اللهم اني مش علماني
بعيدا عن النقاشات السفسطائية عن العلمانية ونشأتها وفائدتها وحلاوتها
هدخل في الموضوع علطول
الاستاذ الكاتب الكبير العظيم الصحفي حمدي رزق ذكر في مقالة له في اخبار اليوم يوم السبت الماضي
التي جائت تحت عنوان ((هل ابو جهل كان علمانيا )) والله عنوان المقالة كده
المهم الاستاذ حمدي كان بيدافع عن وجهة نظره في العلمانية بطريقته الخاصة
وفي وسط الكلام قال جملة فظيعة هيا ان الاغلبية الساحقة من المدونين علمانية تماما ؟؟
اه وربنا حمدي رزق قال كده
الاغلبية الساحقة من المدونين علمانية تماما
اموت واعرف الاستاذ حمدي رزق بيتكلم عن انهي اغلبية
او انهو مدونين ؟؟؟
انا حبيت اعمل استطلاع رأي في المدونة لمعشر المدونين اسألهم فيه ؟؟
هوا انتم علمانيين ؟؟
عشان نعرف مصداقية الاستاذ العلامة حمدي رزق
وعلى فكرة يا استاذ حمدي
بما انك عارف المدونات وبتشوفها وممكن تشوف المدونة دي في اي وقت
فبحب اقولك اني مش اخوان والله العظيم ..عشان بس متجهزش السكاكين وتقول
اقتلو هذا الاخواني الفاجر عدو العلمانية
ولا انا ارهابي متشدد متطرف رجعي متزمت ارهابي وهابي
اي ورب الكعبة
انا بس مش مقتنع بالعلمانية خالص
بس خلاص
بس حبيت اعرف هل فعلا الاغلبية الساحقة من المدونين علمانية تماما
ياريت تشاركونا يا اخواننا
هتلاقو الاستفتاء في السايد بار على الشمال
صوت وقول هل انتا مدون علماني ولا لأ ؟؟
مستني تعاونكم
التسميات: انا الشعب, حلاوتك يا ابيض
كــتــبــهــا واحـــد مـــــن الـنـــاس | 11:46 ص
73 CoMMeNtS :
وده من ايه يا علي
قلتلك مية مره متزعلش حد استغفر الله
تفتكر ان كان حمدى رزق فاهم اصلاً معنى كلمة علمانى
لا تتخيل كم انا ابغض هذا الرجل فى الله...بكره بكره بكره يا ناااااااااس ...سواء هو ولا عبدالله بيه كمال طيب الله ثراه و خده مترح ماهو موجود
و فى هذا المقام لا يسعنى الا ان اقول ربنا ياخدهم
يعنى ايه كلمة وطن
سؤال محتاج من كل واحد فينا اجابة
شاركونى برايكم
قلب أبيض
اللهم انى مسلم
ولا ادعو للتفرقة
والله انا فرحت لما شفت الموضوع
اهو فرصة الناس تفهم الصح من الغلط
لكن حزت جدا لما شفت الاستفتاء
ولقيت نسبة كبيرة بتؤمن بالعلمانية
لا حول ولا قوة الا بالله
ربنا يهديهم
على العموم اجابة على سؤلك
انا مش علماني والحمد لله
وانا مع الناس ... ابوه لابو امه هوه والله معاه
سوال الى واحد من الناس متى تركت جماعة الاخوان لتقسم بالله انك لست منها؟
السوال الثانى ما هى علاقتك بجريدة الدستور و التى نشرت اسم مدونتك من عدة اشهر؟
معلش على الصيغة الامنية ولكن للمهنة احكامها
copa
كوبا ..عودا احمدا يا خويا
وانا هعرفك يا واد انتا على الماسنجر
Mohamed A. Ghaffar
حمد لله على السلامة يا استاذ محمد
على فكرة
كل كاتب علماني له وجهة نظره الخاصة للعلمانية وبيفسرها على حسب افكاره هوا
وياما قريت مقالات لكتاب كل واحد بيقول انه علماني بس كل واحد بيفسر العلمانية بالشكل المناسب ليه
الله اعلم ايه هيا العلمانية اللي بجد
عمر افندى و ابوه
ربنا يهدينا ويهديهم يارب
عموما حمدي رزق لسه موصلش لمرحلة عبد الله كمال
لسه قدام طريق طويل
بس الاتنين بيتنافسو في العلمانية وتقطيع فروة الاخوان
قلب أبيــض
حااااااااضر
هقول والله يعني ايه كلمة وطن
بسم الله الرحمن الرحيم
الاجابة الصحيحة هيا
تونس
محمود الدوح
اللهم اني مسلم
منورنا يا ممدوح
Ahmed AL-Hussany
لا نريد بلادنا علمانية .. ولا اشتراكية .. بل نريدها اسلامية
اسلامية اسلامية
:D
والله يا احمد باشا
الاستفتاء لسه في اوله
غريبة جدا
اليومين دول
دخل المدونة اكتر من ميت واحد
مصوتش فيهم غير 10 بس !!!
عموما من يضحك اخيرا يضحك كثيرا
الباحث عن الحق
سيادتك والله العظيم هقول كل حاجة
بس بلاش العصاية الله يكرمك
اولا والله العظيم ياباشا وغلاوة التلات دبابير اللي على كتفك
انا عمري ما كنت اخ من الاخوان
صححي معظم اصحابي من الاخوان المسلمين
بس انا مش اخ والله ياباشا
بس الاخوان المسلمين اجدع ناس
ثانيا يا سعادة الباشا
انا علاقتي بجريدة الدستور المارقة التابعة للفئة الضالة
علاقة سرية مشبوهة جدا جدا
احنا الاتنين بنتمول من الامبريالية واسرائيل والمحافظين الجدد
وبنسعى لقلب نظام الحكم ..اكتر ما هو مقلوب
وهما اكيد نشرو اسم مدونتي عشان يشجعوني على ضلالي وفسادي
بس اوعدك ياباشا اني تبت وانبت وندمت على ما فعلت
وان شاء الله هبلغ عنهم كلهم
اشطة كده ياباشا ؟؟
بسم الله الرحمن الرحيم
ممكن أجاوب على سؤال المسابقة؟
أنا علماني لأني بأحب جدا أمسك علم النادي الأهلي وأشجع في الإستاد .. ومن غير العلم بأحس إني مش علماني أبدا
مين
فين
ازاي
الاغلبية ..الساحقة كمان حتة واحدة
اقول ايه بس عالراجل ده
ربنا يهده
او يهديه
ايه الكلام الفاضى دى
علمانية ايه ؟
احنا فى بلد ديمقراطية يحكمها الحزب الوطنى الديمقراطى طبعا
و انا الحمد الله انا لا علمانى ولا اخوان و معنديش اى ميول لاى حزب
و ربنا يخليلنا الريس و الحكومة و يخب بيت الشعب
و اللى يزعل الريس و الحكومة
تمام يا برنس ؟
تفتكر ان كان حمدى رزق فاهم اصلاً معنى كلمة علمانى
أ.محمد عبد الغفار عنده حق
لأن اللى زى حمدى رزق عنده مشكلة
أحيانا أبحث له عن مبدأ
حاجة ثابتة اقول هيه دى قناعاته
او هيه دى قضيته
الى الان فشلت فى ايجادها
بس يمكن الاقيها بعد كده
بس بالنسبة للمدونين فى منهم كتير ممكن نقول يميلوا للعلمانية
بس مش لدرجة الغالبية الساحقة
أنا أخترت
أنا مش علمانى
عشان النكره ده ألى أسمه حمدى
ميقولش اى حاجه تانى من غير دليل
بسم الله
رسالة الى المدعو رزق
انااااااااا اخوان
واحب افكره بمثل بسيط
يقول
كل علماني حمار وليس كل حمار علماني
تحياتي
البحر
ممكن بس اعرف هل انت تعرف معنى كلمة علماني؟ وهل تعتقد ان الوسطيه الدينية دون افراط او تفريط، دون تشدد ولا ان اكون فاجر ... هل الوسطية شئ مفزع؟ العلمانية ليست تهمة وكون المجتمع الآن يعتبرها تهمة فهذا نتاج لطيورنا المهاجرة للأراضي الوهابية.. بالمناسبة انا والحمد لله مسلمة ومتحجبة واقوم بعمل دراسات عليا في الدراسات الاسلامية لكنني علمانية لأني اعرف ما هو الدين الصحيح دون ان اتشدد فيه
الأساتذة الأفاضل الذي فتحوا النار على حمدي رزق وسبوه وسبوا أبويه دون وجه حق؟ هل هذا هو الاسلام والله إن الإسلام منكم برااااااااااااااء، ومن يقول أن العلماني ربنا يهديه هل أحد أبلغك أن العلمانية كفر وإلحاد؟ تلك هي النظرة الأحادية تي صدرها الاخوان في رؤوس العرب اما ان تكون اخواني او تكون كافرا وتصلى نار السعير... سبحان الله ، ان الاسلام يحضنا على حفظ اللسان وليس طول اللسان
يا مراكبي
اهلاوي !!!!!!!!!
جاسوس مدسوس
من ديش العدو
اقتلوووووووووه
وعشان الزملكاوية ميفرحوش
بقولهم انا مش زملكاوي ومليش في الكورة اساسا
اشطة
منورنا يا استاذ احمد باشا بيه الكبير
حلم الحرية
ربنا يهديه ويهدينا يارب
هوا وسعت منه اوي اوي في حكاية الاغلبية الساحقة دي
عشان كده انا كنت مستغرب اوي
هوا بيتكلم عن ايه ؟؟
ShAb 3AdY
منور البلوج يا برنس
وبعجين علمانية ايه
مفيش احلى من الرز باللبن يا عم
elfagreya
فعلا يا فجرية
في مدونين كتير علمانيين
لكن هل هم فعلا الاغلبية الساحقة من المدونين كما يقول الاستاذ حمدي رزق ؟؟
عموما زي ما قلت قبل كده
في كتاب كتير جدا جدا مختلفين في الافكار والتوجهات تماما رغم انهم كلهم بيرفعو شعار العلمانية
واكيد حمدي رزق منهم
فى القلب
طبعا لحد دلوقتي نسبة اللي اختارو لأ
هيا الاعلى
وده بيكذب كلام الاستاذ حمدي رزق ...
منورنا يا في القلب
Ahmed S. Basyoony
انا اول مرة اسمع المثل ده
عموما منورنا يا استاذ احمد
وبقولك كلنا اخوان
وكلنا مسلمين
:D
لا يوجد سِـر
الاخت الفاضلة
كويس جدا انك قلتي
انك مسلمة متحجبة وتقومين بعمل دراسات عالية في الدراسات الاسلامية
سألتيني عن معنى العلمانية
وهل اعرفها ام لأ
ساقول لك ما اعرفه عن العلمانية
اولا
موقع اسمه : العلمانيةهي الحل
http://www.ssrcaw.org/
وهو موقع مركز الدراسات والابحاث العلمانية في العالم العربي
ويرفع شعار العلمانية
اتصفح الموقع لاجده ملئ بكتابات متطرفي اقباط المهجر المهاجمة للاسلام ولرسول الاسلام صلى الله عليه وسلم
وهو موقع علماني
ويعد المنبر الاول للعلمانية
اجد فيه مقالات مثل
...........
الإسلام أكبر نكبة أصابت العرب
http://www.ssrcaw.org/ar/show.art.asp?t=2&aid=105632
...........
ومثل
.................
علماني .. أم مسلم إرهابي !؟
http://www.ssrcaw.org/ar/show.art.asp?t=2&aid=105010
.................
ومثل
...............
إهانة الإنسانية أم إهانة الإسلام؟
http://www.ssrcaw.org/ar/show.art.asp?t=2&aid=105094
...............
ومثل
هذا المقال الحقير لصاحبه ذو الاسم المستعار
http://www.ssrcaw.org/ar/show.art.asp?t=2&aid=97282
الذي جاء تحت عنوان
مجلس الشعب المصري و رضاعة الكبير...أرضعيني أرضعيني ....حولين ثم زيديني
وانظري الى تلك الفقرة فيه
........
وقد سبق لعائشة بنت أبي بكر الصديق "الحميراء" أن حبذت هذا النوع من الرضاعة فكانت تأمر أختها أم كلثوم و بنات أخيها أن يرضعن الفحول من الرجال لكي يتسنى لعائشة الاختلاء بهم، و كانت الفحول المحمرة العيون والمنتصبة القضبان تتسابق بلهفة على النهود الطرية للقم الأثداء الشهية ............
وايضا
مقال
المعتقدات والتعاليم الإسلامية .. تنتقدها فتاة سعودية متحررة !؟
http://www.ssrcaw.org/ar/show.art.asp?t=2&aid=104648
وفيه تسب الحقيرة كاتبته الاسلام ورسول الله صلى الله عليه وسلم
وايضا
.............
أمرت أن أقاتل الناس (جميعا) حتى يشهدوا أن لا اله إلا الله محمدا رسول الله...مهندس دولة مغربي يستهدف حافلة لسياح أجانب!!!...
http://www.ssrcaw.org/ar/show.art.asp?t=2&aid=105998
................
وغيرها وغيرها وغيرها
http://www.ssrcaw.org/ar/show.art.asp?t=2&aid=104274
http://www.ssrcaw.org/ar/show.art.asp?t=2&aid=104718
دعارة على الطريقة الاسلامية !!
http://www.ssrcaw.org/ar/show.art.asp?t=2&aid=104876
http://www.ssrcaw.org/ar/show.art.asp?t=2&aid=104992
ومئات المقالات القائمة على مهاجمة الاسلام ورسول الله والمسلمين باحط الالفاظ واحقر العبارات
وده موقع يرفع شعار العلمانية هل الحل
هذه هي العلمانية اختي الكريمة
بعد كل ده يا استاذة سهى
وانتي المرأة المسلمة الفخورة بدينك
ترفعي شعار العلمانية ؟؟؟
مستني ردك ...
وياريت متحرميناش من زيارتك للمدونة
غير معرف
اقرا الرد السابق
عشان تعرف احنا فاهمين العلمانية ايه ؟؟
والعلمانيين اللي بيشتمو الاسلام ورسول الله صلى الله عليه وسلم وبيهينو معتقداتنا ومقدستانا يستحقو اكتر من اللي بتقول عليه
وعموما انا معتقدش ان الاستاذ حمدي رزق يرضيه اللي بيتكتب من رافعي شعار العلمانية
بس هوا اللي وضع نفسه للاسف في سلة واحدة مع الحقراء دول
ازيك يا على
مش كل واحد يا على هيطلع يتكلم المفروض اننا نجرى عشان نثبت العكس .. وخصوصا إذا كان الكلام ليس له محل من الإعراب ..فبعيدا عن ان الأستاذ حمدى أكييييد مش متابع للمدونات أصلا إلا إذا كان متخصص فى قراية المدونات إياها .. برضه الحك المطلق مبدأ مرفوض كمان .. ولو ضفت عليه مبدا العلمانية الله يحرقه .. يبقى الأحسن انك تقلب صفحة الجورنال .. وتعمل استفتاء تانى أحسن وأهم
حسبى الله ونعم الوكيل والله فيهم
يابااش
بص ياباشا
انا عايزك
على الميل لو سمحت
elmogahed_a2010@hotmail.com
elmogahed_a2010@yahoo.com
الاغلبية الساحقة من المدونين علمانية تماما
و هو حمدي رزق عارف اساسا يعني ايه مدونة
هو بس لقى الاسم متداول فحب يزيط مع الزيطة
ومالهم العلمانين ياأوغاد D:
انا اؤمن بالحرية طالما لم تؤثر على انتاجية الفرد في المجتمع الذي يعيش فيه
مش ذنبي ان الكثير من العلمانيين مقتنعين بنفس المبدأ...هما اللي جم على نفس الموجة بتاعتي...مش انا اللي رحتلهم
اما بالنسبة لان الغالبية الساحقة من المدونين علمانيين فدة ممكن يكون صحيح على مستوى العالم لكن ليس على المستوى المحلي في مصر
هاتفق معاك في النقطة الاخيرة اللي ضفتها في التعليقات وكان نفسي تكون ضمن البوست
البوست بيهاجم العلمانية علي طول الخط، مع تحفظي علي ده لكنه حريتك ورايك
المشكلة في تاويل النظرية انك تتبني جزء من العلمانية وتطبقة في المطلق
الموقع اللي انت حطيتة في التعليقات وان كان موقع يتظاهر بفهم العلمانية الا انه يادووووب قاعة نقاش واحيانا تهبيل من ناس ولا عارفين بيتكلموا عن ايه
زيه زي موقع يساري واللادينيين العرب
حاجة كده تقراها من باب الفكاهه
لو قلتلي تعريفك للعلمانية كنت هاقدر اناقشك عنها علي ضوء مفهومك
وده اللي كنت مستنياة هنا.. بما انك سبتها مفتوحة فهاستخدم التعريف اللي افهمة ليها وفي الحالة دي مش شايفة ايه التهمة في كونك علماني تفصل سلطة الدولة عن المؤسسات الدينية
طيب ماحنا علمانيين طبقا للمفهوم الواسع للعلمانية
جزء كبير من احكام الاسلام-مصدر التشريع- غير مفعلة
دي علمانية.. عمرك شفت حرامي ايده اتقطعت؟
مصدر التشريع الاسلامي لم ولن يطبق علي غير المسلمين في قضايا الاحوال الشخصية .. ده علمانية ولسه احنا في المفهوم الواسع
الازهر مالوش سلطة سياسية ولا تشريعية ولا رقابية خارج حدود الافتاء والاسلاميات
دي علمانية بمفهوم اضيق بقي وهنا نتفرع يا نتفق يا نختلف، هلي المطلوب اطلاق يد الازهر في الاقتصاد والسياسة والاعلام وتبقي اسلامية ولا تخليها زي ماهي وفي حال اطلاق يدها هل ستطول غير المسلمين كذلك؟
هنفترض اننا اتفقنا وسبناها زي ماهي هل دي مش علمانية
تعالي نتفق علي تعريف علمانيين اوروبا في القرن التاسع عشر لما قالوا انهم متدينون(مسيحيون يعني وفي حالتنا مسلمون) في كنائسهم(ومساجدنا) ولكن ليس في ردهات المحاكم وعند إقرار التشريعات أو إختيار حاكم للبلد
عمرك خضت انتخابات غير علمانية لاختيار رئيس اي كيان ولو حتي كان نادي
اختصارا العلمانية ليست سبه ولا الحكم الديني بالطبع هي فقط اسلوب تتبعه او لا تتبعه
مجرد نظام اجتماعي ..اجتماعي وليس عقائدي
الإجابة من كلمتين
فكك منه
على باشا
مدونتك على فكرة تحفة
و انت دمك زى العسل
احب اشارك فى الموضع بس بطريقه محايدة شوية
يعنى علمانية الاول؟
هى مش حاجة وحشة و مش معنى العلمانية هى ضد الدين
و مش معنى شخص علمانى انه مش مسلم
ده السؤال من الاول
ليه منفكرش فيه
على العموم عايزك تبقى تيجى تزورنى
و بعدين انك تكون اخوان حاجة مش عيب ولا حرام
ولا انت ايه رايك
على العموم سلام مؤقت
http://ana-7orr.blogspot.com/
سلاااااااااام
بسم الله الرحمن الرحيم
أولا احييك يا أستاذ علي على آرائك الللي انا شخصيا معجب بها
ثانيا ياريت الناس اللي بتدافع عن العلمانية تقول إيه هو تعريفهم لها واتحداك ان اتنين يتفقوا على تعريف محدد لأن العلمانيين أو من يطلقون على انفسهم كذلك ليسوا إلا من رفضوا الحل الإسلامي ولم يجدوا غير حضن العلمانية اللي ما يعرفوهاش اصلا
ثالثا أحب ان أقول للي لسه ما يعرفوش وقاعدين يتكلموا كتير ان الحل الاسلامي مش معناه دولة دينية أو حكم ديني لأن الإسلام لا يعرف الدولة الدينية وياريت زي ما انتوا مقتنعين بالعلمانيه وفاهمينها كده ياريت تقرأوا في النظام الإسلامي للمفكرين المعاصرين وبعدين تتكلموا
بسم الله
حولت اليك تاج
يرجى استلامه من على مدونتي
تحياتي
البحر
يووووووووووو
هوه الموضوع ده ورايا ورايا
انا اعدت شنيت حملة كاملة في احدى المنتديات على مجموعة علمانية كانت دخلت ساحة سياسة وابتدوا يدسوا الافكار العلمانية افكاري لينين وغيره
وبقينا فترة كدة متفرغين تماما لقراءة المقالات والاستشهاد بالادلة
انا مش حتكلم كتير في الموضوع انا ضد طبعا الافكار العلمانية كلها لانها ببساطة تتعارض مع ديننا الاسلامي اللي امرنا بجعل القرآن دستور لنا
بس كدة بقى كفاية علي مرة واحدة خناق وبهدلة ونقاشات
معلش يا اخ واحد من الناس :)
فينك يا حومبى ع المسنجر
عشان كاراكشنجى
لو ما اتقبلناش ع المسنجر
هبعتلك الافكار ع الايميل
وابقى رد عليا
سلاموز
أزال المؤلف هذا التعليق.
مش غريب يعنى انة يقول كدة
هو و امثالة اللى فاكرين نفسهم
حاجة
ماهو احد بية نظيف
قال ف مؤتمر شرم الشيخ الشهير
مصر دولة علمانية
هى يعنى جت ع دة ؟
أستاذي الفاضل
لا يعني ان تجد عشرات المواقع عن العلمانية المغلوطة أن كل ما يكتب عنها صحيح لانك ستجد ايضا مواقع اسلامية تبث معلومات لا علاقة لها بالدين الاسلامي ، سيدي الفاضل العلمانية تعني ان احافظ على اسلامي دون افراط ولا تفريط فلا اكون متشددة ولا اترك الحبل على الغارب لآراء متطرفة العلمانية ان اربط بين ديني وبين ما وصلنا له من تطورات تتوافق مع هذا الدين لكنني ارى الناس الآن انقسمت الى فريقين لا ثالث لهما اما ان تكون مسلم متشدد او ان تكون علماني كافر وهذه للاسف نظرة احادية، نحن بلد الأزهر الشريف حماة الدين الاسلامي (الوسطي) وهو ما جعل مصر من ارقى الدول الاسلامية طوال عقود مضت، لكن ما ان اصابتنا مصيبة النظرة الأحادية حتى أصبحنا من اضعف البلدان!!!! شكرا على ردك الرقيق الذي ينم عن مسلم متحضر
بكره تنفى تهمه انك شيوعى
او ليبرالي ويا خوفى لا تخفى تهمه انك مصرى!
قبل ما تسألنى .. انت علمتنى ولا لأ ، كان الأولى تسأل
أنا بنى آدم أساسا فى البلد دى؟؟
معلهش
ماهو انا لو مش بنى آدم فى البلد
يعنى بمعنى اصح الحكومة بتعامل شوية حيوانات
يبقى غزاى هايبقالى فكر علمانى .. او ليبرالى او او او ..
وعالعموم
انا مش علمانى
انا حاسس إن انا
بتنجانى
وانت؟؟؟
حقول زي أستاذ يا مراكبي ما قال
أنا علماني لأني بأحب جدا أمسك علم النادي الأهلي وأشجع في الإستاد .. ومن غير العلم بأحس إني مش علماني أبدا
على فكرة متخدش كلام من حمدي رزق
حمدى رزق ... بقى الأستاذ الكبير الصحفى العظيم
والله حلوة دى ... عجايب آخر زمن
على فكرة مدونتك هايلة وياريت تنورنى على مدونتى وتقوللى رأيك ... حستناك
يسرني ان اتقدم بخالص التهاني وأطيب التمنيات
لكم والأسرة الكريمة والأصدقاء
بمناسبة حلول شهر رمضان المبارك ،
أعاده الله علينا وعليكم وعلى مصرنا الحبيبة
بالخير واليمن والبركات
تقبل الله وكل عام وانتم بخير
النتيجة غير مبشرة بالنسبالك
حتى الآن أكثر من 60% علمانيين
لسه إمبارح مخلص كتاب أتمنى إنك تقرأه
ابحث عنه على النت - الحقيقة الغائبة - فرج فوده.
بالمناسبة انا كمان مش إخوانى ولحد دلوقتى مش علمانى - - لكن مش معنى كده ان العلمانيين دول كفره - بالعكس - ممكن يكونوا واقعيين شوية.
من كل قلبى أتمنى انك تقرأ الكتاب.
هو انت تقصد حمدي رزق الي بيكتب في المصري اليوم
يعني اذا كان هو نفس الشخص
فبصراحة انا بحس انه عامل نفسه فاهم كل حاجة و هو و لاهو فاهم حاجة
و احيانا بحس انه بيضرب كلام في الهجايص كدا
و عموما انا صوتت :)
السلام عليكم ورحمه الله وبركاته
كل عام وانت اللى الله اقرب وعن المعصيه ابعد ان شاء الله
كل عام وانتم با الف خير
kol sana wenta tayeb ya 3ali :))
كل سنة وانتم طيبين الاول
بس كنت عاوز اسئل علي فين تدويناتك ياكبير احنا مستنيينك بقالنا فترة وانت بطلت تدون ولا ايه
وياريت تزور مدونتي وتقول ليا رايك
http://www.gornalgy.blogspot.com/
كل سنة وانت طيب
ورمضان كريم (:
يلا يا شباب مصر, تعالوا اعرفونا و نعرفكم
و أكيد هنعمل حاجة Trateesh Kalam
انا من المنصورة و ما تبقاش متشائم كده انا اتخرجت اشتغلت الحياه حلوه و علي فكرة كل ده كلمات مالهاش لزمة عشان يلاقو حاجة يكتبوهاو بعدين كل صحفي يا اهبل يا بيستهبل انا اشتعلت شوية في مؤسسات المجتمع المدتي و شوفت العجب كان الصحفي ياتي الي الندوة يسال بعض الاسئلة و بعد يومين تجده ينشر الاسئلة و يجاوب عليها من خياله و ينسب الاجابه لاحد ضيوف الندوة
لا والله العظيم
انا مش علماني واعرف يجي خمسين مدون ومدونه اصحابي وحبايبي ومش علمانين
_________________
نبأ هاااااام
هبه اختي هتنشر اول كتاب ليها في الأسواق يا ناس
والمفاجأه ان الكتاب هو السلسله اللي كانت بتنشرها في مجلة بص وطل
يوميات اتنين مخطوبين "عمر و ساره"
الموقع بتاع بص وطل نشر الخبر وحاطين الصوره وهي بتمضي العقد
استعدوا عشان تشتروا الكتاب
اهم حاجه ان الكتاب فيه بس اللي هي كتبته مش اللي الناس كتبوه
لأن الفكره ناس حاولت تستغلها وتكتب فيها اللي على مزاجهم
صدقوني هتعجبكم قوي
وممكن تقرأو ا الأجزاء الأولى من ارشيف مجلة بص وطل
والحاضر يعلم الغايب والغايب يسأل الحاضر
سلاااااااااااااااااااااااااام
انا احب عالمية الاسلام
لا علمانية الدولة
اي ان الاسلام
ينتشر فى العالم
كله باخلاقياته
وتعاليمه السمحة
ان العلمانية ليست سبة لكى تتبرا منها كانك تتبرا من تهمة
على فكرة انا من المنصورة وطالب فى جامعة المنصورة ولا اعرف من هو حمدى رزق واعتقد انة يبالغ
هو فقط يرى ان المتحررين عموما يمثلون نسبة كبيرة من المدونين
لكن اغلب الناس لا يعلمون ما هى العلمانية
http://www.who-is-wael-abbas.blogspot.com/
اعرف حقيقة وائل عباس ده لو كنت بتفكر
وتعال وشارك معانا وقوا رايك في وائل عباس
هلا وغلا
استاذ علي
دمك شربات ومدونة رائعه
جداً خي
خي الكريم كبداية العلمانيون هم من بدء في تدوين
وهذا كلام قاله الاستاذ عبد المنعم في مقابلة له على قناة حرة
ولكن كوجود وتمثيل وعدد فطبعاً
الاخوان المسلمين
حتى ولو فرض ان العلمنين هم اكثر تواجد فهذا لا يغني طالما نشاطه يقتصر على كلام فقط دون تطبيق ما يقول على ارض الواقع
عكس شباب الاخوان الذين يعكسون ذلك على ارض الواقع
وللعلم مش اخواني
بتمنى اكون اخواني من مصر
بس للاسف اعيش في الاردن
والاخوان في الاردن ساكتين بشوف غلط وما بحكو ببقو صامتين
عكس مصر ام دنيا في اعتقال في اخلاص في العمل وفي شباب برفع راس
حمدي رزق
هههه
يا راجل كنت افتكر ربع جنية مخروم!!
تحياتي
السلام عليكم
بصراحة اول ما سمعت فى البداية خالص عن المدونات قبل ما اعمل مدونتى كنت فاكرة ان معظمهم علمانين وناس ما لهاش فى الدين لكن بعد كدة الصورة الذهنية عندى اتغيرت
السلام عليكم
اتمنى ان تشاركونى
فى حملة هنكون احسن
http://hankoona7san.blogspot.com/
السلام عليكم ادعوك لزيارة مدونتى الجديده و تشوف قصيدة مبارك يا من ذا الذي في مصر الجديده
شكرا
علماني الماني الماني
هب الهوا و رماني
يابني هتلاقي منه كتيييييييير
ربنا يشفي
كل عام وانتم طيبين بمناسبة عيد الفطر المبارك وانشاء الله نصلي صلاة العيد الجاى في المسجد الاقصي وتكون القدس متحرره
تحياتى لكل عظيم وعظيمه
كل سنة وانت طيب
ويارب يكون عيد سعيد عليك
انت فين يابني؟؟؟؟؟؟
الله يحرقهم
ونخلة ايه وزفت ايه
دول عالم متخلفة عملو بلبلة للشباب
وهو مش ناقص اصلا
الله يقطع نخله على اللى زارعه
هو الاخ حمدي رزق دور في مدونات مصر
شكله راح حته تانيه
لاحول ولا قوة الا بالله
مشكوووووووور
إرسال تعليق
<< Home