بعيدا عن السياسة
امتحانات يا امتحانات الامتحانات على الابواب
يالا كل سنة وانتو طيبين
كلها ايام وناخد اجازة نص السنة
وربنا يفرجها علينا
ادعولي ربنا يكرمني في الامتحانات
واحل كويس .........
كل سنة وانت طيب يا دكتور النهاردة يوم ميلاد والدي
والدي عنده خمسة وخمسين سنة
كل سنة وانت طيب يابابا
وعقبال ميت سنة يارب
يالا
كل سنة وانتو طيبين
تحديث
رحنا انا وصديقي العزيز انس نشتري هدية بسيطة للوالد
اشترينا مصحف صغير وبوكيه ورد وفيه كرت صغير كتبناله فيه كل سنة وانت طيب
وبوسناه من الخدين
الحمد لله كان فرحان وانا كنت فرحان اكتر والله
.........
ربنا يحميك يا ابو يحيى
المقال الناري الصاروخي النووي الكارثي اللي كتبه ابراهيم عيسى في الدستور
اتأثرت كتير اوي وانا بقراه
والله الدمعة كادت تفر من عيني
ربنا يحمييك يا ابو يحيى
لولا اني كتبت عنوان البوست بعيدا عن السياسة
كان زماني اتكلمت عن تصريح مبارك عن ان اولمرت شخص طيب الخ الخ
ربنا يستر عليك يا ابراهيم
ويحميك منهم ..وربنا يهديك يا سيادة الرئيس مبارك .........
بلال فضل ..انتا فين ؟؟بلال ..بقالك 3 اسابيع مظهرتش في الدستور
من ساعة ما السفارة الليبية رفعت دعوى قضائية عليك بتهمة سب الرئيس الليبي
لعل المانع خيرا ؟؟؟
.........
سلامو عليكو يا اخواننا
الامتحانات على الابواب
اما اروح افتحلها 
كــتــبــهــا واحـــد مـــــن الـنـــاس | 2:16 ص
8 CoMMeNtS :
كل سنة وعمو طيب وربنا يخليهولكوا ويديله الصحة وطولة العمر يارب
وكل سنة اى حد عيد ميلاده فى شهر يناير زى حلاتى طيب وبخير .. واى شهر تانى مايضرش برضه
بصراحة الامتحانات مش واقفة على الباب لا دى اقتحمت الباب ودخلت وكشرت لنا عن أنيابهااااا
ربنا يستر على الجميع وينجح الجميع يااااااااااااارب
سلام
كل سنه وبابا طيب وربنا يخلهولكي لحد ماتحتفلو بعيد ميلاده ال150
الامتحنات فعلا دخلت خلاص من الأبواب حتي من غير ماتخبط ولا حد يسمحلها تدخل, ربنا معاك ويوفقك وماتنساش تدعيلنا.
ركز بأه يا عم الحاج وذاكر..ربنا يصلح لك الحال ويفتح عليك..وربنا يعمى عين الناس اللى بيراقبوا
لو عاوز سجاير او منبهات قولى ..اخوك سداد
كل سنه وابـــــو واحد من الناس طيب..
ويارب يجعل ايام اسرتك الكريمه خير وسعاده
ربنا يكفيك شر زنقه الامتحانات اللى احنا فيها ويعمى عنك مراقب الامتحان
وكل سنه وعمو طيب ويارب يخليه ليكوا دايما اما بخصوصا مقال ابراهيم عيسى فبجد ضرب نار الراجل ده شاكله هايتاخد قريب
كل سنة وباباك بخير
ربنا يخليهولك
و ربنا معاك في الامتحانات
الامتحانات على الابواب لأ هى دخلت من زمان عندى
يالا ربنا يسترها ان شاء الله ويعديها على خير وبعد كده هنطردها بره الامتحانات طبعا
وبعدين ازاى يكون عيد ميلاد عمو واحنا مانعرفش غير فى يومها كده
كل سنة وعمو طيب ويااااااااااارب عقبال 1000000سنة وهو بصحة وبخير دايما يارب وربنا يخليه ليك
وبعدين انت قلقان على بلال فضل
أكيد خير ان شاء الله
ماهما بيمرا بظروف أصعب من كده وبتمر
وخير ان شاء الله ماتقلقش
كب سنة وهو طيب
وبارك الله في عمره
........
فكرني ننشط مدونة والدك المتخصصة في الرياضيات
منورين المدونة يا جماعة
واسف والله ان الاسماء باظت
بس عشان المدونة اتحولت لبيتا
بس العيب ده معدش موجود ان شاء الله
ونبقى نتكلم في الموضوع ده يا انس ان شاء الله
إرسال تعليق
<< Home