت انه متفبرك
لكن دي الاهرام
وعاملينه مانشيت رئيسي
...
طيب يا جماعة
حد لاحظ ان تلوث النيل ومياهه قل ؟؟
حد لاحظ ان النيل اتغسل فعلا
الوزير بيقول انه غسل النيل
يا ترى النيل اتغسل بجد ؟؟
الراجل بيقولك غسلنا النيل بمياة الفيضان
انا كان نفسي اشوفه صراحة وهوا بيغسله
اكيد المنظر ده كان تحفة
تخيلو فخامة الوزير ماسك الاريال
((ولا بلاش الاريال عشان المقاطعة ))
خليها رابسو
ماسك الرابسو وقاعد قدام الطشت عمال يغسل في النيل
وطبعا مستخدمش مية الحنفية ...لا
هوا وزير بيحافظ على مية بلده ومش عايز يهدرها
فعشان كده استخدم مية الفيضان
تصريح عبقري صراحة
وفي تصريح احلى منه كمان في الحوار بيقولك ايه
احذر من ان اراضينا الحالية لن تكفي سوى لتوفير طبق سلاطة عام 2050
مقلناش سيادة الوزير عن الاسباب اللي ادت لده
ولا حتى هوا ناوي يعمل ايه عشان يواجه المشكلة دي
يعني بيحذرنا وبيقولنا اخبطو دماغكم في الحيطة
يعني يا ناس الناس دلوقتي مش قادرين ياكلو لحمة ومتنمردين
بكرة مش هتطولو السلطة كمان
عشان تعرفو قيمتي يا ولاد ال$^$#^ يالا يا شعب يا ابن الشعب
ابسط وفرفش
سيادة الوزير مش حارمكم من حاجة
..
كلمة الى فخامة جلالة عظمة غبطة
سيادة الوزير الوطني الديموقراطي
راعي الفكر الجديد ابو علبة حديد
اللهم اني صائم

20 CoMMeNtS :

Blogger ذو النون المصري Said To Me :-

اولا كل سنه و انت بخير يبدو اني اول واحد النهارده هنا اصلي نويت الف علي كل المدونين و اهنيهم بالعيد و حظي اني اول واحد عندك
----------------------------------
عملية غسيل النهر انا باسمع عنها كل مده من الزمن لكن لا اعتقد انها شيء يمكن بسهوله الشعور به لاننا ببساطه لا نشعر بالتلوث من كثرة ما عشناه حتي تحول الي اصل و لا ندرك للاسف وجود واقع اخر
----------------------------------
حكاية طبق السلطه اظن ان الحكومه تريد توصيل المعني الذي اشرت اليه لكن المسؤليه بالتاكيد لن تقع علي عاتق الحكومه بل علي قفا الشعب
ببساطه هي دي طريقة مبارك في التعامل معنا
.............
انا قلت لكم اذهبوا و عمروا الصحراء لكن انا لا ادري لماذا الشباب كسول انتوا اللي هتخسروا
ده كلامه دايما
مش كده وللا ايه؟
----------------------------------سلام
----------------------------------

7:59 م  
Blogger islamz Said To Me :-

هههههههههههههههههههه

يخرب عقلك يا على .. تخيل كده معايا سيادة الوزير قاعد نفس القعدة الشهيرة لنانسي عجرم المصونة فى اغنيه اه ونص .. على الطشط وجوه الطشط حبة ميه ملوثين وحوليه الحرس الخاص الوزير قاعد على الطشط يغسل الميه الملوثة بحبة ميه من الفيضان وينادى على الحراس ياخدوا المياه النضيفة يدلقوها فى ازايز نضيفة لحد ما النيل يفضي ينزل الوزير المبجل يكنس النيل ويرشه بحبة ميه وبعدين يطلع ويأمر الحرس بانهم يدلقوا الازايز ...

هههههههههههههههههههههههه

والنيل يبقي نضيف ولا تلوث ميه ولا مجارى فى ميه الشرب والحياه بقي لونها بمبي بمبي بمبي بمبي بمبييييييي

حاجة جميلة خالص ...
ربنا يديله الصحه ويغسله كل سنه ...

بس المرة اللى جاية يقولنا بيغسل امتى عشان نساعده او نصوره على الاقل ...


كل سنة وانت طيب يا على ... عيد سعيد .. بلا عيد مبارك بلا يا جمال العيد والحاجات الخبيثة دى يا خبييييث ..

ههههههههههههههههههههه

وسلملى على الخروفين اللى بالى بالك والمعزة الكبيرة ... ههههههههههههه

وباقي الزريبة نبقي نشوفهم فى اعياد تانية هههههههههههههههههههه


سلااااااااااااااااامز :]

8:00 م  
Anonymous غير معرف Said To Me :-

kda w saiem omaal law kont fater kont ktebt eh :D
aldars almostafaad mn alpost bta3ak da ya 3aly,
enena lama nshoof algaraied al adeema manbosesh 3aleeha..
aw na7'odha mn aserha w maneshtreesh garaied qawmia..
man3an le hesteria alde7k ally btseeb alwa7ed lama ye2ra 3enwaan :)

4:49 ص  
Anonymous غير معرف Said To Me :-

يبقى انت اكيييييييييييييييييييد اكيييييييييييد فى مصر ايه يا على انت نسيت

1:42 م  
Anonymous غير معرف Said To Me :-

احناااااااااا
ان ايجيبت

1:43 م  
Blogger crazyrama Said To Me :-

سلام عليكم وكل عام وانت بخير

بالنسبة للغسيل فدة عادى جدا
مستغرب لية سعادتك انت فى مصر
يعنى من الاخر تتوقع اى حاجة وكل حاجة
ثم انك مسمعتش عن غسيل الاموال ؟؟

كل حاجة فى البلد دية بتتغسل لعلمك بقة
احنا مش فى حكومة مبارك ونظيف . عايز الناس تاكل وش نظيف ولا اية
لازم يغسلوا النيل ويرشوا الهوا ومش دوكو لا معطر جو

البلد بتخدمنا بصراحة . هما بينظفونا
واحنا معندناش دم تصدق شعب متعب جدا

وختام كلامى :
بلاش نركز على اللى بيحصل فى البلد
علشان كلة برتقاااااااال

مــــريـــــم

6:16 م  
Anonymous غير معرف Said To Me :-

غسيل ايه و سلطة ايه!!!


اظاهر ان الناس دى استهلكت كل التصريحات و فلست فإبتدت تهزر!!!

هدعى عليكى بإيه يا حكومة ونتى فيكى كل العبر وأزيد شوية!!

9:11 م  
Anonymous غير معرف Said To Me :-

ياجماعه ودي فيها ايه بس
مش العالم بيتطور ويتقدم كل شويه, التطور وصل لدرجة انهم يغسلو النيل, وهي حكومتنا كده عمرها ماحرمتنا من حاجه أبدا وطول عمرنا أخر تقدم , يبقي شئ طبيعي اننا نغسل النيل
spellz
قول حسبي الله ونعم الوكيل
esraa

1:29 ص  
Anonymous غير معرف Said To Me :-

انت لسه صايم !!!!!!!!!!!


كل سنة وانت طيب

1:11 م  
Blogger واحـــد مـــــن الـنـــاس Said To Me :-

ذو النون المصري

كل سنة وانت اطيب ياباشا

منور المدونة ياباشا
وياريت تشرفنا علطول

5:38 م  
Blogger واحـــد مـــــن الـنـــاس Said To Me :-

islamz
انتا وصفت اللحظة التاريخية لغسل النيل بواسطة سيدنا الوزير

ربنا يديك الصحة ياباشا
منورنا

5:40 م  
Blogger واحـــد مـــــن الـنـــاس Said To Me :-

Mony The Angel
المشكلة مش في الجرايد
احنا عارفين انهم كذابين ومنافقين من زمان
لكن انا شفت العنوان الكوميدي ده من هنا
ووقعت من طولي من الضحك
الراجل مخه تعب باين


منورانا
يارب تنورينا علطول :)

5:43 م  
Blogger واحـــد مـــــن الـنـــاس Said To Me :-

أروى الطويل
منورانا يا اروى

انا عارف اننا في مصر والله

حتى انتي دلوقتي في القاهرة
صح :)

5:48 م  
Blogger واحـــد مـــــن الـنـــاس Said To Me :-

crazyrama
منورانا يا مريم

والله عندك حق
اللي يركز في اللي بيحصل في البلد دي عقله يضيع والله

وعلى رأيك كله برتقاااااال

5:50 م  
Blogger واحـــد مـــــن الـنـــاس Said To Me :-

spellz
منورنا ياباشا والله

المصيبة ان تهليس الحكومة والسادة الوزرا بييجي على نافوخنا احنا والله مش حد تاني

5:54 م  
Blogger واحـــد مـــــن الـنـــاس Said To Me :-

esraa

نوريتينا يا اسراء

على فكرة سيادة الوزير بيقولكم
انه غسل النيل خلاص ونشره على الحبل كمان
وبيقولكم هما يومين وهينشف
وابقو قابلوني لو عرفتو تشربو تاني يا شعب يا ابن الشعب

:)

5:57 م  
Blogger واحـــد مـــــن الـنـــاس Said To Me :-

زعرورة
منورانا يا زعرزة
بس انا مالي يا زعرورة

هوا اللي يشوف التصريحات دي
يقدر يسكت
ده حتى هينفجر من الغيظ

6:02 م  
Anonymous غير معرف Said To Me :-

هو تقريبا حاول يطبق مقوله لا يفل الحديد الا الحديد
بس معرفش ان الميه متنفعش تتغسل بالميه
ولا ايه رايك يا برنس

1:33 م  
Blogger واحـــد مـــــن الـنـــاس Said To Me :-

هيثم ابوعقرب
منورنا ياباشا
والله انا مش عارف هوا كان بيفكر في ايه ساعتها بالظبط

بس الاكيد انه بيستهبل
او بمعنى ادق
بيزيط في الزيطة

10:44 م  
Blogger ibn nasser - ابن ناصر Said To Me :-

والله العظيم تهريج وزره ايه وبتاع ايه يقولك غسلنا النيل ده هو اللي عايز
دماغه تتغسل فين لغة الناس المتخصصه
واهنئك يا علي علي هذه المدونه الجميله فهذل زيارتي الاولي لمدونتك وليست الاخيره انشاء الله
http://ibnasser.blogspot.com

12:30 م  

إرسال تعليق

<< Home