الاقصى نادى والندى غالي ...ويهون عشانه العمر لو غالي
وَاحِـــدْ مـِــنْ الـــنــَــــاسْ: صدام حسين ...وعمر المختار
ايوة انا  .. في حاجة يا عماد ؟
NaMe : Ali Adel
FroM : el ManSoOorRa , Egypt , Agda3 Nas

طالب جامعي حاليا ..عاطــل مستقبلا

ana Meen ba2a ?

الأحد، ديسمبر 31، 2006

صدام حسين ...وعمر المختار

258.jpg






A photograph of former Iraqi president Saddam Hussein taken earlier this week and released by the Iraqi Special Tribunal.

آخر ما نطق به صدام

"اللهم إن قبضتها فارحمها فإني أشهد أن لا إله إلا أنت وحدك لا شريك لك وأشهد أن محمدًا عبدك ورسولك بسم الله الرحمن الرحيم الله أكبر الله أكبر الله أكبر اللهم أنت رحمن رحيم" ....... ثم تمتمة غير مفهومة ثم يقول "أشهد أن لا إله إلا الله وأشهد أن محمدًا رسول الله

رحمك الله ابا عدي

((قال رسول الله صلى الله عليه وسلم : ((من كان اخر كلامه لا اله الا الله دخل الجنة"

صدق رسول الله صلي الله عليه وسلم

40 CoMMeNtS :

Anonymous غير معرف Said To Me :-

ممكن سؤال علي عادل :
ايه اللي جاب صدام لعمر المختار و الفرق بينهم كبير قوووي
و الحاجات المتشابهة قليلة جدااا
الاتنين ماتوا مشنوقين
الاتنين قتلهم احتلال
بس الاختلافات كبيرة قووي
صدام ديكتاتور كبير
ظالم
نهب كل ثروات العراق
قتل كثييير و عذب كثييير
اغتال كثيييير و كثييير
سجن كثييير و كثيير
يكفيه شرفا انه سجن كل معارضيه كلهم
و نفي الكثيرين
و دمر الكويت تدمير التتار .. ذبح المئات و اغتصب جيشه نساء و قتلوا اطفال الكويت ...
صدام الطاغية الكبير
ممكن ان تقول انه اسوأ واظلم و اسفك و اسفح حاكم عربي .. و طبعا بعده مباشرة معمر القذافي و حبيب الشعب مبارك
بيقوا اذكروا محاسن موتاكم
طب مفيش
اكذب يعني .....
كل ما فعله صدام جعلتي افرح بشدة لقتله لانه نال جزائه
وما المني اشد الالم .... وكاد يبكيني
من قتله واين قتله ....؟!!!!
الاحتلال .. كفرة ..اميركان محاربين
قتله الاحتلال اللعين ....
لم يقتص منه ابناء شعبه ولا زعماء بلاده ..
بل احتلال بلاده ...
ومتي حدث هذا ؟؟
في اول ايام عيد الاضحي ...
تحديا لكل مشاعر المسلمين في العالم اجمع
وهنا زاد حزني
واين ؟
وكيف ؟
شنقاً
صرت حائرا اافرح لموت ظالم ؟ ام احزن لموت شخص علي يدي الاحتلال ؟
....
ورغم كل ماسبق
يا علي ..
لا يوجد اي تشابه بينه وبين عمر المختار
عمر المختار بطل محفظ للقرآن معلم لشعبه مجاهد جاهد في سبيل حرية امته و شعبه حتي اسر و اصبح اسير حرب
واعدمه الايطاليون المحتلون شنقا
كل ما مهو مشترك بينه وبين صدام
ان كلاهما اسيرا حرب
كلاهما اعدم شنقا
و فقط لاغير ...

2:55 م  
Blogger واحـــد مـــــن الـنـــاس Said To Me :-

شكرا على رأيك وتعليقك اخي وصديقي العزيز انس عماد الدين

منورنا :)

10:58 م  
Anonymous غير معرف Said To Me :-

ممكن ::::؟؟؟؟

ROMIL

2:19 ص  
Blogger واحـــد مـــــن الـنـــاس Said To Me :-

وليه لأ ؟!!
الله اعلم

منورنا يا روميل

9:33 م  
Anonymous غير معرف Said To Me :-

الموقف اقل ما يقال عنه إنه محزن جدا
بس اللى بيريح الواحد أنه نطق بالشهادة قبل موته
وإنا لله وإنا إليه راجعون
وحسبنا الله ونعم الوكيل

11:41 م  
Anonymous غير معرف Said To Me :-

msh ha2ool kteer..
just allah yer7amo :)

11:06 م  
Blogger توتة توتة Said To Me :-

هو ممكن يكون موت صدام بالطريقة دي في اليوم ده على ايد الناس دي شيء محزن و اهانة بس موته في حد ذاته من غير الحاجات دي هو شيء من العدل

2:32 ص  
Anonymous غير معرف Said To Me :-

احنا متفقين ان صدام يستاهل الاعدام
بس بيتهيألى كمان المفروض ان احنا نتفق ان موته على يد الامريكان نفسهم اهانة كبيرة فى حقنا كعرب ومسلمين

وبرضه اتفق معاك ان صدام اتعدم على يد الامريكان زى عمر المختار وديه طبعا اهانة لينا كلنا

بس مفيش مقارنة بين صدام وعمر المختار


ولك تحياتى

11:39 ص  
Blogger واحـــد مـــــن الـنـــاس Said To Me :-

Human
الموقف كان اكثر من محزن
كفاية انه قتل ما تبقى من فرحة العيد بداخلنا

Mony The Angel
الله يرحمنا جميعا يارب

نورتو المدونة :)

3:58 م  
Blogger واحـــد مـــــن الـنـــاس Said To Me :-

توتة توتة
نورتينا يا توتة
بس المصيبة ان صدام لم يحاكم محاكمة عادلة على الاطلاق
اللي حصل لصدام ده مهزلة بكل المقاييس
استهبال فظيع
وحكم سياسي تماما
انما لو كان صدام حوكم محاكمة عادلة كانت الاوضاع ىاختلفت تماما

4:03 م  
Blogger واحـــد مـــــن الـنـــاس Said To Me :-

عاشقة الوطن
والله من كتر اللي اتقال في وسائل الاعلام الواحد مبقاش عارف الحقيقة فين

ناس يألهو صدام ويعتبروه ملاك برئ

وناس يخسفو بكرامة اهله الارض ويصوروه على انه شيطان مصور

الواحد مبقاش عارف صدام يستحق الاعدام فعلا ولا لأ

اما بخصوص عمر المختار
فالاتنين اتقتلو في نفس الظروف بالظبط
وحتى الصور متشابهة بين الحادثتين
وده اللي انا قصدته في البوست

منورانا يا عاشقة الوطن
وياب تنورينا علطول :)

4:13 م  
Anonymous غير معرف Said To Me :-

والله انت عبرت بصورك احسن من كل ما يقال فلا اجد ما اقوله
وفقك الله ورعاك
واعياد مباركة

6:30 ص  
Anonymous غير معرف Said To Me :-

والله انت عبرت بصورك احسن من كل ما يقال فلا اجد ما اقوله
وفقك الله ورعاك
واعياد مباركة

6:31 ص  
Blogger مُزمُز Said To Me :-

أولا سكرا ليك جدا على زيارتي في المدونة

ثانيا أنا متعاطف جدا جدا جدا مع صدام ومن قبل مااجي مدونتك دلوقتي عمال أدلدق في تعليقات عن تعاطفي معاه كإنسان وإزاي إني هتعاطف مع أي حد محطوط مكانه في المشنقة وبيتقتل قدام عيني ولكن هذا لا يغير ثانية من رأيي السلبي جدا جدا جدا فيه كطاغية ومجنون بالعظمة وميكيافيللي من الدرجة الأولى

ولكني عندما دخلت عندك صدمت من المقارنةالظالمة جدا بينه هذا الحقير وبين الشهيد المجاهد الفذ الرمز الأسطورة عمر المختار
ليس لأنهما أعدما في نهاية عمرهما يتشابهان
شتان رجل عاش عمره في القصور يحكم من غير ضمير ولا أدنى ذرة إنسانية ولا احترام للبشر ورجل آخر أضاع عشرين عاما من عمره في الصحاري يناضل من أجل قضيته وينتصر لها حقيقة وليس وهما حتى قتل بعدما أسر من ميدان المعركة

لا أريد أن تأخذنا العواطف بعيدا عن الحقيقة ولا أن يأخذنا عطفنا العربي ورقتنا المصرية حتى نصل به إلى درجة الشهادة

وبعدين لو صدام ده هيخش الجنة أنا وانت والناس الغلابة اللي بيتفشخوا كل يوم من الطغاة دول هيروحوا فين يعني

بصراحة لو صدام دخل الجنة أنا مش هعتبها

2:22 م  
Blogger tamer Said To Me :-

لو ياخذون من حياته عبرة يتلخصون منها الاحكام النهائية المنتظرة وصلاحية ولاياتهم متى تنتهي وكيف كم كان هذا الرئيس المعدوم في صباح هذا العيد ربيبهم
والذي قدم الى كل المسلمين كاضحية وهيدية عيد للجميع كم قوي بهم ودعم شوكته بحكم تامرهم الخسيس على المنطقة برمتها
كم انصاع هالكا شعبه وبلاده تحت عباءتهم وبإيحاء من تشجيعهم ومده الدائم بغيه وتسلطه على الرقاب ظلما كم لعبوا به كقطعة الشطرنج ارتفعوا به كثيرا ثم رموه في الهاوية واكلوه هو والبلاد قطعة قطعة الى ان وصلوا و اكلوا راسه شر اكلة
نعم كل من يتعامل معهم له يوما اميركا ليست بحاجة الى الحكام الا بقدر ما يكونوا جسرا للوصول وليس بحاجة الى شعوبنا الا قرابين تضحية لمصلحة الهمينة الاسرائيلية ولمصلحة الفكر الصهيوني الذي يرى شعوب المنطقة كلها قرابين تعد لمصلحة معركة هجمردون الموعودة
فقط لو يقراون التلمود واخر ما يتوسع به الفكر الصهيوني وما يحضر له بانشاء العديد من الجمعيات السرية العالمة كلها وبوسائل مختلفة الى الوصول لمثل هذه الغاية والذي دخلها حكامنا ولم يعد باستطاعتهم التراجع عنهم كثيرت الضغوط الى درجة الاستبداد
فصار بعضهم بيع الاخ العربي اكثر شرفا فه واقل دفعا للثمن وهو لايدري الثمن الاخير الذي ينتظره وسيدفعهنعم لو يقرا الجميع هذا الفكر ويعروفون اميركا و الى اين هي ماضية مع اسرائيل وما هي اخر متسعات تخطيطاتها الهيمنية لو يقراوون ما ذا يدبرون ليس للمنطقة فحسب بل للعالم اجمع
وكيف نحن في بركب اعمالهم نسير حسب مخطاط ترضي وتخدم غاياتهم فهم يسعون ويرسمون الى ما بعد عشرين سنة واربعين سنة بمخططات مدروسة احيانا يرمون فيه الجزر الى الشعوب واحيانا يحملون عصا التانيب حسب ما تقتضيه الخطة ريثما ينتهون من مسائل كثيرةوالكل في سير حسن يؤدي بانهاية الى المكان الذي رسموهفقط لو يدرون حكامنا وشعوبنا ويتذكرون ان العمر قصير لا داعي للانسان ان يتجرد فيه من قيمه الانسانية اولا ولا الاسلامية او العربية او ما يحمي كرامته في هذا
العمر القصير
ليت الجميع يقفون عند مفترق ما حدث ا ليوم يحسبونها ببساطة وعقلانية
ويتذكرون من دفع هذا الرئيس الى الحرب الايرانية ؟؟؟؟؟
من دفعه الى الحرب الكويتية ثانيا؟؟؟؟
ليتهم يفكرون بشكل جدي وينطلقون بفكر اكثر حكمة بعيد عن منطق التعصب الاعمى المتهور الذ ي ياكل فيه الانسان من لحم اخيه ويطغى دون حسيب او رقيب
راح صدام نتيجة صداقتة لاامريكا وتنفيذ كل ما تتطلب منة وقد انتهى دورة فى المسرحية فكان ما كان هل نتعلم الدرس ام لا
اختيار يوم الاعدام الا ترون فية رسالة فى النهاية نقول الله يرحمة لايجوز علية سوى الرحمة
واتمنى الا ارى اخر فية يوم اخر مكانة وهذا ليس مستبعد فاصدقاء الامس اعداء اليوم

10:00 م  
Blogger ذو النون المصري Said To Me :-

الصور الموضوعه للبوست ممتازه جدا لكنها في رايي لا تعبر عن حقيقه كامله لان بين الاثنين فارق هائل و شاسع
شتان ما بين عمر المختار و صدام حسين
لكن بالنسبه لرايي انا وضعته في بوست خاص بيه و بمشاعري الحزينه لما حدث
لكن عموما احييك علي طريقة دعمك لفكرتك

2:36 ص  
Anonymous غير معرف Said To Me :-

في الحقيقة
لم اتفق يوما مع صدام

وفي نفس الوقت بشعر بالحماسة والعزة مع المختار
لكن فيه حاجو جمعت بينهم

هي إن المحتل هو اللي إغتال الإثنين
أعمال صدام لا تبرر ابدا إن المحتل من حقه إنه يدخل دولة ذات سيادة ويقيم محكمة مشكوك فيها لأنها من محتل

إعدام صدام أهاننا جميعا
إعدام صدام زاد مخاوفنا من الشيعة
مهما عمل صدام في الشيعة
لا يعطي مبرر للطريقة غير الإنسانية واللي فيها تشفي من الشيعة

أخيرا لقد كان العيد حزينا
بل لم يكن عيد
ليس لإعدام صدام كشخص
لكن بقى فيه شعور بإنعدام الكرامة

1:12 م  
Anonymous Automotive_2 Said To Me :-

المشكلة يا أبو على إنك حاطط حديث للنبي صلى الله عليه وسلم
ومستنتج منه أن صدام هيدخل الجنة
وكأن فرعون لما أدركه الغرق و قال آمنت بالذي أمنت به بنو إسرائيل وأنا من المسلمين أصبح مستحقاً لدخول الجنة
رب العزة ردها عليه حين إذن فقيل له توبيخاً الآن وقد عصيت قبل وكنت من المفسدين
صدام الذي قتل وشرد وعذب وأغتصب وسفك الدماء لمجرد نطق الشهادة أصبح مستحقاً لدخول الجنة
يا رجل إن الله قد حرم الظلم على نفسه فهل تراه يظلم ضحايا صدام ويجمعهم معه في دار واحدة
أرجوا أن تعيد التفكير لربما تتغير وجهة نظرك

4:57 م  
Blogger واحـــد مـــــن الـنـــاس Said To Me :-

malk almasria
اهلا بيكي اختي الكريمة نورتي المدونة
وكل سنة وانتي طيبة


مزمز
كل سنة وانت طيب ياباشا
انا اقول المدونة نورت ليه
اقولك ياباشا
انتو عندكو حق والله
انا يمكن العاطفة اخدتني شوية
وخلتني اتعمي عن حاجات كتيرة مشوفتهاش
بس اي شخص في مكاني كان هيحس على الاقل بجزأ من اللي حسيته

على العموم
ربنا يرحم صدام ويغفر له يارب

8:42 م  
Blogger واحـــد مـــــن الـنـــاس Said To Me :-

tamer
اخي العزيز انست و شرفت المدونة
صدام حسين الان في ذمة الله
قد نتجادل على جرائم اقترفها في ماضيه
ولكن الان لا ندعو له سوى بالرحمة

نورتنا اخي الكريم

8:45 م  
Blogger واحـــد مـــــن الـنـــاس Said To Me :-

ذو النون المصري

كل سنة وانت طيب اخي العزيز
نورتنا والله
والله يا اخي موقف اعدام صدام حسين واعدام عمر المختار متشابهين تماما
مع الاختلاف التام في تاريخ عمر المختار وصدام

ولكن تشابه الاحداث والصور هو ما دفعني لكتابة هذا البوست

واشكرك على الزيارة الكريمة اخي العزيز

8:51 م  
Blogger واحـــد مـــــن الـنـــاس Said To Me :-

واحد من الإخوان
شكرا ليك اخي العزيز على تشريف مدونتي انا متفق معاك في رأيك
وعارف ان في فرق عظيم بين صدام حسين وعمر المختار لكن ظروف اعدامهما متشابهة تماما

منورنا اخي العزيز

9:13 م  
Blogger واحـــد مـــــن الـنـــاس Said To Me :-

Automotive_2
نورتنا ياباشا
هقولك حاجة
انتا غلطت نفس غلطتي بالظبط
انا شبهت صدام بعمر المختار
وانتا شبهت صدام بفرعون

ومحدش في هذا الكون كله سوى الله جل وعلى يعلم ما هي نية صدام حسين عند قوله الشهادة قبل اعدامه
واحنا ليس لنا الا بالظواهر
ويجب علينا ان ندعو له بالرحمة والمغفرة من الله تعالى

نورتنا ياباشا :)

11:23 م  
Anonymous غير معرف Said To Me :-

انا جاى اسلم بس..
بس فكرنى لما اجى مصر ان احنا نتكلم فى موضوع صدام وعمر المختار ده..
لانى لا اتفق معك فى اى شئ يا صديق...

ع العموم هنشوف بعض ان شاء الله

3:59 م  
Anonymous غير معرف Said To Me :-

beyoulou eh?
"Edrab el marbout ye7'af el sayeb" Saddam kan marbout enta 3aref meen el sayeb. El 3raq marbouta wenta 3aref meen el sayeb.
We bei2oulou eh kaman?!
"Mouch ader 3al 7omar yetchatar 3al barda3a". El 7omar heya adeyet el watan el 3arabi wel barda3a heya tari2et e3dam Saddam.
Saddam 3ach batal we mat batal.
Akher el regal el mo7tarameen.
Fi zaman el e7telal el sohyouni .. lel 3alam kolo ya bacha!
We rabena yer7am el regala.

7:52 م  
Anonymous غير معرف Said To Me :-

أنا بس عايزه أقول ان مش أي حد بيقدر ينطق الشهاده عند موته وفي ناس كتير فضلو يتكلمو ولما اللي حوليهم يملوهم الشهاده مايقدروش ينطقوها, يعني مش أي حد يقدر ينطقها, الله أعلم هوو تاب ولا لأ لكنه أحسن من غيره مليون مره, كفايه أوي انه عرف يقول لأ , ومات برضو وهو بيقول لأ , ومات واقفز
ربنا يرحمه ويرحم جميع موتي المسلمين.

8:47 م  
Anonymous غير معرف Said To Me :-

أخى الحبيب
تعاطفت مع صدام ليس لمقتله فهو يستحق القتل الف مرة ولكن بسبب طريقة قتله
وعمر المختار مجاهد شريف
لا فرق اخى بين الاثنين مطلقا

12:24 ص  
Blogger واحـــد مـــــن الـنـــاس Said To Me :-

المهــــاجر المصـــــــرى
تنور مصر بلد يا رأفت

مصر هتنور والله

مستنييك ياباشا

3:30 ص  
Blogger واحـــد مـــــن الـنـــاس Said To Me :-

LeMag
عندك حق ياباشا
المصيبة بقا ان العرب خايفين اساسا
ومش محتاجين ان امريكا تضربلهم المربوط عشان يخافو

والله اللي بيحصل ده مهزلة


نورتنا ياباشا

3:32 ص  
Blogger واحـــد مـــــن الـنـــاس Said To Me :-

esraa
كلامك صحيح يا اسراء
وبعين انتي مبتشوفيش المحكوم عليهم بالاعدام بيبقو عاملين ازاي لحظة الاعدام
دول بيصوتو وبيصرخو بطريقة هستيرية وبيتنططو ووشهم بيحمر وحالتهم بتبقى سودة
انما صدام كان واقف زي الاسد وقال الشهادتين
راجل راجل يعني

ربنا يرحمه يارب ويغفر له ذنوبه يارب

منورانا يا اسراء

3:44 ص  
Blogger واحـــد مـــــن الـنـــاس Said To Me :-

عبدالرحمن رشوان
اخي الكريم
سعدت بوجودك في مدونتي المتواضعة
احترمك واحترم رأيك واقدره
وانا وضحت وجهة نظري خلال تعليقاتي على الاخوة
نورتنا اخي العزيز

3:46 ص  
Anonymous غير معرف Said To Me :-

بصراحة لو صدام دخل الجنة أنا مش هعتبها

الكلم ده إللى قاله مزمز

الحقيقة كلام غريب وأبسط مايقال عنه إنه كلام إنسان جاهل

لأن مش أنت أو غيرك إللى يقول فلان ده هايدخل الجنه ولا لأ
دى حاجه ترجع لله وحده إن شاء عذبه وإن شاء غفر له

10:21 ص  
Blogger واحـــد مـــــن الـنـــاس Said To Me :-

Anonymous
اخي العزيز
مفيش مخلوق على وجه الارض يقدر يحكم على انسان هيخش الجنة او هيخش النار
ما عدا الصحابة اللي بشرو بالجنة والانبياء والمرسلين

وممكن واحد تكون فاكره هيخش النار
وربنا يغفر ليه ويتوب عليه ويدخله الجنة

وممكن العكس

المسألة مسألة شرعية قريت عنها زمان
وعلى ما اظن
ان حرام تقول على اي شخص مهما كان فاسقا
انه هيخش النار مادام ينطق بالشهادتين

اتمنى ان حد يصححلي معلوماتي لو كانت غلط

5:20 م  
Anonymous غير معرف Said To Me :-

حقيقى عجبتنى الصور .ز وعجبتنى المقارنة برضه
صدام لم يكن إلا حكم من حكام دول العالم الثالث .. تصرف مثلهم .. ظلم وعدل مثلهم .. أصلح واخفق مثلهم
لكنه قال لا لأمريكا .. قاوم الإحتلال
أنا شخصيا زرت العراق أكثر من مرة فى عهده قبل الحرب وبعده .. بصفة حزبية .. ولم أجده مكروها ولكنه اصبح محبوبا بعد الحرب مع أمريكا

كنت فى تركيا عند إعدامه .. وسمعت رأى العراقيين أنفسهم .. عراقيون فروا من العراق بعد الحصار .. لقد بكوه وترحموا عليه أمامى ورفضوا أن يكون مصيره هكذا
قال لى أكثرهم : لقد أعدموه إنتقاما منه لأنه تجرأ و وضع صورة بوش الأب على أرضية مدخل فندق بغداد وهو أفخم .. أو كان أفخم فنادق بغداد فى عصره
لقد انتقم الإبن لإبيه

وفى ايام الحرب .. احتكر بعض التجار السلع .. فما كان منه إلا أن أصدر قرار بإعدام أى تاجر يحتكر السلع فى ميدان عام
مما منع الإحتكار تماما بعد اعدام أول تاجر محتكر

لم يقبل أبدا عراقى رشوة فى عهده .. ولقد حاولت أن افعل مع عسكرى مرور فلم أتلقى إلا الصد والترفع عن الرشوة

صدقونى .. لم يكن بالصورة البشعة التى صوروها

ثم ان ديننا يمحو الحساب عن من أقيم عليه الحد فى الدنيا .. فما بالك بالظلم أن يقتله الإحتلال

أى اننا يجب أن نعلم أنه قد لقى ربه نظيف اليدين مما اقترفه من ظلم ان كان قد فعل فإن كان قد قتل ظلما فإنه قد قتل ظلما أيضا ..

ان التشبيه بينه وبين فرعون مجحف فعلا .. لقد كان فرعون كافرا ولكن صدام لم يكن إلا مسلم عاص .. يقول لا اله إلا الله محمد رسول الله .. طوال حياته .. والحمد لله عند مماته ايضا

ثم انه قاوم الإحتلال .. ومات بيد سلطة تابعة للإحتلال .. فى بلده المحتل .. وهو يعد اسير حرب فى حكم الشريعة والقانون معا .. وقتل اسير الحرب يجعله على شهيدا فى الإسلام

فإن ظلم الرجل أو فسق أو خالف اشرع أحيانا .. ألا تتفقون معى أن الله كان رحيما به فمنحه فرصة للتوبة والشهادة فى حياته وقبل مماته

الدور والباقى على الحكام اللى هيموتوا فى فراشهم من ريش النعام

رحمه الله وغفر له وجعله من المكرمين

12:52 م  
Anonymous عمرو سليم Said To Me :-

فرق كبير بين عمر المختار الذي حارب على اسسس اسلامية
و اسر في الحرب
و بين صدام صاحب حزب البعث و القومية العربية
و الذي أختبأ عند دخول الامركان العراق

7:09 ص  
Blogger واحـــد مـــــن الـنـــاس Said To Me :-

ياسمين
اهلا بيكي في مدونتي المتواضعة
اتفق معك في مجمل ما قلتيه
وربنا يرحم صدام حسين ويغفر ليه ذنوبه يارب
نورتينا

1:08 ص  
Blogger واحـــد مـــــن الـنـــاس Said To Me :-

عمرو سليم
منورنا يا استاذ عمرو
الاختلافات الفكرية بين عمر المختار وصدام حسين معروفة
ولكم ظروف موتهما كانت واحدة
كما انا من رأيي الخاص ان صدام قد تغير تماما في فترة اعتقاله لدى الامريكان
عموما ..رحمه الله

1:11 ص  
Anonymous koukou el kemil Said To Me :-

شتّان ما بين صدام و عمر المختار00
الأولاني ياما عذب و قهر و بهدل شعبه و ياما عذب ناس و هان كرمتها و كان طاغيه00الله يرحموال بقي00المفروض اننا نذكر محاسن موتانا بس انا مش لاقيه00
انما عمرو المختار مات عشان شعبه و جاهد عشانهم 00و متواطأش مع العدو ضد شعبه00
زيّما المرحوم ما عمل مع الكويت و ايران00
يالا ربنا يرحمنا جميعا
بس اسلوبك حلو اوي و الحكمه فظيعهههههههه
lol

12:21 ص  
Blogger واحـــد مـــــن الـنـــاس Said To Me :-

koukou el kemil
نورتنا ياباشا
ربنا يرحم صدام يارب
ويغفر ليه ذنوبه يارب

4:03 ص  
Blogger Om@r Said To Me :-

صحيح صدام نطق بالشهادتين قبل ما يشنق و كان فى اخر ايامه يقرأ القران و يصلى لكن اللى عمله فى العراق مش قليل عشان تشبهه بعمر المختار لان عمر المختار كان مجاهد عظيم حارب الاحتلال لغاية ما شنق على يد الاحتلال لكن صدام حسين قتل الالاف و خاض حروب مع دول عربية و كلنا عارفين جرائم صدام احنا بس بندعى الله ليغفر لصدام حسين ما فعله بالعراق و جايز اللى عمله فى اخر ايامه يشفعله يوم الدين و لا حول و لا قوة الا بالله

1:21 ص  

إرسال تعليق

<< Home