الاقصى نادى والندى غالي ...ويهون عشانه العمر لو غالي
وَاحِـــدْ مـِــنْ الـــنــَــــاسْ: انتبه من فضلك : الكراسي للفرجة فقط..ممنوع الجلوس على الكراسي
ايوة انا  .. في حاجة يا عماد ؟
NaMe : Ali Adel
FroM : el ManSoOorRa , Egypt , Agda3 Nas

طالب جامعي حاليا ..عاطــل مستقبلا

ana Meen ba2a ?

الثلاثاء، نوفمبر 28، 2006

انتبه من فضلك : الكراسي للفرجة فقط..ممنوع الجلوس على الكراسي

سبحان الله
انتا ممكن تشوف مشاهد كتيرة غريبة في حياتك
ممكن تندهش وتبرق وتتنح
وممكن تقول وماله ..بتحصل في احسن العائلات
لكن المشاهد الغريبة دي في مصر ليها وضع خاص جدا
بحيث انك لما تشوفها بتلاقيها عادية جدا جدا والناس عادي خالص ..ولا بيتكلمو ولا بينطقو
مع ان المشاهد دي سبحان الله ...لو شافها اي بني ادم تاني هيبلم وهيتنح هيقول ايه ده ؟؟
اخر المشاهد دي
كان مشهد كرسييين من الكراسي اللي موجودة على الارصفة الموجودة في مصر
بس المرة دي الكرسي عاملين حواليه سلوك شائكة
عشان محدش يقعد عليه !!!
انا قعدت اقول ليه ؟؟
ليه يا جماعة حاطين سلوك شايكة على الكرسي
قلت جايز يكونو لسه داهنينه ولا حاجة
لمسته بايدي ولقيته ناشف انشف من دماغ بلدياتنا لما ييجي يفكر ... ده غير ان منظره اساسا بيقول انه متدهنش من سنة تلاتين قبل الهجرة !!
قعدت اقول ليه ؟؟؟
يا ترى عاملين حواليه كده ليه
على فكرة ممكن ناس متخدش بالها من السلوك عشان الصورة مش موضحاها
ده لينك فيه الصورة بالحجم الكبير وهتتأكد من كلامي لما تشوف
وانا معلم على السلوك في الصورة دي
طبعا انا قعدت افكر كتير
واستغرب كتير جدا زي منتو مستغربين دلوقتي
بس يا جماعة زمان قال الشاعر اللي معرفش اسمه
اذا عرف السبب .....بطل العجب
لذلك مش هتستغربو خالص ليه الكرسي محاوطينه بالسلوك الشايكة
ومش هتستغربو ليه الناس ساكتة ومش بيتكلمو خاااااااالص
لما تعرفو ان الكرسي ده موجود على الرصيف اللي قدام مديرية امن الدقهلية
Icon SalutIcon Salut
ومع ذلك نفسي اعرف
كانو حاطين سلوك شائكة حوالين الكرسي ليه
خايفين من ايه ؟؟؟
يعني الكرسي ده خطر على الامن القومي للدرجة دي ؟؟
سبحان الله
الناس هتقعد عليه وهتفجر المديرية يعني ؟؟
طب ما العربيات بتعدي كل يوم بالالوف قدام المديرية
ناقص يمنعو العربيات بقا !!
سبحان الله
بجد بجد انا مش متخيل اخواننا الظباط دول بيفكرو ازاي ؟؟
قولولي وجهة نظركو

22 CoMMeNtS :

Anonymous غير معرف Said To Me :-

انت اتجننت ولا ايه .. انت عايز الشعب يقعد كدة عينى عينك قدام مديرية الأمن .. الكرسى ده علشان بس الباشا لما ييجى يحس ان الشعب كله تمام التمام لدرجة ان مفيش حد فكر ييجى المديرية ويقعد يستنى علشان يعمل محضر

10:26 ص  
Blogger 3rby Said To Me :-

السؤال عملوه ليه وحاطوه ليه هنا
طيب مالواحد ممكن يقعد علي الرصيف
اهو اي كلام وخلاص

7:14 م  
Blogger 3rby Said To Me :-

السؤال حاطينه ليه
مالواحد ممكن يقعد علي الرصيف
هم عاوزين يذلوا الناس كمان اكتر من ماهم مذلولين

7:21 م  
Blogger islamz Said To Me :-

علشان تشوف التخلف وصل لحد فين يا عم .. بس الحمد لله انهم حاطين سلك الناس بتشوفه يعنى .. بدل ما واحد من الاغبية بتوع الشرطة دول يطلع بفكرة تانية انه يكهرب الكراسي مثلا .. كانت بقت ليلة .. وربنا ياخد كل غبي ...

والسلام ختااام ...

2:21 ص  
Anonymous ALiaa Said To Me :-

t2oulsh mn gamal elview!!!!!
sebhom dol wlad 60 fe 70 leehom hadaf wa7ed>>>> ezzay y2refo elnas w yzolooohom

12:28 ص  
Blogger منبري Said To Me :-

ما فضلش غير يعملوا اسلكة خفية تحيط بكريات الاكسجين الذي نتنفسه

3:47 م  
Anonymous ahmedmosy Said To Me :-

انا سعيد جدا بمدونتك
ارجو ان تقبلنى كصديق
وزيارة مدونتى
www.mosy84.jeeran.com

10:30 م  
Anonymous غير معرف Said To Me :-

ماشاء الله علي قوة ملاحظتك .. لان ده فعلاً شيء عادي جداُ و انك تلاحظ حاجة زي كده هو الغريب في الموضوع
و بعدين هما عرفين و متاكدين ان لو حد من الشعب طلهم هيولع فيهم ... فابيعملوا احتياطتهم

7:49 ص  
Blogger واحـــد مـــــن الـنـــاس Said To Me :-

الاخوة والاخوات
شرفتم المدونة والله
انا سعيد بتفاعلكم معايا

Egypt Camira
والله ياباشا انا اتعقدت
الكرسي لحد دلوقتي السلوك حواليه
وبجد بجد مخي اتشل
نفسي اعرف ليه
ارهاب للناس والله

3rby
والله عندك حق يا احمد
اذلال للناس وترويع ليهم
اضرب المربوط يخاف السايب

islam
ياباشا مش بعيد انهم يعملو كراسي بالكهربا والله
ده لما الريس زار المنصورة قطعو المية والنور والتليفونات والموبايلات ..مكنش فاضل حاجة مقطعوهاش غير رقبة الناس



ALiaa
والله يا علياء انا ما عارف اقول ايه
الناس دول بحد بيتمادو بطريقة فظيعة



منبري

والله ياباشا مش بعيد عليهم
دول امخاخهم فظيعة بصراحة
وعملو بلاوي
فمجتش على دي


ahmedmosy
اهلا بك اخي الكريم
على فكرة اتنا اعرفك من ايام منتدى الديفيدي



sara

المصيبة يا سارة ان رعبهم من الشعب يوصل للدرجة دي
يخافو من كرسي ؟؟؟؟

3:39 م  
Blogger fnan_geology Said To Me :-

انت عايز الناس تقعد وتحط رجل على رجل قدام مدير الامن وحضره البيه الظابط بس فعلا احلى حاجه لقطه الصوره دى جامده جدا بحيك عليها
وبجد بجد تحيااااااااااااا مصر
انا اول مره احط تعليق عندك ياريت تزور مدونتى مع ان لسه مفيش فيها جديد بس تشرف

10:02 م  
Blogger fnan_geology Said To Me :-

اه صح نسيت انت عايز الباشا يطلع يبص من الشباك يلاقى عامه الشعب فى وشه يصطبح بيهم حرام يعكننوا عليه مززاجو

10:03 م  
Blogger sara86 Said To Me :-

ياعم يمكن عندهم حريم بينشروا فى البلكونه ولا حاجه ومبيبقوش واخدين احتياطاتهم
والله عجايب وماله الرصيف يعنى
تحياتى

10:43 ص  
Anonymous غير معرف Said To Me :-

هى حصلت للدرجة دى ؟
هى البلد دى بتاعة مين يا جدعان ؟

10:48 ص  
Anonymous غير معرف Said To Me :-

طب و مارحتش شيلت السلك ليه يا شجيع السيما :D
انا انصحك تطلع لسيادة مدير امن الدقهلية و تكلمه في الموضوع دا
و بعدين يعني هي جت ع الكرسي
طب ما الشارع اللي في ريح الموديريييه واخدينه برده و عاملينه باركنج ليهم
و هكذا
ثم انتي جاية هنا اشتغلي ايه
أدب يوك صحيح :D

11:52 م  
Blogger واحـــد مـــــن الـنـــاس Said To Me :-

اسف والله على تأخر الرد يا شباب
بس والله العظيم ظروف العزا وكده
ياريت تسامحوني

fnan_geology
شرفت المدونة ياباشا
والحمد لله ان الصورة عجبتكم
وانا حطيت مدونتك في حبايبنا الحلوين
اشطة ياباشا

3:40 ص  
Blogger واحـــد مـــــن الـنـــاس Said To Me :-

sara86

هما ممكن يعملو كده فعلا
بس دول كانو هيقفلو الشارع والنيل نفسه
مش الكرسي بس

نورتي المدونة
ويارب تنورينا علطول

3:43 ص  
Blogger واحـــد مـــــن الـنـــاس Said To Me :-

أنـــا حـــــــــرة

نورتي المدونة يا حرة
انتي فين من زمان

بتقولي البلد بتاعة مين
مش عارف صراحة
بتاعة مين
مفيش اختيارات ؟؟
:)

3:45 ص  
Blogger واحـــد مـــــن الـنـــاس Said To Me :-

نمنماية

نورتينا يا نمنماية

انتي بتقولي

-----------
طب و مارحتش شيلت السلك ليه يا شجيع السيما :D
-----------

بقولك ايه
متاخديني قلمين احسن :)



-----------
انا انصحك تطلع لسيادة مدير امن الدقهلية و تكلمه في الموضوع دا

-----------

هوا ممكن ده يحصل فعلا
انا اطلعله من هنا
وهما يطلعو روحي من هنا
ان شاء الله



-----------
بعدين يعني هي جت ع الكرسي
طب ما الشارع اللي في ريح الموديريييه واخدينه برده و عاملينه باركنج ليهم
و هكذا
-----------
دنتي طلعتي بلدياتي اهو
طب ما تقولي كده من الصبح
المنصورة اجدع ناس
ونمنمة اجدع ناس :)



-----------
ثم انتي جاية هنا اشتغلي ايه
أدب يوك صحيح :D
-----------
سوري ماما
اوعدك مش هعمل كده تاني
نيفر
:)

3:49 ص  
Anonymous غير معرف Said To Me :-

:| :| :|
enta btetkalem gad!!!
sloook sha2eka!!!
:| :| :|
bgad msh momken...
leeh hatakloohom!
:| :| :|

11:51 ص  
Blogger واحـــد مـــــن الـنـــاس Said To Me :-

Mony The Angel منورانا يا

-------------------
:| :| :|
enta btetkalem gad!!!
sloook sha2eka!!!
:| :| :|
bgad msh momken...
leeh hatakloohom!
:| :| :|
-------------------

شفتي بقا
نفسي اعرف الظباط لما عملو السلوك الشائكة دي
عملوها لييييييييييه
اموت واعرف
يا جدعان مخي هينفجر
بس حد يقوولي

11:10 م  
Blogger يا مراكبي Said To Me :-

أنا لو منك كنت كتبت عنوان البوست ده على ورقة كبيرة وثبتها في الكرسي .. كانت هتبقى مسخرة

بس ما تنساش تكتب إسمك على الورقة .. أي خدمة

9:50 ص  
Anonymous غير معرف Said To Me :-

ههههههههههههههههههه
حلوة بجد دمك خفيف موووووووت وطريقة تفكيرك عسل ربنا يوفقك

6:37 م  

إرسال تعليق

<< Home