مفيش فايدة
المدونة مغلقة
متوقف عن التدوين لفترة لا يعلم مداها الا الله
وحسبي الله ونعم الوكيل
وانا لله وانا اليه راجعون
متوقف عن التدوين لفترة لا يعلم مداها الا الله
وحسبي الله ونعم الوكيل
وانا لله وانا اليه راجعون
التسميات: V . I . P
كــتــبــهــا واحـــد مـــــن الـنـــاس | 10:19 م
37 CoMMeNtS :
والله احسن على الاقل نستريح من البوستات المقرفة بتاعتك دى
ربنا ياخدك و ياخد امثالك
جاتكم القرف مليتو البلد
ليه ياعلي؟
هو انت فاكر ان المدونه دي بتاعتك عشان تقفلها, المدونه دي احنا (اللي بنقرألك) شركاتك فيها.
يعني هتسيبنا, طب مافكرتش ان ده هيضايقنا, والله انت نكدت عليا بجد, اكتب ياعلي, احنا مفيش في ايدينا حاجه غير اننا نكتب, نقوم نسيب دي كمان, أنا عارفه انك أكيد في حاله نفسيه وحشه, يمكن تكون شفت شريط الأسري, لكن تفتكر اننا لما نبطل كتابه منبقاش بنغلط في حقهم, وبنغدر بيهم احنا كمان, يعني هم ضيعو حقهم, احنا كمان نسكت ونضيعه؟
--------------
الأخ ولا الأخت Anonymous:
والله لو كتابات علي مش بتعجبك, ماتدخلش هنا ولا تقرأها, لأنه مش بيكتبها ليك, أنا برفض الرد علي أي كلام مستواه مش كويس, لكن علي مش هنا, ولازم حد يرد عنه لحد مايدخل ويقراه.
علي بيكتب للناس اللي بتحب البلد دي بجد, مش ليك, انت دخلت هنا غلط, وعلي فكره لو كنت شجاع كنت قلت انت مين؟
حرام عليك كده ياعلى
انا مثلا واحده بتقرالك وعامله لينك لمدونتك فى مدونتى ..من زمان..يمكن مفكرتش احط ردود لانى كنت بستمتع بكتاباتك جدا..يمكن كمان عشان كنت بحس ان اى تعليق يتحط ممكن يكون تشوية لبوست رائع انت كاتبه
على...انت بتكتبنا ..مش بتكتب على بس..انت واحد من الناس...بس مش زى كل الناس...ارجع للتدوين تانى ياعلى واملا الدنيا بصوتك وكلماتك
أختك
ست المرتفعات
بقولك أية
مش طالبة كأبة والنبى
قوم أغسل وشك وأستهدى بالله
وأنتحر :)
أقصد وارجع للمدونة
فكك من الخنقة والارف عشان الكل مخنوق وقرفان ومش معنى كدة اننا نقفل مدوناتنا ونقول
عشانا عليك يارب
صباح الخير
heya ih moodet sa2aqfel modawanaty de ya 3am?
lih kda manta btekteb kwayes
3muman lw 3ayez teraya7 raya7 laken te2fel leeh
akeed 3amalt as7ab kteer ml modawana w msh 3ayez te5sarhom!
يا جماعه علي اتقبض عليه
يا جماعة ...
علي عنده اكتئاب شديد قووي ..
مش هو بس ...
امبارح وانا معاه في السيبر كان كل اللي عنده علي الايميل عندهم حالة اكتئاب جماعي ...
وانا كمان عندي اكتئاب ...
مضايق من كل حاجة .. حولي
كرهت الكلية ..
كرهت كل حاجة ...
و حالة الاكتئاب الجماعي في تزايد مستمر .... بجد
ثلاثة اربع زمايلي في الكلية .. عندهم اكتئاب شديد قووي ..
لدرجة مش بيكلموا حد خالص ...
باين عليّ انا كمان هاعمل زي علي ..
و اقفل مدونتي
تصدق يا علي
أنا كمان لسه قايلة للناس اللي في المدونة عندي اني انا كمان بافكر أقفل المدونة
و البت اوسة مش باينه بقالها شهر
و توتة كمان هتقفل هيا كمان
و متفيش ولا بوست جديد عند عبدالله مفتاح
المدونين اتحسدوا و الا الحكومة حطتلنا حاجة في الماية اللي بنشربها؟؟
الموضوع عايز بحث
بص يا علي انا عندي فكرة تحاول تخرجنا من الإكتئاب
المدونين اللي في القاهرة دايما بيعملوا لقاءات مع بعض و يتجمعوا
يتهيألي حاجة ممكن تعمل جو حلو بينهم
انا أنتخبتك انت تنظم للمدونين أبناء الدلتا زيي و زيك و زي طنطاوي و شهروزة
و غيرهم لقاء في المنصورة
لأن في ناس كتير مابتقدرش تروح لقاءات القاهرة
ايه رأيك
رد عليا
دانا عاملاك الزعيم بتاع الموضوع
فرصة
ليه يابني كده
ارجع ياعم و بلاش اشتغالات بقي انا بحب اتصفح مدونتك وبوستاتك
استغفر الله العظيم
ليه بس كده يابنى دا انت حتى كاتب انا ادون ازن انا موجود وكدا ما ينفعش خلاص بقى مع انى حاسة انى ليا دور فى البوست الاخرانى
يللا بقى معلش
أنت لن تدون إذن أنت لست موجود..
اغلاق المدونة مش حل ومش هيغير حال البلد هو بس هيقفل شباك كنت بتتنفس منه
اعوذ بالله من الشيطان الرجيم
بسم الله الرحمن الرحيم
واذكر ربك اذا نسيت وقل عسى ان يهدينى ربى لأقرب من هذا رشدا
صدق الله العظيم
مفيش كلام يتقال ادعى ربنا يهديك من لدنه رحمة ورشدا هوارحم بيك من كل البشر
على فكرة هو يظهر موضوع اغلاق المدونات احساس عام منتشر واحنا مش أول من بدأ فيه
تلاحظ ان الشلة الملحدة على النت -اول مدونين تقريبا- قفلوها من زمان وريحوا دماغهم
وناس كتيرة برضة زي ما قالت سوسة مفيش عنهم حس ولا خبر
يكونش الموضوع كان هوجة بحاجة جديدة وفرحة بابتكار جديد جربناه كلنا ومننا اللى نجح ومننا اللى فشل ومننا اللى عايز يكمل ومننا اللى نجح بس اتخنق وعايز يجرب حاجة جديدة؟
بس معتقدش انك كدة
يا على انت موهبة ما شاء الله عليك
بس حاول تجيب جديد عشان متبقاش حاسس باحساس اللى رايح يصطاد وجاب سنارة ونزل الغماز فى البانيو فى بيتهم....مبيحسش بأى تعامل تحت المية
نفس الموضوع
هات جديد وانتج جديد تحس معاه انك بتعمل شىء لذيذ
ويجعله عامر
انتا ايه يابنى انا بحسب الحكومة هيا الللى دخلتعندك وقفلت المدونة ولا حاجة اكتئاب ايه يا عم ادخل ادخل واتكلم احنا وراانا حاجة غير الكتابة وزى ما سوسة بتقول تعالوا نجتمع والله وفكرة جميلة يلا ياض قوم شوف شغلك
علي :)
بطل تهريج شوية يا حبيب قلبي
أنس قاللي كلام غريب سمعه من محمد مسعد
زي ما الاباصيري بيقترح
انت اما عبيط او مجنون
يلا اعقل شوية
انا هكلمك ان شاء الله
انا عاوز انزل لك بكره اصلا
مش عارف
ربنا ييسر لك
ويهديك
على فكره
الدنيا كلها ما تستاهلش دمعة من عينيك والله يا علي
يا علي اعرف ان كل اما انت تطنش كل اما تفلح في حياتك
رزقك على الله
ومش هتاخد غير المكتوب
لو بتحب وحبيبتك سابتك .. يبقى هي ماتستاهلش حبك
لو خايف على مذاكرة
اللي اتكسر يتصلح
كل حاجه بتتصلح
سلامو يا حبيب قلبي
انا :)
عزيزي الغالى على
انا يمكن اول مرة اكتبلك كومنت
لكن اللى عاوز اقولهولك انى من قرائك المخلصين
لكن ماكنتش احب اكتب كومنت لإن مواضيعك هايلة وزي ما قالت ست المرتفعات
يمكن كمان عشان كنت بحس ان اى تعليق يتحط ممكن يكون تشوية لبوست رائع انت كاتبه
انا من النوعية اللى لما بتعلق لازم تضيف للموضوع ولازم اكتب كلام يكون فى نفس قوة البوست
غير كده ماقدرش اكتب واعلق
لإنى مش من هواة اثبات الحضور وخلاص
لا احب ابدا انى اكتب مثلا
الله ..بوست رائع ... موضوع جميل
وكده يعنى
شوف تعليقاتى فى المدونات التانية وانت تعرف انا اقصد ايه
ارجو انك تكون فهمتنى
ولما لقيت بوستك الاخير فى وشى اول اما دخلت المدونة
قلت لأ هتفضل سلبى لغاية امتى؟؟
احنا عاوزينك تكتب تانى
خالص تحياتى من قارئ متخفى
ودمتم جميعا بألف خير
ولد ياعلى .. الناس دول كلهم لو جونى عشان أقتل وزير كنت رحت قتلته اساسا .ز
يا بنى دا انت جالك امة لا إله إلا الله..
دا الناس ناقص يبوسوا إيديك يا راجل.
تعرف ليه؟ عشان فعلا انت بتكتب حلو والناس عايزة تقرالك..
قوم بقى وصحصح واكتب يا عم هيكل..
ربنا معاك.
يا عندليب ما تخافش من غنوتك
قول شكوتك واحكى على بلوتك
الغنوة مش حتموتك إنما
كتم الغنا هو اللى ح يموتك
عجبى !!
هاحاول اكتب كل اللى عندى
واللى عنده حاجة جديدة مش عندى يقولها
مع ان كل الخلق من أصل طين
وكلهم بينزلوا مغمضين
بعد الدقايق والشهور والسنين
تلاقى ناس أشرار وناس طيبين
عجبى !!!!!
سلام عليكم جميعا
ازيك يا اخ على
احنا معترضين بشده انك تبطل تدوين لان كل واحد يقدر يعمل حاجه لازم يعملهه وانت عارف هدفك وعارف طريقه توصيل ما تريد والحمد لله ناجحه الى حد كبير جدا
بجد هتكون خساره كبيره جدا لينا كلنا اننا منشوفش تدوينك ولا نستفيد من كلامك وافكارك لان المدونات دى من اهم الحاجات الى بجد بترتقى بعقول ناس كتير
وبجد عايزه اقولك ان على ايدك وعلى ايد مدونين لا يقلو عنك تميز عقلى وتفكيرى بيتغير مره عن مره للاحسن وبستفيد جدا جدا منكم وبجد مفيش زيكم كتير ومش معقول الكويسين الى زيكم يسيبو الكلام المفيد ويبطلو يءيدونو ويسيبو التفاهه تنتشر بمفردهه
لو انت قلقان من موضوع الاعتقالات والكلام دا ممكن تحاول تكتب بحريه فى حدود المسموح بها والى عقلك مقتنع بيهه
بس متتركش التدوين لان احبابك الى تم اعتقالهم او اتقبض عليهم ليهم حق عليك وواجب عليك ان تقف جنبهم بطريقه او اخرى
بصراحه انا ماعتقدش ابدا انك من ضمن الى بيقلق من موضوع الاعتقالات والقبض والكلام دا طول مانت مقتنع بالى بتعمله ومؤمن بيهولازم تعرف ان الى ربنا كتبهولك هيحصلك
"قل لن يصيبنا الا ما كتبه الله لنا"
ويارب يكون قرارك دا مؤقت وتقصد بيه انك هتنقطع عن الكتابه فتره للراحه وهترجع تانى لاننا بجد هنخسر كتير واعتقد انك انت كمان هتخسر وجودك وحريتك
اسفه على الاطاله ومستنين التدوين فى اقرب وقت
ليه يا ابني بس ايه الي مضايقك كده
يعني مش كفايه هتبقي عاطل مستقبلا لا وكمان معندكش بلوج
:)
مستنينك قريب
تحياتي
إنت رابع واحد اليومين يقفل .. فيه إيه يا إخواننا؟ إحنا إتحسدنا وألا إيه؟
وبعدين كلامك كدة أنا شامم فيه ريحة إجبار .. أرجوا إن مايكونش إحساسي صحيح
أزال المؤلف هذا التعليق.
ياريت نعرف السبب
يمكن فيه طحل لمشكلتك
وياريت تقابلني عالمسنجر
وربنا يرجعك بالسلامه
http://1minelnas.blogspot.com
يا واحد من الناس
يا أبو قلب حساس
ما تزعلش خلاص
وهات إيدك نحارب كل خناس
وإزرع الأمل والإخلاص
ونور شمعة في قلوب الناس
مش إنت بردو واحد من الناس
واحد شاي للمعلم على ياض ....يا عم روق .....انا باحسبك هتموت وللا حاجة....يا له الدلع ده للستات ..والستات فقط ..اجمد أمال ..كمان واحد شاي للمعلم علي ياض ....يللا روق خلاص ...وانا بقول علي ده الشديد الجامد ..الله يكسفك ..تالت شاي للمعلم علي ياض
تلاتة جنيه بقى يا معلم تمن المشاريب
يا جماعة أكيد على يا اما اتجنن
او اتهبل او جايز زهق و بياخد فترة
نقاهة
المهم سيبوه على راحته
او جايز بيستهبل بقى
ما علينا
ليه يا علي واللهواحشني بس انشا الله أزمه وهتعدي انشاء الله وربنا يحرق كل المنافقين يا رب
أنشالله المانع خير
آمل متابعة موضوع الأقصى علي مدونتي
توجد أخبار سعيدة
أشكرك
الى الأنونيموس الأول
و لما انت مش عاجبك البوستات بتاعته
طيب بتدخل هنا ليه
صدقنى يا على قفل المدونه مش هو الحل الأمثل
فكر فى هدوء
و ان شاء الله ترجع قريب
تحياتى
السلام عليكم ليه ياعلى هتوحشنا
كفر الشيخ وخدانا منك ولا ايهمشاغبي
ارجع اكتب تاني يا مان
بالله عليك اكتب تاني
يبني هو ده الي هما عايزينه - اكتب عشان اللي ما يسوى يتفرس و اللي يسوى يسعد و يفرح
فيه ألف فايدة
سلااااام من ماناساس البلد
بلاش يأس
ana bst2znak enny ha7ot commet men 3andak 3andy fe post 3an el commentat ya rab dh maykonsh ydy2ak
http://al-ghareeb.blogspot.com/2007/03/blog-post_1866.html
-------------
لنضع من هنا التصاميم التي نعبر بها عن رفضنا للتعديلات الدستورية
شاركونا
...>دعوه الي كل مصري حقيقي<
سيكون الاستفتاء علي التعديلات الدستوري يوم الاثنين الموافق 26-3-2007 والباب مفتوح من الساعه الساعه السابعه صباحا الي السابعه او السادسه مساء وسيكون الاستفتاء بالبطاقه الشخصيه اذا كان في الشخص سيذهب لدائرته اما اذا كان المواطن يريد ان يذهب للاستفتاء في مكان أخر فهذا يتطلب البطاقه الانتخابيه ..يا جماعه يالا نروح يالا خليهم يسمعوا صوتنا ..المقاطعه معني السلبيه هنروح ونقول لأ كلنا ..هتروح؟
ليه كده يا على يعنى لما انت تقفلها هتسيبها للاشكال الغريبة اللى داخلة تهجص وملهاش فى اى حاجة مينفعش .. راجع نفسك يا على ارجوك وانا مستنيك وعارف انك راجع ان شاء الله ..
:] اخوك اسلام
taib matgrb tktb sh3r ya ali
إرسال تعليق
<< Home