الاقصى نادى والندى غالي ...ويهون عشانه العمر لو غالي
وَاحِـــدْ مـِــنْ الـــنــَــــاسْ: ابــوه مــســـافـــر
ايوة انا  .. في حاجة يا عماد ؟
NaMe : Ali Adel
FroM : el ManSoOorRa , Egypt , Agda3 Nas

طالب جامعي حاليا ..عاطــل مستقبلا

ana Meen ba2a ?

الخميس، مايو 10، 2007

ابــوه مــســـافـــر

لم اصدق نفسي وقتها ..
معقولة ؟؟
بقا انس يطلع كده ؟؟؟
قلتها وردتتها كثيرا ..
انس ؟؟
يا ربي
نبدأ الحكاية
بداية من هو انس ؟؟
انس احد زملائي في الكلية ..شاب طويل القامة عريض المنكبين شلولخ
شاب روش الى حد ما
في اول
السنة كان يجلس معي ويحكي لي معاناته مع والده
الاستاذ الجامعي بكلية الهندسة جامعة شبين الكوم في المنوفية
وكيف ان والده رجل شديد
وانه يضيق عليه الخناق كثيرا بسبب تطويله لشعره او طريقة لبسه او اشياء اخرى
لم اكن اتأثر كثيرا ..فابو انس كان كالاغلبية العظمى من الاباء
في المجتمع المصري
وكلنا نعرف ذلك
ولكنني استرجعت كلام انس وما حكاه لي عن والده
حينما حدث ما حدث منذ ثلاثة ايام ..
ثلاثة ايام فقط
..
منذ ثلاثة ايام جلست مع انس في كافتريا الكلية
لاتحدث اليه
قلت له ان الكارت الخاص بوالده والذي كان قد اعطاه لي في اول السنة قد
ضاع مني
واني اريد كارتا اخر
نظر الي نظرة غريبة وقال
: ايوة انتا عايز الكارت ليه يعني ؟؟
قلت له
: يا عم انتا اديتهوني في اول لسنة وضاع
وياريت فخامتك تتواضع وتتكرم وتنزل شوية من مستواك وتديني كارت تاني
ضحك انس ضحكة عالية
وقال لي
: معلش اصل والدي مسافر دلوقتي
وقبل ان اسأله الى اين سافر والده
باغتني ضاحكا
مسافر شوية لطره
ضحكت كثيرا ..فقد اعتقدت انه يمزح ..خصوصا وانه يقولها وهوا يضحك
فقلت له وانا اكاد اقع من طولي من شدة الضحك
: ليه هوا معتقل ولا ايه ؟؟
فوجدته يقول لي بطريقة سعيد صالح الشهيرة
اه .. هههههه معتقل اه ..ههههههههههههه
صدمت وقتها صدمة شديدة !!!
وقلت
ايه ده انتا بتتكلم جد ؟؟
جاء رده مباغتا
اه والله
لتقع الكلمة على قلبي كالصاعقة
فاقول له والذهول على وجهي
هوا والدك مين ؟؟
قال لي
الدكتور محمد عياد
سألته هل هوا من الاخوان
فاجاب
اه
يا الله ... والدك يا انس هو الدكتور محمد عياد ؟؟
..
[222.png]
..
احد كوادر الاخوان المسلمين في المنوفية والذي تم القاء القبض عليه يوم الاحد قبل الماضي
مع نائبي مجلس الشعب
رجب أبو زيد و صبري عامر
لا اله الا الله
احسست تجاه انس باحساس غريب
غريب جدا
يا الله يا انس
فك الله اسرك يا دكتور محمد
فك الله اسرك
انت وكل اخوانك المسلمين في سجون حسني مبارك
اللهم فك اسر كل معتقل بالباطل من اخواننا المسلمين
اللهم فك اسر اخي عبد المنعم محمود وسائر معتقلي الاخوان المسلمين
..
يا حرية فينك فينك
حسني مبارك بيننا وبينك

التسميات: ,

40 CoMMeNtS :

Blogger Amr Ahmed Said To Me :-

ربنا يفك اسره

واسر كل مصر

7:56 م  
Blogger قنديل في قلبي Said To Me :-

ما تزعلش يا عم عياد
الليل مهما طال برده هينآد
إنت واللي زيك هما الزاد والزواد
بكرة تخرج وتشوف الفرحة في عين البت والواد
ونكيد الأعادي ونشمت في الأوغاد

8:20 م  
Blogger khaled Said To Me :-

ربنا يفك اسره
وعادى يا على
انتا زعلت يعنى ان انس باباه اخوان



لا متزعلش

8:23 م  
Blogger hapasa Said To Me :-

أنا م الفرسان
متضامن مع الإخوان
أنا إخوان
معاهم ضد الشيطان
كلنا إخوان
ضد الظلم والطغيان
ضد القهر والعصيان
إحنا إخوان
عباد الرحمن
أنا نفر مسلم ... م الإسلام
مع أخويا عبد المنعم... القبطان
خلف القضبـــــــــــــــــــــــــان
ده مش زي ابن عامر سليمان
أنا إخوان
ومش هاكون تانى غفلان
ومش هاسكت على السجان
أنا إخوان
ومابقتش زي زمان
ولا هافضل علطول جبان
ولا هارضى بالهوان
أنا إخوان
اسمعنى لحسن يجيلك طرشان
احذر .... صرختى هاتوصل كل مكان
ده مكاننا بره القضبان
والسجان هو الخسران
أنا أخوان
أنا كسبان
أنا إخوان أنا إخوان وكلنا أعوان
ضد السجان... ضد السجان
ضد الشيطـــــــــــــــــــان
أنــــــــــــــا إخــــــــــــوان

9:43 م  
Blogger تسـنيم Said To Me :-

إن موعدهم الصبح.. اليس الصبح بقريب

12:29 ص  
Blogger reri Said To Me :-

يا رب فك أسرهم .. لا نملك لهم غير الدعاء

سلامي ليك

6:24 م  
Blogger واحدة بتحب البلد دي Said To Me :-

ربنا يفك اسر ابو انس واسر كل المعتقلين

ممممم

بس مقلتلناش
انت بتقول حسيت تجاه انس باحساس غريب
يعني فرحت
وللا زعلت
وللا حاجة تالتة
؟؟؟؟؟؟؟؟

في جميع الاحوال
دعواتنا لجميع المعتقلين ربنا يفك اسرهم ويرزقهم الصبر والثبات

6:54 ص  
Blogger حائر في دنيا الله Said To Me :-

اللهم فك أسر عياد ورفاقه المظلومين داخل سجونهم الضيقة، وفك أر مصر كلها من سجنها الكبير

مع تحياتي

11:28 ص  
Blogger BaTresYa Said To Me :-

لا حول ولا قوة الا بالله ..ربنا يفكـ أسره

6:21 م  
Blogger ادم المصري Said To Me :-

البوست في مجملة واضح وانت التزمت بخط معين في الحكي
.
.
بس عزرا حسيت في النهاية انك قلبت وخدت وجهه تانية في الكلام
وكانك في بلاد كفرة
بتعذب المسلمين وبتعتقلهم
.
.
يمكن يكون الاخوان المسلمين اكتر ناس اتعرضت للاعتقاللات لكن ما يديش اي حد فينا الحق انه يتحزب ويتكلم بلسان احد طوائف الشعب المصري
.
.
ارجو اني اكون فهمت غلط
.
.
لك تحياتي والسلام

9:10 م  
Blogger Mohamed A. Ghaffar Said To Me :-

كل ليل وله اخر

وان كان ضحك اخيك ضحك الصمود فتحياتى له

11:16 ص  
Blogger Ahmed AL-Hussany Said To Me :-

لا حول ولا قوة الا بالله
هم يضحك وهم يبكي
ربنا يفك اسره عن قريب باذن الله

8:08 ص  
Blogger يا مراكبي Said To Me :-

أن عجبني البوست كله ما عدا آخر جملة .. إنت شكلك كدة معارضة وألا إيه؟

2:02 م  
Blogger أخف دم Said To Me :-

ربنا يفك اسر الجميع يا رب .. وتتحل كل المعتقلات دى .. والناس تشوف حريتها عن قريب ان شاء الله

3:29 م  
Blogger صاحب البوابــة Said To Me :-

اللهم فك اسر كل المعتقلين

ادعو الله ان نتخلص من هؤلاء المستبدين قريباً

تحياتي اخي

4:39 م  
Blogger واحد من الناس Said To Me :-

ربنا يسطر عليك يا علي

7:59 م  
Anonymous غير معرف Said To Me :-

هوا كيلو الخيار بكام ؟

11:56 م  
Anonymous غير معرف Said To Me :-

طيب ادينى خيارارايا واحدة بس بعد اذن سيادتك

11:57 م  
Anonymous غير معرف Said To Me :-

بتسأل ليه مهو الحاج مبارك بيقول ان مفيش غير الخيار الاستراتيجى

11:57 م  
Anonymous غير معرف Said To Me :-

أزال أحد مشرفي المدونة هذا التعليق.

11:58 م  
Anonymous غير معرف Said To Me :-

أزال أحد مشرفي المدونة هذا التعليق.

11:59 م  
Anonymous كس امك Said To Me :-

أزال أحد مشرفي المدونة هذا التعليق.

12:00 ص  
Blogger واحـــد مـــــن الـنـــاس Said To Me :-

أزال المؤلف هذا التعليق.

4:39 م  
Blogger واحـــد مـــــن الـنـــاس Said To Me :-

Amr Ahmed

ياااااااااارب


منورنا يا عمورة

5:58 م  
Blogger واحـــد مـــــن الـنـــاس Said To Me :-

قنديل في قلبي

دايما منورني يا استاذنا والله
باشعارك الروعة وكلمتاها الجميلة

بجد بجد بفرح اوي لما بلاقي تعليقاتك عندي

منورني دايما يارب

5:59 م  
Blogger واحـــد مـــــن الـنـــاس Said To Me :-

khaled

ربنا يفك اسره يارب

ويمسكوك انتا

ساعتها هعمل فرح :)

6:00 م  
Blogger واحـــد مـــــن الـنـــاس Said To Me :-

hapasa

كلنا اخوان

وكلنا مسلمين

منورنا اخي العزيز

6:00 م  
Blogger واحـــد مـــــن الـنـــاس Said To Me :-

تسـنيم

بلى

ان الصبح بقريب...



انتي فين من زمان يا تسنيم ؟؟؟

6:01 م  
Blogger واحـــد مـــــن الـنـــاس Said To Me :-

reri

اللهم امين

منورانا يا ريري

6:02 م  
Blogger واحـــد مـــــن الـنـــاس Said To Me :-

واحدة بتحب البلد دي

والله انا اتفاجئت اوي اوي

وده احساس طغى عليا

وفضلت اكلم اصحابي واقولهم معقولة

بقا ابو انس يطلع كده ؟؟؟

مكنتش متخيل اني ممكن احتك باحد ابناء معتقلي الاخوان يعني

ده غير احاسيس تانية برضه

6:05 م  
Blogger واحـــد مـــــن الـنـــاس Said To Me :-

حائر في دنيا الله

اللهم امين

منورنا يا باشا والله

6:09 م  
Blogger واحـــد مـــــن الـنـــاس Said To Me :-

BaTresYa

يااااااااااااارب

نورتي البلوج يا وردة

6:10 م  
Blogger واحـــد مـــــن الـنـــاس Said To Me :-

ادم المصري

اخي العزيز ادم

صحيح مصر مش بلاد كفرة

بس بتعتقل الناس وبتعذبهم برضه


..

هوا انا امتى اتكلمت بلسان طائفة من طوائف الشعب المصري ؟؟؟

6:13 م  
Blogger واحـــد مـــــن الـنـــاس Said To Me :-

Mohamed A. Ghaffar

والله ضحكه كان ضحك كالبكاء

من الوضع اللي كلنا فيه

6:15 م  
Blogger واحـــد مـــــن الـنـــاس Said To Me :-

Ahmed AL-Hussany

اللهم امين

منورنا يا استاذ احمد والله

6:16 م  
Blogger واحـــد مـــــن الـنـــاس Said To Me :-

يا مراكبي

اه انا من القلة المندسة الحاقدة اللي بتهدم رموز مصر وتشوه سمعتها في ارجاء الدنيا

شفت بقا ؟

6:18 م  
Blogger واحـــد مـــــن الـنـــاس Said To Me :-

أخف دم

ان شاء الله


منورنا دايما يا استاذ اشرف

يا بلدياتنا يا اجدع ناس

6:23 م  
Blogger واحـــد مـــــن الـنـــاس Said To Me :-

صاحب البوابــة

اللهم امين

جزاك الله خيرا اخي الكريم

ويارب تنورنا علطول

6:29 م  
Blogger واحـــد مـــــن الـنـــاس Said To Me :-

واحد من الناس

ربنا يستر على البلد دي

اللي الواحد ميعرفش هيا رايحة فين

6:38 م  
Blogger واحـــد مـــــن الـنـــاس Said To Me :-

الاخ المجهول صاحب التعليقات المليانة شتايم


ليه كده بس

يابني اشتمني براحتك

ايميلي اهو

bloza4bloza@hotmail.com

او
ده

mr.a-l-i@hotmail.com

ابعتلي عليه واشتمني زي منتا عايز

مش هقولك حاجة

بس ليه تأذي الناس بشتيمتك ؟؟

6:40 م  

إرسال تعليق

<< Home