اه يا بلد
مش عارف اكتب عن ايه ولا ايه ولا ايه
ماسك نفسي بالعافية
اتكلم عن الاعتداء على المسجد الاقصى
اتكلم عن اعتقالات الاخوان
ولا المحاكمات العسركية
ولا نهب اموالهم
ولا عن حالة ايمن نور الصحية
ولا عن مرور عام على حادثة العبارة
ولازال صاحب العبارة طليق حر
وشرفاء الوطن داخل معتقلات وزنازين مبارك
ولا اكتب عن ايه ولا ايه
وانا اساسا حصلي موقف فظيع
يوم الخميس
وريحني بجد
لاني لو كنت كتبت كنت هشتم والعن كتير جدا
الحمد لله الذي لا يحمد على مكروه سواه
انا فرحان اني قابلت عبد الرحمن النهاردة
نزلته من بيته
وخليته يسرح شعره لاول مرة من ساعة ما اتولد
اشطة يا عبد الرحمن
القلوب عند بعضها والله
على فكرة
انا هعمل بوست كئيب جدا جدا
يوم 11 فبراير
ياريت يا جماعة اللي شايل هموم الدنيا ومش عايز همه يزيد
ميدخلش يوميها
وقد حذر من فزر
التسميات: انا الشعب
كــتــبــهــا واحـــد مـــــن الـنـــاس | 3:58 ص
21 CoMMeNtS :
اكتب اى حاجة المهم انك تكتب
اكتب فى اى موضوع منهم كلهم مهمين
بس يارب يكون بفائدة
لا الكئابة والحزن تنفع ولا الشتيمه تجيب نتيجه ، احنا الى عاوزين نتغير
مش عارفه اقولك ايه
الأحوال اصبحت متدهوره
انا كمان تعبت من كتر المشاكل
يعنى مش لاقيه اى حاجه كويسه بتحصل
المسجد الأقصى يدمر و احنا ساكتين
ايمن نور بيموت و احنا ساكتين
حوادث عبارات و قطارات و احنا ساكتين
مش عارفه هنفوق امتى
كل ما كنت بدخل مكنتش بعرف اعلق ليه معرفش بجد انت لذيذ ومدونتك عاجبانى واسلوب حيلو كده وحليوه كده كده كده
يمكنك كتابة ماتريد ولو حتى لتفرغ مابداخلك ............ لأننا لو استمرينا كده من غير مانطلع اللى جوانا مش عارفين هنوصل لايه ؟؟؟
فى انتظار التدوينة الجديدة ..........
مش مهم كئيبة ولا لأ المهم انك تكتب ......
تحيااااااتى لك ...........
اكتب عن اللي انت عايزه
بس احنا مش لازم نكتب وبس, احنا لازم نغير, بجد لازم نغير
أنا بانصحك انك متكتبش يا عم على .. وللا اقوللك اكتب يا عم ما انت ابن دكتور و مش فارقة معاك ..
صدقنى يا على برضه احنا رغم كل اللى احنا فيه ده قادرين اننا نغير ..
ربنا يقدرنا ..
ومستنى بوستك الجديد عشان من زمان مكتأبتش.
هو الأفضل إنك تكت حتي لا تنفجر....
لان دا في بعض لأحيان هو الملاذ الوحيد...
النهاردة يوم 11 ولسه لم نري الموضوع الجديد:D
ناس تحب الكآبة
سلام عليكم يا جماعه.
احنا مستنين الموضوع الجديد يا واحد من الناس ويكون زى مانت عايز لان جميع الى ذكرته يستحق الكتابه به ... بس انا مش عارفه المفرود اسال السؤال دا ولا!!! بس هسال وخلاص... هوا ايمن نور دا كويس ولا ...؟؟ انا والله بسال مش بتتريق لانى تايهه ومش فلهمه ولا عارفه فين الصح وفين الغلط لاننا كنا شايفين نعمان جمعه كويس فى الاول وبعد كدا"طلعوه وحش" والله اعلم وبردو طلعو"ايمن نور وحش والله اعلم بردو انا قلت اسالكم لانى بحس انى بقتنع بكلام كتييييييير بقراه فى كذا مدونه من مدوناتكم وبحس انكم بتفهمونى حجات كتير غايبه عن عقلى
على العموم مهما كان الموضوع سواء مفرح او محزن فلابد من كتابته طالما موضوع مهم
وان شاء الله يوفقكم جميعا ويزيدكم نجاح وتوفيق
الكتابه عن كل هذه الموضوعات دفعه واحده ممكن تشرخ في الزور ...لا قصدي تشرخ في النفس و العقل و ..................ومش عارف و ايه كمان
houty
ان شاء الله احاول اكتب في المواضيع دي الفترة الجاية
ربنا يعينا يارب في البلد دي
منورانا والله
Mohamed A. Ghaffar
من وجهة نظري
التعبير عن الافكار الايجابية هي اولى سبل التغيير
كل ما نتكلم اكتر
كل ما دافع التحرك بيزيد اكتر
ياريت نقدر نغير نفسنا بجد
منورنا يا استاذ محمد
ومتقطعش الزيارات بقا :)
mano
نفسي الاقي حاجة ايجابية واحدة تستاهل اننا نقولها او نكتب عليها
مش فاهم ليه احنا كده
بجد والله
ايه الحال المايل اللي احنا فيه ده
في امم خيبتها السبت
وامم خيبتها الحد
واحنا خيبتنا ما وردتش على حد
camera_girl
الحمد لله ان المدونة عجبتك
ويارب نكون عند حسن الظن علطول
ان شاء الله هتشوفي حاجات حلوة في الفترة الجاية
منورانا :)
أمل غنيم
منورة المدونة يا امل
وان شاء الله هكتب ما دام في الصدر قلب ينبض :)
وربنا يجيبو بفايدة
esraa
ياريت نغير بجد
البشاير ظاهرة على السطح
بس الواحد من كتر السلبيات والكأبة مبقاش عارف البشاير دي بجد ولا لأ
يارب يارب نعرف نغير من نفسنا يارب
قبل ما حالنا يوصل لاوسخ من كده
يااااااااااااارب
منورانا دايما يا اسراء
أخف دم
اشرف بيه الكبير
يا ترى جالك اكتئاب من البوست ولا لسه
شكلك مش بيحوق فيك حاجة والله
منورنا يا كبير
sharkawoo
الكتابة بالنسبة لي شيء ضروري جدا للتعبير عن افكاري
وكمان انا لما بكتب والناس ترد
بقدر اشوف وجهات النظر التانية
يارب تكون قريت البوست الجديد
semsema89
اختي العزيز سمسمة
كل سنة وانت طيب
مش مهم ايمن نور كويس ولا لأ
مش مهم انه صح ولا لأ
المهم ان في راجل شريف كان امله انه يغير البلد دي
ودلوقتي بيموت في السجن
راجل عنده 42 سنة وكان عامل صداع لمبارك وابنه
ومرمي في السجن دلوقتي
لازم كلنا نقف جنبه
مهما اختلفنا معاه
لحد ما يخرج سليم معافى بعون الله
ونفسي اشوفك واحدة من المدونات ان شاء الله
ولو عايزة اي مساعدة في عمل المدونات قوليلي وانا هساعدك ان شاء الله
ذو النون المصري
شفت بقا انا كان هيحصلي ايه لو كنت كتبت عن الحاجات المرة دي كلها
ربنا يعيننا يارب على ما بلانا
منورنا يا استاذنا
محمد خلف
اسم يفكرك بالشرف
يصحى فيك معنى الوطن
لما يقول لأه
عارف تمام
أمتى يزق الزقة
فيهز عرش الخيانة
و الذل و الاستكانه
يحط فى نعش النظام مسمار
و يدقه ميت دقة
مش همه ياكلها حاف
و لاّ ياكلها بدقة
الكيل طفح م الذل
و النهب و السرقة
المصرى جىّ
جايب لمصر الضى
المصرى حى
ضميره صاحى
عقله نىّ
ما قدر يطبخه خاين
و لا عدو
و لا حدى بدى
المصرى طالع
من شواشى الشجر
و من النخيل
المصرى عمره
ما كان عليل
و لا كان عويل
عارف العدو فى ( إسرائيل )
المصرى عمره
ما كان ذليل
و لا ركع للأمريكان
و لا عمره كان أبدا جبان
ساعة الأدان
تلاقيه ف قلب المعركة
وسط الميدان
المصرى عارف من زمان
مين اللى صان
و مين اللى خان
و يوم يجد الجد
المصرى يحد الحد
و ينفجر بركان
يطهر كل شبر
واللى فاكرين ان مصر
خلاص بقت ملكهم
هيشوفوا يوم
إسود ..
على كل ظالم
أبيض ..
على كل مظلوم
و اللى فاكرين ان مصر
عزبة يورّثوها
بكرة هيعرفوها
بكرة هيتعلموها
درس مصر الجىّ
طول عمرها ملهاش
فى الصبر زى
و لا فى القومه
فى الفجرية ضىّ
المصرى عربى
عارف تاريخ أمته
و عارف سكته
مدرك تماما
إن النظام بلوته
وحكام المذلة قضيته
و (إسرائيل ) عدوته
المصرى عربى
و النبى عربى
و الجرح يصرخ يقول
أنا عربى
و النصر من جنوب لبنان
ينطق حروف عربى
و فى العراق و فى فلسطين
الدم يروى ترابنا الـ عربى
المصرى زهرة
فى بستان الأمل طالعة
قلبه جسور
و عزيمته ساعة الحسم والعة
فى الضلمة شمعة
و فى النهار
غيط و مصنع و جامعة
المصرى يصبر آه
يسكت و يتهيألك انه
سلم مصيره لسلطة محتكرة
للنفوذ و للفلوس و الجاه
سلطة عميلة ذليله
ما تعرفش غير ملذات الحياه
سلطة بلا مبالاه
لا ف ذهنها شعب و لا أمة
تركع لأمريكا
و تبعد عن طريق اللـــــــه
و المصرى عارف انها ساعة
و هتعدى
دا ياما بحرك يا مصر
بيحدف و بيودى
و المجد دايما للشرف
المجد لمحمد خلف
المجد دايما للشرف
المجد لمحمد خلف
من موقع لقطات مكتوب
مصرى
إرسال تعليق
<< Home