يسمع من بقك ربنا ..يا
هوا الرئيس مبارك هيموت ؟؟
ايه ده
يعني هوا بشر زينا كده
ممكن يموت ؟؟
مش معقول
ابسليوتلي
..
طيب الريس عارف انه هيموت زي بقية البشر كده ؟؟
طب هيقول لربنا ايه ؟؟
..
الله اعلم
حسابه بينه وبين ربنا
يارب يهديني انا وانتا بس
ونبقى ملتزمين كويس
يعني نبص لنفسنا قبل ما نبص لغيرنا
...
المهم
ازيك يا شباب
ملكوش دعوة بالكلام اللي فوق ده
متاخدوش في بالكم
المهم بقا
انا وانا خارج من جامعة المنصورة اول امبارح
قبل ما اخرج
مشيت جنب مبنى بيتبني
جوه الجامعة
وكان جنبيه الشاهد اللي بيتكتب
قدام اي مشروع بيتعمل
الشاهد ده اللي هوا بيبقى عبارة عن بتاعة رخام محفور عليها
الاسطوانة المعروفة
بتاعة
في عهد السيد الرئيس فلان الفلاني
وفي عهد المحافظ علان العلاني
وفي عهد الوزير سمعان السمعاني
وفي عهد خالتي ام احمد
وهكذا
وفي اخر الشاهد يكتبو
قام السيد اللواء الوزير الدكتور المحافظ
بافتتاح حمام عمومي في هذا الشارع بتكلفة
ستة مليارات جنيه
وكلو في الاونطة
المهم بقا
وانا ماشي جنب المبنى
شفت الشاهد بتاع المبنى ده
ـــــ
ـــ
بس في شاب ربنا يحرسه يارب
كان كاتب تعليق طريف اوي
فوق كلمة
((في عهد السيد الرئيس ))
الاخ ربنا يحميه ويكمله بعقله يارب
كاتب
قبر المرحوم
..
نفسي اعرف مين الشاب ده ؟؟
ـــ
ــ
عشان كده كنت بسأل الاسئلة اللي فوق دي
هل اليوم ده فعلا هييجي ؟؟
وياترى هيبقى عامل ازاي ؟؟؟
ــ
ــ
ده بقا
كاريكاتير بسيط كده
عملته امبارح
صورته بكاميرا الموبايل
مكن تضغط على الصورة للتكبير اذا حبيت
عايز كل واحد
يشوفه ويقولي تعليق مناسب يكون الراجل اللي في الكاريكاتير ده بيقوله
يالا على رأي إنسانة
احسن تعليق هيكسب خمسة وسبعين قرش
وابقو قابلوني
التسميات: حلاوتك يا ابيض
كــتــبــهــا واحـــد مـــــن الـنـــاس | 5:49 ص
75 CoMMeNtS :
الواد بيفول على الريس
يا واد عيب يا واد .. ده الريس
الاغنية اللى شغالة في البلوج دي روعة .. انا بدور عليها و هموت انزلها على الجهاز
مش عارف اقلك ايه بس عاوز اهنيك انت واللى كتب الجمله على حجر الأثاث
هو عشان عنده المعيه غير عاديه
وانت عشان عينك لاقطه بشكل نافذ
أهنيكم
مش عايز أقولك النكته بتاعت السحلفة.
مواطن جاب للريس سلحفه هدية
فالريس بيقولوا ايه دى؟
قالوا سحلفه
الريس قال ايوا منا عارف جايبهالى ليه؟
المواطن قاله هدية ياريس
دى بتعيش 100 سنه
الريس قالوا
طيب لما نشوف
يالهوى تف من بقك بعد الشر طب بالله عليك لما يموت مش هتزعل طب دا حتى العشره ماتهونش الا على اللى مش عارفه ايه
هو ماينفعش نعمل تعليق علي الكاريكاتير لأن التعليق الوحيد اللي ينفع عليه لا تعليق (:
بس برافو عليك ياعلي , وبرافو علي الي كتبها, وربنا يحميه عشان أكيد دلوقتي في خبير خطوط بيدور علي اللي كتبها بعد مانت نشرتها وفتحت العيون عليه (:
يارب يصلح الامور كيفما يشاء
احنا جعلنا الريس اله وفرعون .. عادات المصريين القدماء ونسينا انه بشر و بشر طبيعى ويمكن اقل من الطبيعى كمان
انا مرة واحد سألنى : "تفتكر هو حسنى مبارك بياكل ايه؟؟؟ "
و السؤال اللى فقعنى اكتر " هو بيدخل الحمام زينا ولا الاكل بتعاه مفيهوش فضلات خالص ولا فى طرق تانية للتخلص من الفضلات؟ "
انا كمان نفسي اعرف مين اللي كتبها
علشان اشد علي ايده :)
على فكره انت كده ممكن تزعل منك
الأخوه بتوع مش كفايه احنا معاك للنهايه
بس لو شفت الأخ اللى كتب التعليق
سلملى عليه
مساء الخير ياعلي
إزيك ياسيدي وازي صحتك، انشالله بكل خير
أولاً انا باشكرك جداً على زيارتك وعلى إنك حطيت مدونتي في القائمة عندك، ده بس من ذوقك.
ثانياً: أنا حطيت مدونتك في القائمة عندي في الـ 3 مدونات اللي انا باكتبهم.
ثالثاُ: ياريت تضيف المدونتين التانيين بتوعي كمان في القائمة عندك عشان مش كل الناس بتحب تقرا إنجليزي وبيفضلوا العربي والصور.
إسم المدونة: الأغلبية الصامتة http://egyptsilentmajority.blogspot.com/
إسم المدونة: صور غريبة http://falconstrangepics.blogspot.com/
أخيراً باشكرك جزيل الشكر على مدونتك الرائعة دي واللي بتجمع مابين المعارضة بوطنية وظرف مع الأحاسيس والمشاعر الإنسانية الجادة. دعواتي ليك بالنجاح الدائم وأمنياتي بدوام التواصل بيننا.
سلام ياصاحبي
ههههههههههههههههه
هو الريس بتاعنا اساسا
فاكر نفسه انسان ولا نسى
على العموم
ابقى سلميلى على الى كتب الجمله ديه
وسلميلى على نفسك
وسلااااااام
تصدق انك ابن حلال ، طرحت سؤال مهم جدا ، هايموت ؟؟؟ اه ....... هايموت ( إنشاء الله ) هو و غيره اللي فاكرين انها دايما و مش هاتزول و اللي لم يحاولوا التفكير في الاخره في الناس ال هاتكون معلقة برقابهم الناس اللي غرقوا ... الناس اللي اتحرقوا ... الناس الكتير اللي ماتو من الاهمال و التسيب و الفساد و دول ربنا رحمهم ، في كمان الناس اللي لسه غرقانين و محروقين ( و دول ربنا يساعدهم و يقويهم ) هم بس ربنا يهديهم و يحسبوها صح و يفهموا انهم سيحاسبون و ان الدنيا مستهلش ده كله .
أشكرك علي طرحك للسؤال عزيزي واحد من الناس الجدعه ، و أشكر الفنان اللي كتب علي مزاجه العالي عالي عالي و ارجوه التعميم علي لوحات و شواهد كتير اوي في بلدنا للناس اللي سرقت و هربت (زي اوسخ حرررررررامي و الناس اللي لسه قاعدة بتسرق و تفسد.
نعم سيموت
و سيحاسب
الريس:اه والله الواد ده دماغه نظيفه مش زي العيال بتوع اليومين دوول قال عاملينلي معارضين فكرني يا زكريا أبقي أخليه وزير لما يجبر بس هو فيه حاجه واحده مش عاجباني ايه 26 عام من الديموقراطيه دي؟؟؟؟ هو بيفقر عليا قوول 50 قوول 100 عام من الديموقراطيه لو مش في عهدي يبقي ...زكريا : ربنا يطولنا عمرك يا فندم ولو مش في عهد سيادك يبقي في عهد هيثم جمال مبارك ......ههههههه
موضوع جامد يا علي لأ انا دلوقتي مش الريس خلاص المشكله مش هيموت ولا لأ ماهو هيموت هيموت لكن مايجلناش النسخه التانيه منه يعني حرام بقي!!!!يا ناااس
http://ibnasser.blogspot.com
يا عيني الولد اللي في الصوره مافيش حاجه في ايده يعملها غي ر انه يفكر و يقول و ري محمود عبد العزيز في فيلم الكيف000
ام يا قفا 00اه يا قفا
على
ليه يابنى كده تغلط فى الريس هوا انتى كده بتلعب فى عداد عمرك
ريس مين يا ابنى اللى يموت هوا هيفضل على قلبنا لغاية اما كلنانموت وبعد كده يورث الحكم لابن وتبقى المملكة العربية المصرية المباركية
وتحتها يافطة صغيرة لاصحابها مبارك واولاده
رساله الى رئيس الجمهوريه من مواطن مصري
قلت لا للتوريث زعلت مني
قلت نعم للتوريث قلت انت هاتفول عليا
طب اعمل ايه
الحرية شيء جميل نادي به الإسلام وأقره ولكنه لم يجعله فرض كما قال البعض فكل شيء إتزان والريس قدم لمصر إنجازات كثيرة ولكن .............يعهني يجب أن تكون نظرتنا عادلة بعض الشيء أتمني أن نعيش جميعا في سعادة وتقدم وحرية وأنا من معجبين محمد الحسيان وخاصة هذه الأغنية فهو بحق مطرب محترم أو منشد محترم في زمن الهيافة
شباب روش طحن
سلام عليكم ياباشا
ياريت بعد إذن حضرتك تدينا كده شوية أمثلة من إنجازات السيد الرئيس حسني مبارك.
حقيقي نفسي أفهم واتعلم واحفظ إنجازات مبارك الكثييييييييييييييرة، ياريت حضرتك تساعدني بذكرهم جميعاً واحدة واحدة لو تفضلت
ولك جزيل الشكر مني
معلش اضطرت ادبسك فى التاج اللى عندى تقدرى تاخدى الاسئلة من عندى
معلش اصلى معرفش ليه صورة المواطن المصرى المطحون اللى انت حطتها بتعجبنى وممكن اعرف تفاصيل عنها من التاج
اعذرنى
بكرة ذكرى وفاة سلوى حجازي افتكرها ببوست
الواد بيقول:
ياااااااه.. الريس صابر لغاية دلوقتى على الصورة اللى معمولاله من عشر سنين دى؟
الراجل بيقول
هو ماتعبش من القعدة؟
------------
بوست حللللللللللللللو
علي يخربيت كدا وحشني يابني ووحشاني التدوين و الكلام ده مع اني من الجداد بس اهو هي كدا الدنيا انا والله ما طايق سيرة سي (***) يعني تشيمه وانا حكيتلك علي حصلي النهارده و انا رايح علشان اعمل القيد يارب يغور في سبعين دهيه مش ستين بس و كمان حلو الكرايكاتر ده يا مان رسمك عسل يا عليوه
ازاي اول مره اشوف المدونه دي
انت كنت فين يا ابني
المدونه جميله قوي
معلش انا لقيتها صدفه بس احب ازورها كتير
تحياتشي
انا مش جاية اعلق على الموضوع
خلى الـ75 قرش هينفعوك صدقنى
انا بس سمعت ان اخوك الصغير اتخبطت وكدة
ألف سلامة عليه ويارب يقوم بالسلامة وابقى طمننا بجد
عارفة انها متأخر بس الكمبيوتر بايظ الحمد لله وربنا ييسر الحال
سلام عليكم
بلدياااتى
منور البلوجر
ربنا ياخده .. اكيد هيموت .. هو مش مخلد
الشعوب هى اللى اعمارها طويله مش الحكام
تحياتى
ربنا يخليلنا الريس و يطولنا فى عمر سعادته عشان يظبط الشعب كمان و كمان و يخربها اكتر ما هيا مخروبة
ربنا يجازيه بقى و يديله على اد نيته
يالاه يسمع من بوؤك ربنا
المصرى اليوم يا حومبى
طالب رسامى كاريكاتير
هههههههههههه
وحياة ابوك يا علي
اول ما تشوف الواد اللي كتب الكلام دة
بوسهولي من هنا ومن هنا
وقوله طنط سمرا بتقولك تعالي عندنا كتير
موضعاتك تحفة
معلش يا علوة مقصرة معاك بس مشغوليات بقي
المهم اخوك اخباره ايه دلوقتي
انت فين يا عمنا اوعى يكون البوست ده بعتك ورا الشمس؟؟؟
عموما لما ترجع من ورا الشمس فوت عندي وخد التاج اللي مررتهولك.
امين يا عم
امين يا سيدي
آآآآآآآآآآآآآآآآآآآمييييييييييييين
بس انت تفتكر؟
عارف يا على ان انا اتخيلت الموقف ده كتير جدا
اتخيلت انى راكب فى اوتوبيس وفجاة اسمع راديو او ناس فى الشارع او حتى واحد صاحبي بيتصل بيا يقولى حسنى مات
بس المشكلة مش فى انه يموت
المشكلة انة فعلا بوجوده حتى لو عظم فى قفة فهو مانع كل القوى فى البلد انها تتصارع على الحكم
لكن لو مبارك وقع يا على
فى لحظة واحدة هتلاقى الدنيا اتقلبت
كل رؤوس الاموال اياها هتاخد اول طيارات وعلى برة وقبل ما الخبر يتعرف
الاسرة المقدسة هتلاقيها عملت زي صدام ايام حرب العراق وفجاة نبص ما نلاقيهمش ومحدش هيقف ياخد العزا اصلا
الشرطة وامن الدولة تحت اديهم معلومات البلد كلها ... وجهاز مباحث امن الدولة هو الوحيد اللى لية سلطة سيادية عليا فى البلاد لدرجة انه ممكن يتجسس على القضاة ورجال الجيش كمان
هتلاقيهم عايزين ياخدوا الكعكة لحسابهم
الاسلاميين اللى بجد هيرفعوا السلاح فى اللحظة دي للمطالبة بالحكم بعد ما ظبطوا المجتمع على الشريعة فى كل السنين اللى فاتت دي وباتوا قاب قوسين او ادني منه ومن تطبيق الاسلام فى الدولة
النصارى هم كمان هيرفعوا السلاح وهيطالبوا بحقوق اوسع فى الدستور الجديد او ان رئيس الوزراء يكون نصراني والرئيس مسلم او حاجة كدة
امريكا عايزة ترعى مصالحها فى الشرق الاوسط ومش هيهمها الا مصالحها فهتلاقى انها مش هتسمح الا بواحد تبعها
الجيش لازم يتدخل وهيعمل حظر تجوال فى الشوارع وهينزل قواته الشارع عشان يحمي البلد من جوه
سيد قراره هيطالب بتطبيق الدستور وان رئيس سيد قراره هو اللى يمسك الحكم لفترة انتقالية و و و ..... وانت فاهم بأة
ناهيك عن فترة لا تقل عن شهرين او 3 شهور لحد ما يحصل استقرار وامن وكل الفترة دي مفيش حاجة اسمها شغل حكومى او مرتبات يا عم... يبقى الناس دي هتعيش ازاى؟
واحتمال كمان يحصل سرقة ونهب زي اللى حصل فى بغداد ايام مهرجان الشوبنج اللى صاحب دخول القوات الامريكية
ربنا يستر علينا يا على
فاااااااااجر اوي الواد ده دماغه شغاله بطريقه رهيبه
لو تعرفه اقوله انت استاذ كبير اوي
و لا اقولك اعمل نفسك مش عارفه مش عاوزين قلق ياعم
تسللم يا ابوعلي علي الصورتين دول ولو تعرف تبعتهم ليا علي الايميل بتاع المدونه يبقي انت كده كتر خيرك
islamist bloke
لالالا....ليه بس كده
طب اعلق انا دلوقتي واقول ايه؟؟
انا لما قريت الموضوع قررت اكتبلكم عن حوار لسه عاملاه من يومي مع صحابي
الحوار كان محتواه ايه اللي حيحصل لو الريس مات
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
تخيلوا معانا الموقف ساعتها
هو ابسط islamist bloke اللي قاله
الاشياء اللي حتحصل
للاسف نجحوا في شخصنة الدولة وتحولت مصر لدولة يحكمها فرد
ولا عزاء لدولة المؤسسات
بعيدا عن الريس ووفاته...يا ريت تلحق اللي كتبها قبل ما ناس تانية تلحقه ..وتسلملنا عليه وتشد علي ايده وتقوله من بقك لباب السما ..انت بس قول يا رب
ادخل عندى ضرورى جدااااااااااااا
وانصر الطلبه المفصولين
وسلاااااااام
فكرتنى بخبر كنت قريته زمان فى موقع مجهول الهوية عن وفاة جمال مبارك فى حادث مروع على الطريق السريع .. ساعتها تخيلت انه ممكن يكون حقيقة .. وقعدت ادور على صحة الخبر فى وكالات الانباء الشهيرة وطبعا ما وصلتش لحاجة
وقفت مع نفسي وعملت ستوب وسالت نفسى انتى تاعبة نفسك ليه هى الناس دى بتموت ؟؟؟؟ :)
شكرا على البوست
ادخل عندى ضرورى جدا وانصر الطلبه المفصولينhttps://www.fnangeology.blogspot.com/
وسلااااام
Sharm
منور البلوج ياباشا
تعليقك جميل جدا على فكرة
ممكن تدخل على البوست ده
http://ali-x-man.blogspot.com/2007/01/blog-post_12.html
انا حاطط لينك الانشودة دي
Mohamed A. Ghaffar
ربنا يكرمك يا استاذنا
منورنا والله
بجد فرحت بزيارتك لمدونتي
ويارب متقطع الزيارات تااني
حسن محمود
هههههههههه
يابني والله الواحد بيحس ان الريس ده مش بشري والله
فاكر تصريحه بتاع ساستكمل المسيرة مادام في الصدر قل ينبض ؟
منورنا يا كبير
أروى الطويل
هههههههههههه
هما اللي مش عارف ايه دول
هما السبب في كل البلاوي اللي احنا فيها
منورانا يا اروى
esraa
ربنا يكرمك يارب يا اسراء
والله انا سالت ناس كتير على اللي كتبها ومش عارفه لحد دلوقتي
لو وصلني اي خبر هقولكم ان شاء الله
omar مشروع بطل
الاسئلة اللي صاحبك سألهالك دي
اتقالت قدامي ميت مرة قبل كده
وبصراحة عندهم حق اللي بيقولوها
مهم شايفين كمية التقديس والتنزيه اللي منافقي الحزب الوثني بيوصفو الرئيس بيها
الرئيس لا يخطأ
ولا يمكن ان يخطا
وهو الحكيم الاوحد
حكيم العرب
وزعماء العالم يشقون الرحال من اجل زيارة مصر والنهل من حكمته المباركة
اعوذ الله من غضب الله
منورنا يا عمورة
ومبروك دخولك عالم التدوين
نمنماية
تشدي على ايديه ؟؟
طب افرضي ايده بتوجعه هتعملي ايه ؟؟
:)
منورانا يا نمنماية
mano
هسلملك عليه بإذن الله
لما نتقابل في معتقل ابو زعبل
او سجن طرة
بالنسة لزعل الاخوة بتوع مش كفاية
فاحنا نطول نزعلهم
ده كل اللي بنعمله ده عشان نزعلهم والله
The Egyptian Falcon الصقر المصري
من عينيا ياباشا والله
هوا احنا في ديك اليوم
منورنا ياباشا
ويارب تنورنا علطول لاني بفرح والله لما بشوف اسمك عندي
fnan_geology
والله ياباشا
الريس ممكن يفتكر نفسه انسان
بس الانسان عمره ما يفتكر نفسه ريس ابدا :)
منورنا يا جميل
ويارب نكون عند حسن الظن دائما
Ehab
منورنا والله يا اخ ايهاب
بجد تعليقك جميل جدا
و قعدت افكر فيه بجد
خصوصا الجزئية بتاعة
---------
في كمان الناس اللي لسه غرقانين و محروقين ( و دول ربنا يساعدهم و يقويهم )
---------
ربنا يساعدهم ويقويهم يارب
خطــاب
نعم
بالتأكيد
ربنا يرحمنا جميعا يارب
منورنا يا باشا
ibn nasser- ابن ناصر
ههههههههههههههههه
صدقني انا مت من الضحك ياباشا
تعليقك جميل جدا جدا
ومدونتك جميلة جدا برضه
منورنا ياباشا
وهتلاقيني لاجئ عندك ان شاء الله
koukawy
هههههههههههههههه
ازيك يا كوكو يا كميل
عاملة ايه ؟؟
بجد تعليقك جميل جدا جدا
وبالمناسبة الواد ده بيسلم عليكي
وبيقولك الكيمي كيمي كا
:)
مصر هى أمى
ههههههههههههههههه
على فكرة بقا ياباشا
مصر هيا امي انا
ومش هرد عليك اما نشوف هيا ام مين فينا
انا عايز ماماااااااااااااااا
:)
لا بجد اسعدني تعليقك عندي ياباشا
ويارب تنورنا علطول
واحد من الناس - واحد تاني
منورنا يا احمد باشا
الريس بيقولك تعمل ايه ؟؟
اعمل كباية شاي
:)
شباب روش طحن
اخي العزيز
الحرية مش فرض في الاسلام ؟؟؟
جبت منين الكلام ده ؟؟
سيدنا عمر ابن الخطاب قال
متى استعبدتم الناس وقد ولدتهم امهاتهم احرارا ؟؟
تحب اجيبلك ادلة من القران الكريم والسنة النبوية ان حرية الفرد مقدسة في الاسلام ؟؟
بالنسبة لانجازات الريس
فدي لا ينكرها الا جاحد من اتباع الفئة الضالة
فاوضح انجازات الرئيس مبارك رعاه الله
انه وحد الشعب المصري على كلمة حسبي الله ونعم الوكيل
Egyptian Falcon الصقر المصري
اهلا بيك مرة تانية ياباشا
والله انا قلتله انجاز من انجازات الرئيس في البوست اللي فات
وفي انجاز كمان نسيت اقوله
ان رئيسنا الهمام هو موحد الاديان
لانه كفر الشعب المصري كلو بمسلميه ومسيحييه وصابئيه وولاد
#%!#@% ال
فيه
houty
من عينيا والله يا هوتي
التاج علينا حق
شكرا جزيلا على تمريره ليا
منورانا
salwa hegazy
انا اسف جدا جدا
اختي الكريمة
مقدرتش البي دعوتك
نظرا لظروف عصيبة جدا جدا حصلتلي
ربنا يرحم سلوى حجازي ويتغمدها بواسع رحمته يارب
ياريت تنوري مدونتي علطول
أخف دم
هههههههههههههههه
يخربيتك يا اشرف
بجد الاسم تستحقه بجد
ضحكتني يا راجل
ومبروك عليك الربع جنيه :)
khaled
ربنا يكرمك يا خلود
بس هيا دي قعدة تتعب يا راجل
ده بقاله 26 سنة كاتم على نفسنا
وشكله ناوي يكملهم نص قرن
منه لله
copa
ولا يا كوبا
مالك ؟؟
شكلك كنت بتنهج وانتا بتكتب الرد يابني
يسمع من بقك ربنا
و متحرمنيش من الزيارات والرنات يالا
يخيبك
Memo
ميمو هنا
يا مرحبا يا مرحبا
نورتي المنطقة والله
ازيك يا ميمو
لسه بتتضربي برضه من كل واحد تلاقيه :)
بجد منورانا يا ميمو
ويار نكون عند حسن الظن
تحياتشي
:)
إنـســانة
الله يسلمك يا انسانة
بجد ربنا يكرمك
انا وصلت لاخويا كل الكلام اللي الناس قالوهوله على النت
ربنا يكرمك
يارب
ومتخافيش هبقى اعزمك على كباية شاي بالخمسة وسبعين قرش :)
FrEe.PhArAoH
حبيب قلبي
ابن الشعب
والله فرحت يا عم
قريب هنتقابل ان شاء الله
وربنا ياخده يااااااااارب
Mon7ref
عمر حبيب قلبي
ازيك يا باني
الف مبروك عالمدونة
فرحتلك يا ولا
قريب اوي هسيحلك في المنطقة
توتة توتة
ياااااااااارب
منورانا يا توتة
وتوتة توتة خلصت الحدوتة
shabfa2re
رايح بكرة والله ياباشا
اقدم فيها
ومسافرلها مخصوصة
ربنا يستر
smraa alnil
ههههههههههههه
ربنا يخلييكي يا انجي
اخويا الحمد لله خف كتير
وهيفك الجبس قريب ان شاء الله
والله انا اللي مقصر
وبدخل قليل والله
بس ظروف الحياة بقا
تسـنيم
شكرا يا تسنيم على التاج
وربنا يبعد ورا الشمس والناس اللي بيودو ورا الشمس
عننا يااااااااااارب
منورانا يا تسنيم
islamist bloke
مهي دي فعلا مشكلة دولة الفرد الواحد ياباشا
مصير البلد كله مرتبط بمصير شخص
انسان
فرد واحد
لا حول ولا قوة الا بالله
ربنا يستر ياااااااااااارب
الدبور
هبعتهملك ياباشا ان شاء الله
والواد ده نفسي اعرف هوا مين بجد
منورنا يا زعييييييييييييم
واحدة من الاخوان بتحب البلد دي
ازيك يا واحدة
بجد منورة البلوج
و ان شاء الله لو عرفت اللي كتب الجملة دي هقولكم والله
ياريت متقطعيش الزيارات عننا
fnan_geology
من عيوني الاربعة ياباشا
..
انا لابس نضارة :)
بنوتة من وسط البلد
العفو يا بنوتة
والله ربنا يستر ويعدي اليوم اللي حسني هيموت فيه على خير
يااااااااارب
منورانا والله
اولا السلام عليكم....
ثانيا الكاريكاتير دا بيعبر عن كميه رزم الدولارات اللى بيعبيها الريس(حفظه الله) على مدار ال26 عام على اساس لما ربنا يتوفاه يوزع على كل مواطن رزمه حسب الوصيه..ودايما كدا ياجماعه خللو عندكو حسن ظن بالناس وبالذات بقى ريسنا(دا ناس لوحده)
وعشان كدا حنا اخترنااااااااه
منورانا يا صورصارة
انتي مبتجيش ليه
ابقي تعالي
إرسال تعليق
<< Home