يا قلبي لم نفسك
قالولي : عامل ايه ؟؟
قلتلهم عايش
وشعري هايش
ولابس كاب
ـــــــــــ
قاعد لوحدي
بكلم نفسي
لا ليا قرايب
ولا حبايب
ولا اصحاب
ــــــــــــ
باكل عيش
وطبق فول
الطعم ممل
والمنظر يشل
امتى ياربي
هاكل كباب
ــــــــــــ
وقاعد بدندن
باغني وافنفن
اغاني جامدة
لحسني و دياب
ـــــــــــــ
لميت الدبان
وصحيت الغربان
وجننت النسوان
وهبلت الكلاب
ـــــــــــــ
اه يا قلبي يا قاسي
يا شايل وناسي
وقافل بيبانك
متفتح الباب
ــــــــــــ
عشان الحلو يخش
والعب تحت الدش
ولغلي افش
واعيش الشباب
ـــــــــــ
اه اه اه
يا حلو ياللي الشعر سايح عالقفا
تعالى يا حلو اقولك كلمتين في الدفا
يا حبشتكة يا حبشتكة
القلب من حبه اشتكى
متحن عليا يا حبي
وضيع ايام العذاب
ــــــــــ
دبور الحب قرصني
وجرحني وعملي واوا
ومن يومها اتهبلت
وبغني كوكو واوا
وبمشي في الشارع أهبـٍل
وساعات بقوم أطبل
ولأي بنت أسبل
مع اني طول × عرض
وشبه اللبلاب
ــــــــــــ
ادي الحب وادي سنينه
واللي زيي الله يعينه
في حظه منحوس
وفي مخه ملحوس
وفي جيبه مفيش فلوس
وحالته هباب
ـــــــــ
أه يــا أنــــا
التسميات: حلاوتك يا ابيض
كــتــبــهــا واحـــد مـــــن الـنـــاس | 7:13 م
23 CoMMeNtS :
أنا أول تعليق ياللكون الأهوج..والشعر المموج ..تتلاطم الأمواج..على شاطئ الأحزان
ويضيع البروتين..في أزمة البنزين
يا علولا يا راسي
تاج ووفوق راسي
على دماغك باحدف كراسي
وأدحرج التماسي
وإن شفتك من وراك
يا علي يا طويل زي المسواك
على أفاك المدلع
بلدع..وارزع
يا قلبي لم نفسك..علولا خلاص جايلك
يا قلبي لم نفسك...بلال كمان جايلك
ياقلبي انظم أشلائك المبعثرة
على حافة المشرحة
مشرحة الغربة والوحدة والحب..والأنظمة
..
يا قلبي لم نفسك
مافيش قلب تاني يحسك
غيرك انتا
فأحسنلك
يا قلبي
لم نفسك
لم نفسك
لم نفسك
...
واضح إنك واقع يا لولا
اية ياعم اية دة ؟
اية الروقان و الجمال و الحلاوة دى ؟
يخرب عقللك يا مجرم
شايف يا علي..محدش بيعلق عندك غيري
بيب بيب أهلي
دمك زى السكر مأدرتش أمسك نفسى من الضحك والعيله المصونه بصتلى فى عجب خلاص همه اتأكدو ان النت بيربى الخفيف
ويجعله عامر
يا عيني يا ليلي
كتير حلو اللي انت كاتبه ده
كمية كبير من الاشاعير فعلا انت حساس يا بني
سلامات
looooooooooooollz eh da :D
ندعوكم لزيارة العدد الثالث من مجلة نفسنا
ومن لدية القدرة على الكتابة ويريد الكتابة معنا يراسلنا
nafsena@gmail.com
ياعم ايه الجمجمة الي متكلفة دي
فكرتني بمدونتك هبل في الجبل
بوسف حلو وخفيف
تحياتي
other_things
انتا قاعد في فرح يابني ؟؟
بقا ينفع تعملي كده في باكورة انتاجي الشعري ؟
kafrawy
ده التطور الطبيعي للتهيس في الحر ده ياباشا
بس بجد نورت المدونة
فى القلب
هههههههه
ربنا يخليكي يارب
انا معدتش هكتب حاجات من دي تاني
الناس كلها كانت هتاكلني والله
عـلا - من غـزة
فعلا الاشاعير بتأثر على الواحد وخلته يكتب الكلام ده
اشاعير اشاعير يعني
منورانا يا علا
Mony The Angel
ايه يا بنتي
انتي شفتي قرد قدامك ولا ايه ؟؟؟؟؟
نفسنا
شكرا على الدعوة الكريمة وبإذن الله هكون زائر دائم ليكم ان شاء الله
Ahmed AL-Hussany
الله يخلييك يا استاذ احمد
دايما جابر بخاطري كده
ربنا يكرمك يارب
وتفضل منورنا علطوووووول يارب
هههههههههه جامده ياعلى والله بجد رائع انا معنديش كلام اقولو الكلام اصلا بيتكلم لوحدو ههههههه ربنا يوفقك
D◎◎dy §okar
والله انا معرفش النا كتبت الكلام ده ازاي
اهي جت كده ومعرفش مالي
منورانا يا دودي
ههههههههههههههه حلوه كتير
بس متقلقش الحر بيعمل اكتر من كده
هههههههههههه
صباح التهيس
كلام تهيس فعلا
بس جامد ومنتظرين جديدك
تقبل مرورى اميرة الرومانسيه
لا حول الله يا رب يابنى منت كنت كويس وعاقل .. ايه اللى حصلك بس
صعبت عليا يابوعلى ... بس شعر من الاخر
قسم وسمعنى :]
مشكوووووووور
إرسال تعليق
<< Home