الاقصى نادى والندى غالي ...ويهون عشانه العمر لو غالي
وَاحِـــدْ مـِــنْ الـــنــَــــاسْ: جهزنا المختل يا فندم
ايوة انا  .. في حاجة يا عماد ؟
NaMe : Ali Adel
FroM : el ManSoOorRa , Egypt , Agda3 Nas

طالب جامعي حاليا ..عاطــل مستقبلا

ana Meen ba2a ?

الخميس، يناير 18، 2007

جهزنا المختل يا فندم

من المؤكد اننا جميعا سمعنا بقصة سفاح حي المعادي الذي يعتدي على الفتيات
والتي تحدثت عنها العديد من الصحف في الاونة الاخيرة
كل الصحف بلا استثناء
وعلى اختلاف انتمائاتها السياسية والحزبية
وكلنا قرأنا يوم 13 يناير الخبر المفزع المنشور في صفحة الحوادث في جريدة الاهرام القومية
img115/5349/20070118298bi6.jpg


عن حوادث الاعتداء على الفتيات في حي المعادي
والتي حاول محرر الخبر تسطيح المسألة وتصوير الامر على ان
هناك اربع فتيات فقط هن من اعتدي عليهن فقط
وانه قد قام بمقابلة ابائهم ومحاورتهم
ورغم ذلك فلا يزال الخبر مفزعا
وينذر بالحالة التي وصل اليها الامن في مصر
مع تفرغ وزارة الداخلية لفض المظاهرات وسحل المتظاهرين واعتقال الطلبة الجامعيين
حتى بتنا نرى حوادث الاغتصاب والتحرشات الجنسية علنية على صفحات الجرائد
img295/5315/20070118295fl1.jpg



ما لفت نظري في تلك القضية
هو طريقة تعامل وزارة الداخلية معها
فيبدو ان وزارة الداخلية لا تزال تعيش في عصور الاتحاد الاشتراكي والرأي الواحد
والاعلام الواحد
ومن هنا لم يكن من المستغرب ان يصرح مدير الادارة العامة لمباحث القاهرة
في نفس الصفحة في جريدة الاهرام يوم 17 يناير
img256/9673/20070118302bg2.jpg
بأن الشائعات عن سفاح المعادي لا اساس لها من الصحة
هكذا وبكل بساطة
img253/779/20070118300du3.jpg
هكذا يضحك على عقولنا
ويعاملنا كالمغفلين
وهو يقول
لا اساس لها من الصحة
وهذه العقلية التي يتعامل بها لواءات الداخلية هي ذاتها في كل الحوادث التي تعرض لها المجتمع المصري في الاونة الاخيرة
فكلنا نذكر حادثة مقتل 10 اشخاص في قرية شمس الدين في المنيا على ايدي مجهولين
حيث بادرت اجهزة الامن على الفور على التأكيد بأن ((كله تمام )) وتم
القاء القبض على شاب يدعى محمد عبد اللطيف اتهمته الداخلية زورا وبهتانا بانه مختل عقليا
وبانه هو مرتكب هذه الجريمة !!
وكانت فضيحة بحق لكل اركان وزارة الداخلية يوم ان ثبت أن هذا الشاب في كامل قواه العقلية
وتبين تواطئ الداخلية مع احد الاطباء النفسيين في القرية لاصدار شهادة بان محمد عبد اللطيف مريض نفسيا
بدافع تلفيق التهمة له ..لكي تحافظ الداخلية على ماء وجهها امام النظام والرأي العام
..
وانا ارجح ان خلال الايام القادمة سوف تعلن وزارة الداخلية
عن عثورها على المجرم مرتكب هذه الجرائم
وبالطبع هو مختل عقليا ومعقد نفسيا الخ
وهكذا تستمر وزارة الداخلية على هذا المنوال
وكل ما تحصل مصيبة في البلد يتم الصاقها بحزب المختلين عقليا
وبعد اي حادثة تحصل تتم الاتصالات داخل مكاتب الداخلية وبالطبع كلها تحمل نفس الكلمة
(( جهزنا المختل يا فندم ))
وليذهب الامن القومي الى الجحيم
..باختصار
هذه الفضيحة التي جاءت على صفحات الاهرام
تؤكد ان الايام القادمة ستكون غاية في السوء
ومادامت الداخلية تتعامل مع اي قضية على اسس
ان هذه الشائعات لا اساس لها من الصحة
وان الجاني مختل عقليا
فستزداد الجرائم. فكل مجرم سيطمئن بان جريمته سوف تلصق باحد المختلين عقليا
او من يتهمون زورا بانهم مختلون عقليا
اللهم استرنا واحفظ بناتنا ونسائنا يارب العالمين

التسميات:

31 CoMMeNtS :

Blogger Anas Emad Said To Me :-

علشان كده المخبرين بيسجلوا اسماء المختلين العقليين في كل قرية .. علشان الاسماء تبقي جاهزة في كل وقت ...
ده مش حاجة مش غريبة خالص في مخروبة نفاقستان حيث خبراء النفاق و التملق
1000 عسكري بيحاصروا الطلبة وهم بيمتحنوا .... خبراء في فض اي مظاهرة ..وهتك عرض الصحفيات .. احسن عمليات اقتحام نقابات في العالم ... افضل مكسري ابواب في العالم .. مع افضل مواعيد زيارة
....
اعلي ميزانية وزارة ..وزارة الداخلية .. اكثر من وزارة التموين .. وده طبعا علشان الأمن اهم من الأكل
...ثم
كل ده و يفشلوا في القبض علي مجرم واحد ....
لماذا ؟
لان من تعود علي القبض علي الأبرياء ..لا يستطيع القبض المجرمين ..
لان يعامل الأبرياء معاملة المجرمين .. فطبيعي جداا يعامل المجرم بقانون المتهم برئ حتي تثبت ادانته ...
.............
شد حيلك في المذاكرة .. وربنا علي الظالم و المفتري

3:03 ص  
Blogger Unknown Said To Me :-

أولا : أمين يارب
ثانيا: أمال يعني عايزهم يعملو ايه, ماتنساش ياسي علي ان مصر دي بلد الأمن والأمان, يبقي ازاي ممكن يكون فيها مجرم أو قاتل محترف ؟ لأ طبعا الناس اللي بتعمل الحاجات الوحشه دي ناس مختله عقليا وماسمعوش عن الأمان اللي مصر عايشه فيه, أو ممكن يكونو ممولين من جهات أجنيه لضرب أمان مصر, صح هما ليه مش بيقولو كده؟ ممكن يكونو عاينين دي لحاجه أكبر.
سلام.

4:27 ص  
Blogger تــسنيـم Said To Me :-

صدق إبراهيم عيسى لما كتب يقول : بلد المختل.

8:52 م  
Blogger AbdElRaHmaN Ayyash Said To Me :-

يا سيدي هي دي آخرتها
بس أعتقد ان المره دي هيكون المختل كبير شوية
عشان البنات بقى
ربنا يشفي البلد دي

10:11 م  
Blogger -- Said To Me :-

يابنى الوقتى فى مصيبه تلاقى واحد طلعلك شهادة معاملة اطفال من جيبه

دى التهافت عليها بقى اكتر من رغيب العيش

بالك الشهادة دى لو فى جيبك تخرجك من اى مشكلة

معاك واحده ولا اوصيلك على واحده معايا؟

1:12 م  
Anonymous غير معرف Said To Me :-

هو معقوله كلنا بقينا متخلفين عقليا00خلاص مبقاش فيه مصريين00هيغيروا اسما من مصر لتخلف و هتبقي العاصمه السرايا الصفراء
lol

6:15 م  
Blogger ذو النون المصري Said To Me :-

موضوعك جيد جدا
لا ادري صراحة هل سنظل علي هذه الحال الي الابد ام سنتغير !!الكل يتغيرون فلماذا نبقي نحن وحدنا هكذا؟ما السبب الذي يجعل فئه من المفترض انهم منا وتربوا في هذا البلد معنا تفعل بنا كل هذا الذي يحدث؟لا يقل اجرام الشرطه الان عن اجرام المجرمين الخارجين عن القانون بل الادهي انهم تجاوزوا حدود اجرام الخارجين عن القانون بان دفعوهم احيانا الي هذه الطريق
اجرام وخيبه في تحقيق الامن !!!!شيء فعلا مؤسف
يبدو اننا سنظل نقول مؤسف مؤسف الي مالا نهايه او حتي نهايتنا نحن
ربنا يكون في عون البلد

11:11 م  
Blogger واحـــد مـــــن الـنـــاس Said To Me :-

Anas
نورتنا يا انوس
اخيرا فكيت وبقيت بتتكلم في السياسة

انتا طلعت كل اللي في قلبك يا راجل
ده من تأثير الامتحانات ولا ايييييييه

منور يا انس

11:35 م  
Blogger واحـــد مـــــن الـنـــاس Said To Me :-

esraa
والله انا بقيت خايف
بجد لشوية الامن اللي فاضلين في البلد يروحو هما كمان
بس لو ده حصل الداخلية هتبقى المسؤول الاول عن ده

ربنا يعينك يا مصر
ومنورانا يا اسراء
وكل سنة وانتي طيبة يارب

11:38 م  
Blogger واحـــد مـــــن الـنـــاس Said To Me :-

تسـنيم

كل سنة وانتي طيبة
منورانا
على فكرة انا سمعت انهم بيفكرو
يعملو شركة لتوريد المختلين عقليا لوزارة الداخلية
دي هتبقى زيطة :)

11:41 م  
Blogger واحـــد مـــــن الـنـــاس Said To Me :-

AbdElRaHmaN AyYaSh

انا مستني اشوف المختل بتاع المرة دي هيبقى عامل ازاي

والله اللي يعيش ياما يشوف

عايز اقابلك بقا !!

11:44 م  
Blogger واحـــد مـــــن الـنـــاس Said To Me :-

زعرورة
والله صح يا زعرورة

احنا عندنا واحد جارنا مطلع عينينا كده
اسمه الحج سيد
اعوذ بالله
بيشتغلنا في الازرق
والله وديناه القسم اربع مرات قبل كده
وكل مرة يطلعلهم الشهادة
دي

اعوذ بالله
ربنا يهده

منورانا يا زعرورة
وكل سنة وانتي طيبة يارب

12:08 ص  
Blogger واحـــد مـــــن الـنـــاس Said To Me :-

koukou el kemil
منورينا ياباشا
كل سنة وانت طيب
وربنا يفك عننا الغمة قبل ما نبقى منبع التخلف العقلي في العالم

12:12 ص  
Blogger واحـــد مـــــن الـنـــاس Said To Me :-

ذو النون المصري
ذو النون باشا منورنا
مية مسا ياباشا
والله الواحد مبقاش عارف يقول ايه على اللي بيحصل في البلد دي
على فكرة
واحد صاحبي
قالي حكاية المختل مفقوسة اوي دلوقتي
واحتمال الداخلية تلجأ لاسلوب جديد

اما نشوف هيلبسوها في مين المرة دي !!

منورنا يا باشا وكل سنة وانت طيب

12:21 ص  
Blogger الأغاني للرأفتاني Said To Me :-

خليك انت سخن فينا لما نشوف اخرتها ايه معاك

والله يا اخى..احنا اللى بندى فرصه لجهاز الشرطه الحقير انه يتعامل مع عقولنا بالسذاجه دى... جهاز الشرطه ما بيحترمش ذكاء الشعب..
لكن الغلطه انى احنا ضاع من بينا الاخلاق والقيم والفضائل..وبناء عليه..اصبحنا نقرأ عن حوادث عمرها ما حصلت فى تاريخ مصر

ربنا يسترها علينا يا رب

3:16 م  
Blogger أشرف حمدي Said To Me :-

ـ جهزنا المختل يا فندم
ـ طب كويس .. جهزوا عصاية المقشة وحصلوني ع التخشيبة

بصراحة انا عاوز أشجب اللي بيحصل ده
دي اسمها مهزلة وقلة أدب وعدم احترام حقوق الانسان
ازاي يستخدموا عصاية المقشة بدون لوبريكنت ؟
فزلين , كي واي أو حتى زيت زتون
دي اسمها وحشية

12:50 م  
Blogger belal Said To Me :-

شكرا على عرضك بمساعدتي وعبد الرحمن عياش قام بالواجب وعاينينك للحاجات الكبيرة وجزاكم الله خير كثيرا

1:53 م  
Blogger Tamer Nabil Moussa Said To Me :-

والله دة شىء مش جديد

هما بيقلوا اى كلام مش عارف بيضحوا على مين الناس بتبقى عارفة كل حاجة وهما يقولك لاما حصلشى

بجاحة بعيد عنك

تحياتى

2:10 م  
Blogger smraa alnil Said To Me :-

ايه الجديد يعني
ما ابلد كلها بقت مليانة مختلين
هيختاروا اي حد والسلام
ومش هتبقي فارقة كتير
انا ابتديت اقرف من البلد دي بجد

5:59 م  
Blogger عاشقة الوطن Said To Me :-

المختل خلاص اتمسك واتحط كمان فى التخشيبة سيادتك
ولا عاوز بقي نلفق له اى تهم تانيه فاضلة عندك فى دورك سيادتك

المختل جاهز انه يشيل اى بلاوى فى البلد سيادتك

لو عندك فائض من البلاوى

سلااااااام بقى سيادتك
كفايه كده النهاردة

11:55 م  
Blogger واحـــد مـــــن الـنـــاس Said To Me :-

المهــــاجر المصـــــــرى

منورنا يا كبير
الاخلاق والقيم والفضائل دي اخر مرة سمعت عنها في كتاب تاريخ المواني للامام الملواني
الحاجات دي موجودة في امريكا
لو موجودة هاتلي معاك شوية
:)

نفسي اعرف
فيها ايه لما الداخلية تعلن عادي ان في مجرم موجود في المعادي
وان جاري البحث عنه
ويحققو في شكاوي الناس بجد
لازم اسلوب التسطيح والتخلف اللي عايشين فيه ده
يقولوك اشاعات مغرضة لا اساس لها من الصحة
يا اخي والله منا عارف اقول ايه !!
:)
شفت
خلتني اتنرفز ازاي ؟؟

1:05 ص  
Blogger واحـــد مـــــن الـنـــاس Said To Me :-

أشرف حمدي
منورنا يا فنان الشعب
والله منا عارف اقولك ايه
لازم الوحشين بتوع الشرطة ياخدو كورسات في كيفية التعامل بحنية مع الشعب المصري اللطيف
عشان يحافظو على احساسنا المرهف
بس الله يخليك بلاش العصاية
بفازلين ولا بغيره حتى !!

:)

1:07 ص  
Blogger واحـــد مـــــن الـنـــاس Said To Me :-

nar
ربنا يكرمك يا بلال
لا شكر على واجب
دنتا بلدياتي يا راجل
ان شاء الله هنتقابل قريب
منورنا

1:12 ص  
Blogger واحـــد مـــــن الـنـــاس Said To Me :-

tamer
تامر باشا
منورنا يا معلم
والله ياباشا
الداخلية بتضحك على نفسها
وعايزة تقنع نفسها بالوهم اللي هيا فيه
وكله تمام يا فندم

1:14 ص  
Blogger واحـــد مـــــن الـنـــاس Said To Me :-

smraa alnil
انجي هانم بنت سمو الامير
منورة بلوج علي ابن الجنايني

بقولك
فيها ايه لما البلد تتملى مختلين
على الاقل نلاقي حاجة نتفشخر بيها قدام العالم
تصدقي
ممكن ندخل كأس العالم للمختلين ؟؟

1:20 ص  
Blogger واحـــد مـــــن الـنـــاس Said To Me :-

حضرة عاشقة الوطن
منورانا حضرتك
حضرتك سلميلي على المختل
وقوليله انكل علي بيسلم عليك
وبيقولك تعالى عايزك تلبس تهمتين كده ويديك المعلوم حضرتك

1:26 ص  
Blogger 3rby Said To Me :-

خدت بالك من العنوان
الشائعات عن سفاح المعادي لا اساس لها من الصحة
يعني مافيش سفاح
الحوادث فردية
مش بتقولوا مافيش سفاح
مادامت فردية ومش سفاح يبقا فيه كذا مجرم مش تبع بعض
وفرق البحث رسمت الصورة النهائية للجاني
والله احنا اللي هانختل عقليا

12:44 م  
Blogger واحـــد مـــــن الـنـــاس Said To Me :-

قولهم حاجة يا عربي
هوا الشعب المصري ده اتهبل من شوية ؟؟

4:28 م  
Blogger Om@r Said To Me :-

لا حول ولا قوة الا بالله اللى بيحصل دا يا جماعة عشان الناس نسيت دينها و نسيت ربها لو كانت الناس اللى بيعملو كدة دول عارفين يعنى ايه " لا اله الا الله محمج رسول الله " و عارفين ان فى يوم قيامة كل الناس هتتحاسب فيه على اصغر حاجة مكنش حد عمل كدة و كل دة عشان الانحلال اللى احنا عايشين فيه لازم كل واحد يتمسك بدينه و لو كل واحد اتمسك بدينه هنبقى دولة اسلامية بجد مش كلام و خلاص و ساعتها حاجة زى دى مش هتحصل الحل هوا الرجوع اللى الله .

1:10 ص  
Blogger واحـــد مـــــن الـنـــاس Said To Me :-

Om@r
منورنا يا عمر

5:06 ص  
Anonymous غير معرف Said To Me :-

آآآآآآآآآآآخر نكته واحد من السادة عظماء الحزب الوطنى والمصيبة انه فى لجنة الأمن الوطنى او رئيسها طلع فى التليفزيون وبيقول ان الإخوان همه اللى ورا سفاح المعادى واضح ان المتخلفين مبقوش ينفعوا يشسسيلوا تهم فقالك شيلها للاخوان ونضرب عصفورين بحجر وعلى فكرة الكلام ده حقيقى واتذاع فى 90 دقيقة على قناة المحور يبدو انهم صدقوا ان احنا شعب من المتخلفين علشان نصدق!!!! عصام

1:58 م  

إرسال تعليق

<< Home