الاقصى نادى والندى غالي ...ويهون عشانه العمر لو غالي
وَاحِـــدْ مـِــنْ الـــنــَــــاسْ: مــشـــاهـــد
ايوة انا  .. في حاجة يا عماد ؟
NaMe : Ali Adel
FroM : el ManSoOorRa , Egypt , Agda3 Nas

طالب جامعي حاليا ..عاطــل مستقبلا

ana Meen ba2a ?

الجمعة، مايو 18، 2007

مــشـــاهـــد

مشهد
(1)
الساعة الثالثة ليلا
رجل قصير القامة ..رث الثياب .. يسير هائما على وجهه
وهو يهذي بعبارات غير مفهومة
ويمر بجانب سيارة فخمة جدا
زجاجها مغطى بطبقة من الفوميه الذي لا يمٍكن من بخارج السيارة ان يرى ما بداخلها
ينظر الى السيارة نظرة فاحصة .. ثم يعاود سيره في الطريق مرة اخرى
..
مشهد
(2)
الساعة الواحدة ظهرا
فتاة عائدة من جامعتها ..تحمل كراستها في يدها وتعبر الشارع
تفاجأ بطفل صغير لا يتجاوز السادسة من العمر
ثيابه مقطعة ووجهه اشعث اغبر وشعره مجعد ملئ بالتراب
يتحرش بها ويسبها بالفاظ نابية
..تقف الفتاة مذهولة في وسط الطريق
فهذا الطفل لم يصل بعد الى سن البلوغ
فما الذي يدفعه الى التحرش بها ؟؟
..
تفيق الفتاة من ذهولها وهي ترى العشرات من اشباه هذا الطفل
يفعلون نفس الفعلة مع معظم الفتيات اللاتي يسِرن في الشارع
ويعود ذهولها من جديد
وهي لا ترى اي ردة فعل من الناس الذين يسيرون في هذا الشارع
..
مشهد
(3)
فوق اسطح احد المنازل
الساعة الثانية ليلا
..
مجموعة من الشباب المراهق .. اكبرهم في الصف الثالث الثانوي
يحضر احدهم جهاز الكمبيوتر الخاص به من شقته التي تقع في الدور الثاني
ويشغل الجهاز ويعرض فيلما اباحيا
ثم يجلس الشباب لمشاهدته وهم يشربون الحشيش
..
مشهد
(4)
الساعة الرابعة عصرا
في احد الاسواق الشعبية
مشاجرة حامية بين احد البائعين واحد سكان المنطقة
..
احد البائعين وهو شاب طويل القامة عريض الجسم يحمل كرسي من الخشب
ويضرب به احد المتشاجرين من سكان المنطقة الذي يقع مغشيا عليه
بعد دقيقتين
يأتي احد شباب المنطقة وفي احدى يديه سكين كبير الحجم
وفي الاخرى يحمل شومة ضخمة
ويهرول وراء الشاب الذي ضرب الرجل بالكرسي
ويطعنه بالسكين ليسقط الشاب غارقا في دمائه
ويفارق الحياة
المشكلة .. ان ذلك حدث رغم وقوف حوالي مئة شخص يشاهدون ما يحدث ببرود تام
...
مشهد
(5)
الساعة الخامسة فجرا
شاب ملتحي ..مقصر الثوب
يمشي في الشارع عائدا الى بيته بعد صلاة الفجر
سيارة مسرعة يقودها شاب في مثل سنه تمر بجانبه
يقف الشاب الملتحي لينظر اليها نظرة فاحصة
ثم يعاود سيره من جديد
________________
****
مشاهد حقيقية

التسميات:

53 CoMMeNtS :

Blogger Esmeralda Said To Me :-

موضوع البنت : ده للاسف بقي عادى و الحمد لله ان جت على الكلام بس

الشاب الملتحى اللى بيصلى الفجر ليه لازم مقصر الثوب و ليه اصلا ملتحى ؟؟؟
المفروض كنت تاخد بالك من شاب مظهره عادى

الخناقه : اللامبالاااااااااااااه يا عزيزى
الشباب اللى بيحشش : عرفت ازاى ؟؟:)

ممكن طلب صغنن
ممكن اللينك بتاع باسمك نحيا
شكرا بعنف :)

6:31 م  
Blogger واحـــد مـــــن الـنـــاس Said To Me :-

موضوع البنت :

والله ما كان كلام
ده كان في حركات
بالايد

بس قوليلي دي احكيها ازاي !!!


------------

الشاب الملتحى اللى بيصلى الفجر ليه لازم مقصر الثوب و ليه اصلا ملتحى ؟؟؟

..

عشان الشاب اللي انا شفته بيعمل الموقف ده كان ملتحي وكان مقصر الثوب

بس

.............

الخناقه

انا مبقتش مصدق ان الشعب المصري وصلت حالته للدرجة دي

...........

الشباب اللى بيحشش

شفتهم بعينيا اللي هياكلهم الدود

............

لينك الاغنية

من عينيا دي والله

http://mozo.islamheart.com/music/amr-khaled-besmak-nahya.ra



اشطة ؟؟

6:38 م  
Blogger واحـــد مـــــن الـنـــاس Said To Me :-

لينك للاغنية فيديو كليب

http://www.youtube.com/watch?v=zWNQokmNmw4

اشطة ؟؟

6:47 م  
Blogger صاحب البوابــة Said To Me :-

الاخوة الكرام لأن دورنا هو إظهار الحقيقة وتوعية الناس بها , ولأن ما علمته عن ذلك المجاهد يمثل قيمة عظمى المفترض أن نفتخر بها ونكرمها , لا أن نعتقلها ونسجنها , فإني أطلب منكم رجاءاً أن تساعدونا في بدء حملة الافراج عن شيخ المجاهدين السيد / أبو الفتوح شوشة , المعتقل منذ حوالي 20 يوماً , ويعاني وضعاً صحياً سيئاً داخل محبسه نظراً لكبر سنه البالغ 80 عاماً , وتتمثل الحملة في نشر البوست الجاهز المتفق عليه بدءاً من يوم الجمعة الموافق 19/5/2007 والنشر سيستمر لمدة اسبوع ( مما يعنى أنه اذا لم يستطيع أحد المدونين النشر يوم الجمعه فهو يستطيع النشر لمدة اسبوع كامل ) , كما تشمل الحملة تثبيت صور شيخ المجاهدين في جميع المدونات المشاركة ( تأخذ الصور حفظ بإسم , أو عبر رابط عنوان رفعها على الانترنت ) , مع توسيع نطاق الحملة لتشمل كافة المدونات التي نستطيع الوصول اليها .. وجزاكم الله خيراً ...


البوســـت بعنوان

أن تكون أبو الفـتــــــــوح شوشــــة


حملة الإفراج عن شيخ المجـاهدين

في ظل تلك الهجمة الشرسة التي يتعرض لها كل وطني حر شريف , تتعدى تلك الهجمة هذه المرة خطوطها الحمراء , وتتمادى في غيها المنهجي , لتصطدم برمز من رموز العزة والكرامة في مصرنا الحبيبة , إنه شيخ المجاهدين الذي يربو عمره عن الثمانين , الأستاذ أبو الفتوح شوشة , ورغم ان الكثيرون من قد لا يعرفونه , ربما لأنه ليس بلاعب كرة قدم قديم أو مطرب شهير قد إعتزل ... بل إنه من القلائل الذين ما زالوا أحياء ممن سبق لهم الخروج مجاهدين وقت تقسيم فلسطين عام 48 م , ورغم أن الكل قد تناساه , في غمرة إعتقال نائبي مجلس الشعب من الإخوان المسلمين , وقد تم إعتقاله معهم وقتها بكل القسوة رغم شيخوخته وكبر سنه , إلا أنهم لم يرحموه , ولم تمنعهم كهولته , بل لفقوا له التهمة الشهيرة وهي محاولة قلب نظام الحكم !!! وكأن كهولته وكِبر سنه تسمح له بمجرد التفكير في قلب منضدة و ليس قلب نظام الحكم !!! لكننا اليوم نعلنها إننا لم ننساه , وكيف ننساه ؟؟ وقد حمل لواء الرجولة والعزة آنفاً وخرج ببدنه وماله قاصداً فلسطين ليجاهد عام 1948م اليهود الصهاينة وهو يبغي النصر أو الشهادة , , إنه اليوم له كل الحق علينا في ان ندعمه تماماً , حتى ولو لم يطلب , وحتى ولو لم يعلم , فإننا من منطلق من نمثله من صحافة شعبية , تمارس دورها في تنوير شعوب المنطقة , نعلن اليوم ما الذي يعنيه أن تكون شخصاً كشخص أبو الفتوح شوشة في مصرنا الحبيبة ...

أن تكون أبو الفتوح شوشة فهذا معناه أن تكرم وتصير رمزاً لكرامة الرجال لو كنت في بلد غير مصر ... أما لأنك في مصر ... فهذا معناه أن تصير نزيل أحد السجون وحبيس أحد المعتقلات ...

أن تكون أبو الفتوح شوشة فهذا معناه أن تخرج للجهاد في فلسطين وعمرك لم يتجاوز التاسعة عشر ...فتبلي البلاء الحسن ... ثم تعود لتنال جزائك على جهادك وبدلا من تكريمك يزج بك في السجون 15 عاماً مع الشغل والنفاذ ..

أن تكون أبو الفتوح شوشة فهذا معناه أن تعود من فلسطين راضياً عن نفسك ... راضياً عن جهادك ... راضياً عما فعلته لرفع لواء الذود عن فلسطين ... فلا يرضى عنك النظام ... لتذوق الويل والتعذيب في السجون المصرية ...

أن تكون أبو الفتوح شوشة فهذا معناه أن تخرج من السجن بعد 15 عاماً كاملةً لتمارس رسالتك في البناء والاصلاح من جديد ... بدون أن تتغير قناعاتك أو تتزعزع ثقتك في نفسك ...

أن تكون أبو الفتوح شوشة فهذا معناه أن تترشح في انتخابات مجلس الشعب لعام 1987م ... فيهب جميع أبناء دائرتك لإنتخابك ... بما فيهم أقباط دائرتك بالكامل .... فتنجح نجاحاً باهراً ... ثم يتم حل المجلس لأجل إسكاتك ...

أن تكون أبو الفتوح شوشة فهذا معناه أن تتحصن بحب الله و تحظى بحب الناس لك ...... لكنك في الوقت نفسه تجد أن النظام يُكن الكره لك ... ويعتقلك المرة تلو الأخرى ...

أن تكون أبو الفتوح شوشة فهذا معناه ألا يرحموا شيبتك وأنت قد قاربت الثمانين ... فيزجوا بك في المعتقلات غير آبهين ... ويحولوك لمحاكمة هزلية غير مستنكرين ...

أن تكون أبو الفتوح شوشة فهذا معناه أن تُحارب في رزقك وسكنك وراحتك وانت شيخ كبير ... ويضيقوا عليك كل شئ حتى يسجنوك ... في الوقت الذي تتمنى أن تنعم فيه براحتك ...

أن تكون أبو الفتوح شوشة فهذا معناه جهاد في صغرك ... تعذيب في شبابك ... بهدلة في كهولتك ...

أن تكون أبو الفتوح شوشة فهذا معناه ... اننا معك حتى النهاية ... نهاية ظلمهم أو نهايتهم ...


الروابط :

مدونة انسى تعلن بدء حملة الافراج عن شيخ المجاهدين
http://ensaa.blogspot.com/2007/05/blog-post_17.html

مدونة انسى تذيع نبأ اعتقال شيخ المجاهدين
http://ensaa.blogspot.com/2007/04/blog-post_9947.html

مجلّة "فلسطين المسلمة" تذيع فقرات من جهاد شيخ المجاهدين
http://www.fm-m.com/2003/aug2003/story24.htm

تقرير صحيفة المصريون عن اعتقال قدامى رجال الاخوان المسلمين
http://www.almesryoon.com/ShowDetails.asp?NewID=34088&Page=1

عن جهاد شيخ المجاهدين المصريين في فلسطين pdf ملف
http://www.fm-m.com/2003/aug2003/pdf/51.pdf

لمعرفة معلومات متعلقة بحياة شيخ المجاهدين يرجى زيارة مدونة الحرية لأبو الفتوح
http://freeaboalftouh.blogspot.com/

رابط تقرير جريدة الدستور عن شيخ المجاهدين بتاريخ 13/5/2007
http://www2.0zz0.com/2007/05/17/21/81829036.jpg

جاري تدعيم الحملة بتقرير جريدة الوفد عن شيخ المجاهدين بتاريخ14/5/2007

7:04 م  
Blogger قنديل Said To Me :-

ياللي من الناس واحد
تعبت قلبي جامد
بشوية قصص ومشاهد
خلت عقلي شاتت
يارب نجينا وساعد
ده خلاص الصبر نافد

آآه يا قلبي

7:16 م  
Blogger Amr Ahmed Said To Me :-

وكل يبكي علي ليلاه

كل واحد في دنيته

وخايف علي نفسه

7:56 م  
Blogger ShAb 3AdY Said To Me :-

هيا الدنيا كدة

فيها كدة و فيها كدة

بس الايام دى كدة كترت اوى

و كدة مينفعش

عشان كدة ممكن نبقى اوحش من كدة

فلازم نحاول نبقى احسن من كدة

و كل واحد يبدأ بنفسه

و اكيد لما كل واحد يعمل كدة

الحال هيتغير ان شاء الله

مش كدة ؟

8:26 م  
Blogger koukawy Said To Me :-

ايوه طبعا مشاهد حقيقيه جدا و اكيد اغلبنا شافها

10:35 م  
Anonymous islamist bloke Said To Me :-

عود أحمد

واحشنا يا على

عايزين نشوفك

ابقى اسأل

والسلام

11:39 م  
Blogger REEMOO Said To Me :-

المجتمع بقى مليان سلبيات
الأطفال بتقلد الشباب هى مش فاهمه حاجه بس عارفه انها كده تبقى بتعاكس البنات الحلوه
والفقير بيبص على الغنى ويتحسر عليه وعلى اليوم اللى اتولد فيه ولقى نفسه شحات كده
والناس بتقول وانا مالى انا هدخل نفسى فى خناقه ليه جايز ابقى أنا ضحيتها
والشباب عايز يتسطل علشان ينسى القرف اللى مستنيه
مجتمعنا للاسف بقى اغلبه سلبيات فى سلبيات
بويت مميز
تحياتى

1:20 ص  
Blogger توتة توتة Said To Me :-

و انت سايب المزاكرة و قاعد تتفرج

10:18 ص  
Blogger reri Said To Me :-

المشاهد دي حقيقيه أوي يا علي ... بتحصل وحصلت وهتحصل.... واقعيتها مؤلمه... هو ده واقعنا تناقضات ولامبالاه ليس لها حدود

study hard

سلامااااااااااات

12:34 ص  
Blogger Ahmed AL-Hussany Said To Me :-

بجد قلبت علينا مواجع كنا خلاص نسيناها او اتعودنا عليها مش عارف بقه
على العموم ربنا يصلح الحال

7:50 ص  
Blogger الشنكوتي الكبير Said To Me :-

(3)
فوق اسطح احد المنازل
الساعة الثانية ليلا
..
مجموعة من الشباب المراهق .. اكبرهم في الصف الثالث الثانوي
يحضر احدهم جهاز الكمبيوتر الخاص به من شقته التي تقع في الدور الثاني
ويشغل الجهاز ويعرض فيلما اباحيا
ثم يجلس الشباب لمشاهدته وهم يشربون الحشيش

انا بس عايز اعرف مين الندل اللي بلغ عنا
انطق ياد مين اللي قالك
انا عارفه وش هاسيبه
تصدق ان كل اللي اللي انت قولته ده انا شوفته او شوفت لقطات منه كأنك بتحكي فيلم وانا كنت معدي فيه بس انا شوفت حتت صغيره منه وانت شفته كله
هايل و الله
يا ريت تبقى تنورني
سلاااااااااااااااااااااااااااااااام

12:08 م  
Blogger belal Said To Me :-

آخرتك معايا مش حلوة يا علي

..
بأه بالذمة وراك امتحان أوتو كاد
....
طب بالذمة انتا أصلا بتدرس أوتوكاد يا بتاع إعدادي

....
دا انتا هتاخد ضرب ....مقولكش

3:13 م  
Blogger واحد من الناس Said To Me :-

مصر 2007
للأسف هي دي مصر
بدون كلمات رنانه و شعارات جوفاء
مثل بلاد الحضاره واهرام وخلافه
شعب مصر الآن قمه في السلبيه و الإنحطاط الفكري و العقلي

10:05 م  
Blogger محمد العدوي Said To Me :-

دي مشاهدات لكنها بأي حال مش الصورة كلها ..

معاك قوي أنه كل دا دلائله تنبئ بكارثة لكن مجرد استنكارك دا يعني استنكار كثيرون يعني أنه هناك نبتة وإن كانت ضعيفة عن أن تشق الطين فوقها فستخرج ..


يعني مجرد احساس .
وكل الود

11:26 ص  
Blogger صاحب البوابــة Said To Me :-

طبعا مشاهد حقيقة

قبل ان أقرأها فهمت ذلك

وشعرت به

وتألمت له !!!

تحياتي

3:26 م  
Anonymous كريمة عبد الكريم Said To Me :-

تصدق بالله

البوست بتاعك دا رائع فعلا

و هتكلم عن الجزء اللي يخصني كفتاه

موضوع تحرش العيال الصغيرة بالبنات فعلا حقيقي و لا يفرق بين اللبس لانه اساسا لم يبلغ الحلم اساسا

مرة زمان حصل لي الموضوع دا

و بعدين لازمالواحد يتعلم من المواقف

و بعدين بقيت اخد بالي اوي من اي عيل صغير بيجي جري عليا
بقيت اتفاداهم
بس ساعتها ببقي فعلا عايزة اعيط بحرقة اوي و محدش بيحس بيا

و بعدين مرة تعرضت لموقف و بردوا فاديت الولد بس من غلي جريت وراة بشكل سريع جدا و مسكتة و ضربتة !!!!

الولد اساسا تعود انه يكون سلبي و متوقعش ان اساسا بنت هتجري وراه و هتافع عن نفسها !!!!

اما لمستة بس مثل انه بيعيط ... و مضربتةش غير ضضربة واحدة ولاقيت الناساتلمت و همااللي بيلوموني و يقولوا هو عملايه و انا مش قادرة ارد !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

الناس ادخلت بس مع الجاني مش المجني عليه !!!
متعتقدوش اني بألف و الله العظيم دا حصل انا علي فكرة مدونة مشهورة حيائي منعني اني اكتب باسمي الحقيقي

7:16 م  
Blogger الشبل المشاغب Said To Me :-

السلام عليكم
كيف حالك ؟
المشاهد بقت عادية جدا فى المجتمع المصرى

7:55 م  
Blogger khaled Said To Me :-

فعلا يا علوه المجتمع بقه زباله ربنا يستر





كلنا لازم نشتغل

9:14 ص  
Blogger واحدة بتحب البلد دي Said To Me :-

المؤسف في الامر ان كلنا من اول سطر كنا عارفين انها مشاهد حقيقية

المؤسف في الامر اننا نقول ان ده بيحصل عادي وكلنا بنشوفه

المؤسف في الامر ان كلنا بلا استثناء شفنا زي المشاهد دي وبنشوف زيها وحنشوف زيها وكلنا مستائين ... لكن المجتمع لم يتحرك والوضع لم يتغير

المؤسف في الامر لا بل المفزع في الامر اننا بدانا نعتادها و الخوف اننا شوية بشوية مش حنعتبر اي حدث من اللي حضرتك قلتهم شئ غريب او شاذ
ما هو احنا بنشوفه علطول يكون شاذ وغريب ازاي

اقول ايه بس
لكي الله يا مصر

10:09 ص  
Blogger esraa Said To Me :-

انت عارف بجد مش عارفه أقول ايه
بس فعلا كلها مشاهد حقيقيه

4:45 م  
Blogger أروى الطويل Said To Me :-

مايحدث في الشارع هو صورة مصغرة لما يحدث في مصر
صدق الرسول صلي الله عله وسلم
كما تكونوا يولي عليكم

8:43 م  
Blogger تسـنيم Said To Me :-

يبقى انت اكيد أكيد في مصر


كان لازم تبقى هيا دي المشاهد اللي يحطوها في تصوير الأغنية


تحياتي يا علي

5:38 م  
Blogger islamz Said To Me :-

للاسف اصبحت المشاهد دى موجودة عادى جدا واللي يعيش ياما سشاهد من مشاهد ...
هو ايه بقي موجود عدل .. شعب اتعود على الهلرجلة والاستنطاع والبلطجة وحكومة فرحانة بكده وكله ماشي .. ولا حد بيكلم وفى اكتر من كده كمان ... للاسف

1:51 ص  
Blogger يا مراكبي Said To Me :-

بوست جميل جدا .. ومؤلم جدا في نفس الوقت

أحلى حاجة أشرت ليها هي سلبية الناس .. في كل المواقف اللي حكيت عنها فيها سلبية بتدل على حالنا تجاه القضايا الأكبر بكتير من المواقف اللي حكيت عنها دي

لكن طبعا ساعة الفيلم الإباحي هتلاقي إيجابية عكس السلبية دي .. هو ده الموقف الوحيد اللي فيه إيجابية

10:19 ص  
Blogger واحـــد مـــــن الـنـــاس Said To Me :-

صاحب البوابــة

انا وضعت بانر الحملة عندي

وبإن الله ساضع البوست في اقرب فرصة ان شاء الله

اشكرك بشدة اخي العزيز

12:27 م  
Blogger واحـــد مـــــن الـنـــاس Said To Me :-

قنديل
باشا


ياللي منورني دايما
الف الف شكر ليك يا كبير على الشعر الجميل

ويارب تنورني علطوولل

12:46 م  
Blogger واحـــد مـــــن الـنـــاس Said To Me :-

Amr Ahmed

صحيح يا عمرو

كل واحد في همه
وكل واحد غارق في مشاهداته
وحياته


منورني يا عمورة

12:49 م  
Blogger واحـــد مـــــن الـنـــاس Said To Me :-

ShAb 3AdY

اجري ياض من هنا

بس لما اشوفك

12:50 م  
Blogger واحـــد مـــــن الـنـــاس Said To Me :-

koukawy

اكيد طبعا يا كوكو

ازيك ؟؟
انتي فين من زمان ؟؟؟

12:51 م  
Blogger واحـــد مـــــن الـنـــاس Said To Me :-

islamist bloke

احمد باشا

منورنا يا زعيم
اخبارك ايه يا معلم

يارب تكون بخير ؟؟

1:02 م  
Blogger واحـــد مـــــن الـنـــاس Said To Me :-

REEMOO
تحليلك للمشاهد دي جميل جدا

بجد انتي نورتي المدونة

وياريت تفضلي منوراها علطول

1:07 م  
Blogger واحـــد مـــــن الـنـــاس Said To Me :-

توتة توتة sa

ههههههههههههههههههه

مهو ده بختنا بقا

اومال النتايج الزفتة دي بنجيبها ازاي

1:09 م  
Blogger واحـــد مـــــن الـنـــاس Said To Me :-

reri

بإذن الله يا ريري

وان شاء الل تسمعي اخبار حلوة

سلام

1:10 م  
Blogger واحـــد مـــــن الـنـــاس Said To Me :-

Ahmed AL-Hussany

ياااااااااااااااااارب

منورنا يا استاذ احمد

نيولوك المدونة بتاعتك جااااااااااااامد

1:13 م  
Blogger واحـــد مـــــن الـنـــاس Said To Me :-

الشنكوتي الكبير

هوا انتا طلعت الشنكوتي الكببببير

مش تقولي يا راجل

دنا كنت قاعد معاكم يا معلم في القعدة
وبعدين عيب علي
ابلغ عنكم ايه بس

انتا تعرف عني كده ؟؟

انا ممكن اعترف من اول قفا

لكن ابلغ عنكم لا طبعا
دي مش اخلاقي

1:17 م  
Blogger واحـــد مـــــن الـنـــاس Said To Me :-

belal

مين
فين

ليه

يا ابرااااااااااهيييييييييم

جبت الحاجة الساقعة ؟؟

1:18 م  
Blogger واحـــد مـــــن الـنـــاس Said To Me :-

واحد من الناس

بجد يا طارق كلماتك معبرة جدا عن واقعنا

بس تقول ايه
صحيح ان التعميم غلط

لكن بجد ده الواقع

1:20 م  
Blogger واحـــد مـــــن الـنـــاس Said To Me :-

محمد العدوي

ياريت بجد الاستنكارات دي تحول لردود فعل عملية
ساعتها بس هنقدر نغيرلا حالنا ده

ونقدر نعمل حاجة
بجد

1:39 م  
Blogger واحـــد مـــــن الـنـــاس Said To Me :-

صاحب البوابــة

طبعا اخي الكريم

منور المدونة اخي العزيز

1:40 م  
Blogger واحـــد مـــــن الـنـــاس Said To Me :-

كريمة عبد الكريم

اختي العزيزة

بجد ردك ده اثر فيا كتير اوي اوي اوي اوي

بجد نفس المشهد ده اتكرر قدامي كتير

نفس سلبية و (( ...)) الناس

يعنفو البنت ويحملوها الوزر كله

ويسيبو الشاب

بجد قمة ال
((.....))


بجد اثرتي فيا كتير يا اختي الكريمة يا كريمة

ربنا يكرمك يارب

1:51 م  
Blogger واحـــد مـــــن الـنـــاس Said To Me :-

الشبل المشاغب

ازيك يا محمد

اخبارك ايه
واخبار مدونتك ايه ؟

1:53 م  
Blogger واحـــد مـــــن الـنـــاس Said To Me :-

khaled

ربنا يستر يا خلود

عامل ايه يا واد ؟

1:56 م  
Blogger واحـــد مـــــن الـنـــاس Said To Me :-

واحدة بتحب البلد دي

تعليقك من اجمل التعليقات والله يا مروة
بجد ربنا يستر على بلدنا
والاوضاع متنهرش اكتر من كده
يارب

2:02 م  
Blogger واحـــد مـــــن الـنـــاس Said To Me :-

esraa

ياريتك كنتي قلتي يا اسراء

بجد رأيك كان هيهمني في الموضوع

بس مش مشكلة

المرة الجاية

منورانا دايما يا اسراء

2:04 م  
Blogger واحـــد مـــــن الـنـــاس Said To Me :-

أروى الطويل

صدق رسول الله صلى الله عليه وسلم

منورانا دايما يا اروى

2:06 م  
Blogger واحـــد مـــــن الـنـــاس Said To Me :-

تسـنيم

هما لو قررو يصورو كليب جديد للاغنية هيعملو مدته ست ايام ويمكن اكتر

من كتر المشاهد اللي مفروض تتحط فيه


منورانا يا تسنيم

......

اسراء وتسنيم ردو في بوست واحد

احمدك يااااااااااااااااااارب

2:09 م  
Blogger واحـــد مـــــن الـنـــاس Said To Me :-

islamz
والله ما عارف اقول ايه يا اسلام

بجد بجد كلامك عين العقل

2:12 م  
Blogger واحـــد مـــــن الـنـــاس Said To Me :-

يا مراكبي

اه والله يا احمد باشا

ساعة الفيلم الاباحي هتلاقي الشعب كلو نفسه يخدم ويعمل الواجب

تقول ايه بقا

2:14 م  
Blogger واحدة من الناس Said To Me :-

المشهد السادس
بنت برده ماشيه فى الشارع وواحد مد ايده عليها ادورت بكل جراءه واديتله بالقلم ادور بكل وقاحه واداها بالشلوت ونزل عليها شتايم وعلى مرأى ومسمع الجميع والساعه أربعه عصرا
على فكره انا ضد الى هي عملته لأن النهايه متوقعه بس تفتكر ايه الحل؟أعتقد ان من 30سنه فاته مكانش أى موقف من المواقف ده هاتحصل ايه الى حصلنا ووصلنا لكده؟
موضوعك حلو فعلن عجبنى أوى
سلام
شيماء

4:57 م  
Blogger مُسلِمَة Said To Me :-

السلام عليكم ورحمة الله وبركاته

الحمد لله رب العالمين بدأت عالم التدوين
واللهم افتح بها وبي لأمتنا

ومنتظرين حضراتكم

وياريت تاركونا وردنا الجماعي على……..

www.ana-moslema.blogspot.com

2:23 م  

إرسال تعليق

<< Home