هبل في الجبل
ياااه
ايام غريبة وعجيبة يا ناس
فاكرين ايام زمان ؟؟
ايام سعد زغلول باشا عرابي ؟؟
ياااااه
كانت ايام
فاكرين لما انا كنت واقف في الصف الاول في المظاهرة
كنت بالامارة ماسك الحمارة بتاعة احمد عرابي
وبقول معاه
لقد ولدتنا امهاتنا احرارا
..
المهم
امبارح بلليل في ساعة تجلي وانا قاعد كده قلت اا اطلع فوق السطح اشم هوا
طلعت
وملقتش هوا اشمه فقلت اما اروح ادور على هوا كده
لسه جاي ادور على هوا
ابص الاقي الدنيا اتقلبت .والحتة منورة عالاخر
وفي جسم فضائي غريب نازل من السما ووقف فوق سطح بيتنا بييجي عشرة متر
وعمل شعاع على الارض
وقام نازل من الشعاع ده كائن فسفطائي لونه فحلقي له عينين وزمارتين
ولقيته جاي عليا وانا مرعوب وبيقول لي
: تيرا تيرا توم توم بطيخة بطيخة
قلت الراجل نفسه في بطيخ ولا ايه
لقيته قلب فجأة
وبيقولي :
اوه ..انتا تتكلم العربية يا سيدي
لم اكن اعرف ذلك
رديت عليه وقلتله عربية مين يا حج
انتا مين وعايز ايه
المهمة
الكائن ده نزل معايا للشقة وعزمته على واحد شاي
وحكالي انه كان تايه في فضاء المجرة بالطبق الطائر بتاعه
وانه قرر ينزل يمون من كوكب الارض
وجه على البلد الغريبة دي
قالي البلد دي اسمها ايه
قلتله مصر
قالي بس بلد جامدة
وقعد يحكيلي انه من مجرة شنخفانوزنوز
وان ازاي هما متقديمن عننا
((طبعا ))
وهناك بيدهنو الهوا دوكو ..ويخرمو النص جنيه
المهم قلتله
يا عم الحج متيجي نطلع تاني للسطح
واحنا طالعين عالسلم
ابص الاقي قط كبير بيجري ورا فار صغير
والكائن الفضائي اتجنن وجرى وراهم
وجريت وراهم انا كمان بالمرة
نزلنا الشارع
الاقيلك مظاهرة ماشية في الشارع
: يسقط الاستقلال
تحيا بريطانيا العظمى
يا سعد دوس دوس ..احنا معاك من غير فلوس
والعساكر المصريين بيضربو المظاهرة بالنار
والناس جريت من اول رصاصة
انا قلت اما افلسع يا عم الحج
جريت على عربية جاكوار في الشارع فتحتها وركبتها
ومشيت بسرعة 300
وانا على طريق اسكندرية وقفني الكمين
والعسكري بيقلي رخصك يا بيه
انا طبا ممعايش رخص
نزلت من العربية ومسكت الرشاش بتاعي
ونزلت ضرب نار في كل الكمين
كلهم ماتو من اول ثانيتين
اول عسكري جيت اضربه رصاصة في كتفه اليمين
قام مسك كتفه الشمال وقال
اااااااايييييي
وقام واقع ميت
طبعا جريت من الكمين
والعسكري رجع صحى تاني بقوة العصاية السحرية
وقام يجري ورايا
.وانا اجري
وهوا يجري
.وانا اجري
وهوا يجري
وهوا يجري
اووووووووبس
فجاة اتكعبل على وشي واقع
والعسكري يكاد يقترب مني
قمت اتقلبت وانا على الارض
وبصيت للعسكري وهوا بيجري عليا وهوا ماسك عمود النور في ايده
وجاي باقصى قوته على نافوخي
اووبس
غمضت عينيا
طاااااااخ
الله يرحمك يا علي
انا قلت خلاص مت
فتحت عينيا
ابص الاقي سوبر مان البطل جه وانقذني في اخر لحظة
هوا كان بيصيف في الساحل الشمالي
وشافني لما كان بيتفسح مع مراته السوبر مانة فوق السحاب
المهم قمت اشكر السوبر مان
ولسه جاي امدله ايدي
لقيته قام طاير وطلع يتخانق مع الرجل الاخضر فوق العمارة
قلت اما اخلع انا بقا
بمشي بمشي بمشي
الاقي حاجات بتمشي على رجلي
ابص عليها
!!!
ايه ده
مش معقول
هوا انتو
..
..
الاقي بينكي وبرين كانو تايهين في الصحرا وما صدقو لقوني
بينكي وبرين يا جماعة بتوع الكارتون
برين قالي
كيف حالك يا علي ؟
قلتله الحمد لله
انتا جاس تعمل ايه في مصر يا معلم ؟؟
قالي
مثل كل مرة ..احاول السيطرة على العالم
قلتله يا عم روح نام
انتا جاي مصر عشان تسيطر على العالم
انتا اخرك تسيطر على صوابعك
فبص لبينكي وقاله ايه
...
هل تفكر فيما افكر فيه يا بنكي ؟؟
بينكي رد عليه وقاله
نعم اظن ذلك .. هل تريدني ان احضر لك السكاكر ؟؟
برين ولع وشد في شعر شنب
: هل انت احمق يا بينكي .
قمت داخل في الحوار
وقتله
ايه يا عم بينكي مالك
سكاكر ايه يا عم
شوية وتقولي هل اديت فروضك المنزلية
لقيتهم الاتنين بيبصولي نظرة لولبية
وفجأة خدو الشمسية وطارو
ليييييه بقا
اتاري طائر الرخ كان بيحلق فووووق
وشافنا
وحط عينه عليا بقا
ونزل عليا هوووووووب
وخطفني بين رجليه
وقايم طاير طاير طاير
لحد ما وصل للبنان
ووقعني في بحيرة كبيرة
طلعت منها ونشفت هدومي
ومشيت في لبنان وقابلت اسماعيل ياسين
وقعدت اهزر معاه شوية
شوية والاقي مين داخل علينا
لا وايه ياريته داخل عادي
لاااا
داخل يجعر ويقولك انا جعاااااااااااان
عايز ااااااااااااااكل
اسماعيل ياسين هداه شوية وقاله خلاص يا اسلام اهدى الاكل جاي اهو
التليفون رن
اسماعيل يسين رد لقا مين يا خواتي ؟؟
ميمو قعدت تصوتله في التلفون
وقالتله العيال بتوع هندسة مطلعين عيني
ويخربيت المهندسن على اللي عايزين يتهندسو
فجأة سمعنا صويت في الشارع
قال ايه
عبد الرحمن عياش بيتخانق مع سواق تاكسي رخم
عبدو بيقوله هما سبع تلاف جنيه بس
والسواق عايز 9 تلاف
المهم وحنا بنبص عالخناقة باب الاوضة اتفتح
ونلاقي مين داخل ...واد صغنن كده عامل دوشة وبنت بتجري ورااه
وبتقول الواد ده هيجنني ..هيجنني اتاريها الحجة اروى الطويل
فجأة لقينا البيت بيتهز والناس بتصوت وتقول البيت هيقع
قمت نازل جري واخد الميكروباص لبيتنا
الميكروباص كان مشغل اغنية الخيار
قالو المانجة والاناناس
مالو الفجل مالو القلقاس ؟؟
والعنب بقا فايف ستار
طب انا بقا هغني الخيار
الخيار الخيار الخيار
اخضر...سلطة ...مخلل
المهم ببص للراجل اللي قاعد جنبي
اتاريه مييييييييين ؟؟
عمنا عماد بعرور
قالي يا علي يابني
ايوة قالي كده
قالي يا علي يابني خد الكيس ده ووصله لعمك الحج السيد الاهبل اللي ساكن قدامكم
طبعا عشان انا شرير
قمت اخدت الكيس لنفسي
وبصيت فيه
الاقي صرة من الدراهم والدنانير
خدتهم واشتريت بيهم عربية
وركبتها ورحت امتحن فيها
اسيبكم بقا عشان ورايا امتحانات
التسميات: حلاوتك يا ابيض, هبل في الجبل
كــتــبــهــا واحـــد مـــــن الـنـــاس | 11:38 م
64 CoMMeNtS :
أزال المؤلف هذا التعليق.
كان قلبى حاسس و ربنا
مفيش غيرها
ربنا يسلمك و يفك زنقتك فى اللجنه
أزال المؤلف هذا التعليق.
وفجأه رحت صاحى من النوم
ابقى اتغطى كويس وانت نايم:)))))))
النوم فى ليالى الامتحان كلها كوابيس
ربنا يوفقك يا سيدى
:D
يخرب بيت التهييس
أنا هاجبلك البوليس
هاقوله إلحق ابن رمسيس
ده قلعنا بلابيص
وهرانا سبت وخميس
وأكلنا عيش وسريس
وكمان موتنا فطيس
وفتح علينا الهويس
يارب ألطف بالملاحيس
ما تجمعني معاهم لا في مركب ولا قطر ولا أتوبيس
هههههههههههههههههههه
التهييس عالي جدا
ده أكيد تخاريف من أثر الإمتحانات ربنا معاك
بس إبقي إتغطي كويس وإنت نايم باليل
خاصة ليلة الإمتحان
سلاماااااااااااااات
ربنا معاك
طب بزمتك مين فينا اللي اتهبل انا برضه ؟؟؟
اتقي ربنا ...وبعدين في حاجه اسمها سوبر مانة اسمها سوبرومنة يا علي روح اتعلم انجليزي كويس هتفضحنا قدام الاجانب
ربنا يكملك بعقلك كمان وكمان
فيماعدا كدا القصة معقولة والواحد يصدقها
وحلوة العربية الجاجوار ...جاجوار ومن أيام سعد كمان ..رحمتك يارب ان لونها كان ايه ..؟؟ معلش فضول :D
اثر الإمتحانات واضح
ربنا معاك
والللللللف الللللللف مبروك
وعقبال عندكم
اعذرو الاخ المواطن علي
وكل الاخوة المواطنين اللي بيمتحنوا
هو قلبت معاه كائنات فضائية
انا قلبت معايا مانجة
عادي يعني نشيل بعض
وهنيالك يا فاعل الخير
دعوة قليلة
تنجح طلبة كتيرة
اهئ اهئ
انا هاسامحك بس علشان الامتحانات
يا بتاع الكائنات الفاضئية
قلتلك مليون مرة تغير الصنف دا يا على
ما هو مش هينفع كدا
الحاجة الوحيدة اللى انا مش مسدقها انك قابلت بينكى وبرين
سلمتلى عليهم يا على
انا محمود الرخم يا على
إيه ده كله؟ أنا هأروح أعلق في البوست اللي قبليه أحسن لي .. أنا توهت هنا
لا حول ولا قوة الاه بالله
الواد علي مخه اتلحس خلاص
تصدق انا قريت البوست كله علشان اعرف اخرته ايه
ويارت ما قريته
بس قولي بامانه هو كان نوعه ايه واسمه ايه المزاك اللي عمل الدماخ دي
ربنا معاك
تحياتي
اه بالحق ابقى اتغطى يا علي وانت نايم
ايه التهييس الحامد دا
لا بجد حاجات غريبة مالهاش علاقة ببعضها بس حلوة
بجد حلوة
هو ميت بيلعب مع ميت مش طارق السعيد راح الاهلى ازاى بيلعب مع طنطا فى مطش اعتزال توفيق الدقن
هههههههههههههههههه
المهم ايه موقف القط والفار
أزال أحد مشرفي المدونة هذا التعليق.
Esmeralda
ياااااااااااارب
وادعيلي كمان ان ربنا يحنن قلب المراقب عليا
منورانا
ربنا يشفى يا عم على ويوفقك فى امتحاناتك قادر يا كريم
أنا كنت حاسس إن أخرته كده ....
الكابتين ده من يوم ما بدا يكلم نفسه ويمشي وهو نايم .... ويرمي ميه علي الناس اللي ماشية في الشارع من فوق ...
قلت حيجري له كده ...!
وياسلام لما يقعد يرمي قشر اللب علي عمو حسين الأصلع ويغني عليه ....
ربنا معاك ياعم الحاج ... بس مش عارف ده يلاقوا له دوا فن ده يا إخواتي .....
برضه مش حاسكت
http://mesh7askot.blogspot.com
ياتهييسك يا علوه هيا ضربط ولا ايه يلا؟
ايه التهييس دا كله هي الامتحانات بتعمل حاجات اه بس اكيد مش للدرجة الفظيعة دي لا حول ولا قوة الا بالله ربنا معاك وتخلص بسرعة
هى الامتحانات انا عارفه
بس انت بطل mbc3
والسمك والكشرى
وهتبقا كويس ان شاء الله
ربنا يوفقك فى الامتخانات
هههههههه
تهييييس عالي عالي
تحياتي
وابقي نورنا
ههههههههههههههههههههه
يا اخى ابقى اتغطى كويس وانت نايم :D:D:D:D
كل دا من تأثير الامتحانات
الله يكون فى عونك يابنى
هههههههههههههههههه
اعرف ناس كانوا كده ودلوقتي الحمد لله صحتهم كويسة وزي الفل
هيه الامتحانات بتعمل في الناس كده واكتر
ربنا يعين الجميع
حصل خير
دنيا
آه آه آه
كرسى يابنى وكوبايه ميه قبل ما أسورق منك بقالى ساعه بجرى معاك فى البوست الغريب ده
ربنا معاك بس الناس ذنبها ايه. يالا ياواحد ياأخويا ما احنا مقدرناش على البتاع فبنتشطر على البتاع تفائل كده وفى انتظارك ومرسى على زيارتك اللطيفه ياريت تتكرر:))
انا برضو قابلت مخلوق خرافى بشنب قاللى تيجي نعمل بطيخه فقلتله لييييه هو إنت فاكرنى سمكه وضربنى بالبلكونه ومشى
انت شايف نفسك دلوقتى كام من الناس؟؟؟
ايه ده يا واد
اول مره ازورك الاقى البهدله دى كلها يخرببيتك ربنا يعدى الامتحانات على خير يا على
وسلمللى على المنصوره عشان وحشانى اصل انا اسكندرانيه الاب والمولد والنشأه بس الغاليه ماما من مواطنى مملكه المنصوره وانا باحب المنصوره اوى اوى السلام امانه
تحياتى
السلام عليكم
انا صراحة ماليش فى المدونات واول مره ادخل على مدونة
بجد المدونة جميله قوي
عجبنى قوي التصميم كمان
لانى مهتم بالمجال ده
أخوكم محمد ابو العلا
مدير مجموعة قرآني البريديه
http://groups.yahoo.com/group/Qurany/
REEMOO
أنتي هتقوليلي على كوابيس ليلة الامتحان
دنا بشوف شوية كوابيس ما يعلم بيها الا ربنا
مراقب عنده قرنين كبار وديل كبير وبيقول على نفسه انه ابليس الخبيث
والدكتور بقا ديكتاتور
وبلاوي زرقة
منه لله اللي كان السبب
منورانا يا ريمو
قنديل
شفت بقا اللي بتعمله الامتحانات في البني ادم يا قنديل يا خويااا
اهئ اهئ اهئ
الحمد لله خلصنا خلاااااااص
reri
بصي يا ريري
انا والله بتغطى كويس ليلة الامتحان
المشكلة اني بصحى
الاقي البطانية مش موجودة
والله العظيم بجد
اموت واعرف مين بيشيلها من عليا وانا نايم
عرفتي بقا انا بهيس ليه
أروي الطويل
بصي
اولا العربية الجاجوار كان لونها فحلقي
على اشكن
يعني شوية من دا على شوية من دا
وبعدين انتي جاية تعلمينا انجليزي ولا اييييه
دنا يا بنتي الدكاترة نفسهم بتوع الانجليزي بييجي يتعلمو مني
سوبر مانة يعني سوبر مانة
ممكن نقول سوبر وومنة لكن ده في الفعل المذكر السالم الانجليزي
لكن في الوقت الطبيعي نقول سوبر مانة
انصحك تاخدي كورسات انجلش في الاجازة
واحد من الناس
طارق باشا منورنا والله
وبعدين اذا مكنتش الامتحانات اللي هتعمل كده في الواحد
امال ايه اللي هيعمل كده ؟
Amr Ahmed
يعني كنت هتضربني يعني
ياباشا والله الامتحانات اكبر عقاب من الحكومة للطلاب
تلاقي الواد ماشي واكل فول ومش شايف قدامه وعمال يخبط في الناس ويكلم نفسه
تسأل الواد ده اتهبل ولا ايه
يقولولك لا
اصل عنده امتحانات
حاجة تفقع
احنا وهما
انتا بتكذبني ومش مصدق اني قابلت بينيك وبرين ؟؟
اه يا خاين يا جاسوس يا عميل
اخص علييييييييك
عموما انا لسه متصل ببرين دلوقتي ووحيته عليك وقالي انه هيشوف شغله
واما نشوووووووووووف
يا مراكبي
ااااااااااه
هتروح تعلق في البووووووست اللي قبله
طيب انا هجري وراك هناك وارد عليييييك
اشطااااااااااا
Ahmed AL-Hussany
عايز تعرف الصنف اللي عملي الدماغ ده كلو ؟؟
اقولك ومتقولش لحد
امانة عليك
بص يا سيدي
انا اول ما روحت البيت
قلعت الجزمة
وشميت الشراب
وبعدين قعدت اكتب البوست ده
وحصل اللي حصل بقا
سجدة
ربنا يخلييكي يارب
دي حاجة قليلة من التهييس اللي حصل في الواقع
اي والله
mohamed
لا لا مصدقش
اساسا عادل امام عمره ما قرر انه يروح سوهاج
انتا عارف ليه ؟؟
طب ليه بيداري كده ؟؟؟
عشان مشيت ورا احساسي
أخف دم
اللهم امين
دعواتكم معانا يا اخواننا
تعاطفك لوحده مش كفاية
اتبرع ولول بجنيه
محمد السيد
شفت بقا
طيب منصحتنيش ليه لما انتا عارف ان اخرتي كده
اخص عليك يا محمد يا وحش
هوريلك شغلك لما اشوفك عالماسينجر
khaled
هيا ضربت بس يا خالد ؟؟
دي ضربت واتضربت واتسلخت كمان
ربنا يكون في عوننا
smraa alnil
موقفهم موقف اسكندرية ان شاء الله
مش بقولك المخلوق الفضائي جره وراهم لحد الموقف وبعدين اخد لشمسية وطار ؟؟
shirry
دي الدعوات ولا بلاش
الحمد لله خلصت والتهييس راح
وبدأت الاجازة وهنعيييييييش
وايييييييييييييه
semsem
والله مفيش احلى من mbc 3
والله كنت بفكر اقدم مذيع فيها
في المسابقة الاخيرة اللي كانو عاملينها
والله كنت هنجح والله
دنا من عشاق القناة دي
ibn nasser - ابن ناصر
ياباشا احان اللي ابتدعنا التهييس والله
اومال مين يعني
منورنا والله
وزيارتك بفرح بيها جدا والله ياباشا
يارب تنورنا علطول
رينـــــــــــا
ربنا يكون في عون كل طلاب مصر
و
وكل الغلابة بتوع ثانوي اللي ربنا ابتلاهم والامتحانات لحد شهر 8
ربنا يكون في عونهم بجد
واحدة بتحب البلد دي
ياااااااااارب
والله الامتحانات بتعمل اكتر من كده ميت مرة
تقولي ايه بقا في وزارة التربية والتعليم ووزارة التعليم العالي
اللي خلت كل الطلبة مزاجهم عالي
زيي كده
copa
منتا يا خويا متنيل على عينك في الامتحانات
ربنا يكون في عونك انتا كمان
واحدة من الناس
والله يا واحدة يا احتي اللي بحصل للواحد ده غصب عنه
اذا مكنش هيحصلنا كده هيحصل لمين ؟؟؟
انا اللي اتشرفت بزيارتك والله
مجهول
سبحااااااان الله
انا مصدقك والله
اصل المخلوق الفضائي
ده جالي وقالي ان ده حصل فعلا
فين بقا العشرة جنيه اللي قالك توصلها لعلي ؟
الجاهل
99.9
طبعا
اومال ايه
مش انا ريس المهيسين ؟
Nsreen Bsunee
والله ربنا يكرمك يارب
بإذن الله سلامنك يوصل للمنصورة واحد واحد :)
منورانا والله يا نسرين
Mohammed Aboul-Ela
اخي الكريم محمد
كل سنة وانتا طيب
منورنا والله
على فكرة التصميم ده اقل حاجة عندي :)
شايف التواضع ؟؟
لا بجد
الايام الجاية هشتوف نيولوك جديد اجمد من ده ان شاء الله
أنا بحييك اخى على المدونه الجميله دى
انا طول ما ابقراها مش قادر امسك نفسى من الضحك
ربنا يجازيك
على العموم تحياتى لك
رووووووووووووعة جميلة ماشاء الله
أحييك على خيالك الخصب
هههههههههههههههههههههههه
انا مطلعتش متابعك اوي يا عم علي
ايه دي
:D و اسمي مكتوب كمان
ده انا بتظبط و انا مش حاسس
:D بس بجد روعة يا علي
جميلة اوي بجد
سلاام
hahahahahahahahahahaha 2enta wadddddddddd gabarrrrr el dema3 el 3alya 3alya ya mannn rabena yewafa2ak
اييييه يا عم ده كله ؟؟؟؟؟؟؟
دي ولا مغامرات السندباد البحري
كل ده تجيبه الامتحانات الله ياخدها هي و الي بيكتبوها
ربنا معاك و مع جميع الطلبة المطحونين
انت بتبضن يا باشا صح
مشكوررررررررررررررررر
إرسال تعليق
<< Home