الاقصى نادى والندى غالي ...ويهون عشانه العمر لو غالي
وَاحِـــدْ مـِــنْ الـــنــَــــاسْ: نخلة وحجازي وحرية الاعتقاد
ايوة انا  .. في حاجة يا عماد ؟
NaMe : Ali Adel
FroM : el ManSoOorRa , Egypt , Agda3 Nas

طالب جامعي حاليا ..عاطــل مستقبلا

ana Meen ba2a ?

الأحد، أغسطس 05، 2007

نخلة وحجازي وحرية الاعتقاد


هل شاهدت حلقة امس في برنامج العاشرة مساءا ؟؟

هل شاهدت الفقرة التي جاء فيها بان احد المواطنين المصرييين المسلمين ويدعى محمد حجازي اعتنق المسيحية ويريد تغيير ديانته في الاوراق الرسمية ؟؟

اذا كنت لم تشاهدها

فيستحسن ان تبحث عنها لتراها

واذا كنت شاهدتها

فهل رأيت الفقرة التي يجلس فيها المحامي القبطي النخلة ممدوح نخلة

على مكتبه مجعوص ليقول بصوت رخيم

ان هذه القضية هي اول قضية تعرض على القضاء المصري من هذه النوعية

وانها تابعة لحرية الرأي والعقيدة والتعبير وحرية الاعتناق

ومن شاء فليؤمن ومن شاء فليكفر


..

اولا قبل ان اعلق على اي شيء

اعلن اني بكره المخلوق اللي اسمه ممدوح نخلة ده

مبطيقوش .. وكل ما اشوفه بتنكد

انا مش هتهمه بالاتهامات المعروفة بالمتاجرة بقضايا الاقباط المسيحيين

وانه بيسعى للشهرة او الى اخر الكلام

لكن هقول موقف زمان شفته للشخص ده قبل ما يبدأ يشتهر شوية على حس قضية الاقباط اللي الاخ عامل نفسه ممثل للاقباط وفي كل مكان بيتحدث باسمهم

ايام حوار كريم عامر..او عبد الكريم سليمان ..ايوة المدون اللي شتم النبي صلى الله عليه وسلم والاسلام باحط الالفاظ والعبارات

في استهانة بالغة بمعتقدات ومشاعر ملايين المسلمين

كانت بطبيعة الحال المواقع القبطية التابعة لاقباط المهجر تتلقف كريم عامر وتتبنى حملات الدفاع عنه

باعتباره رمزا لحرية التعبير والديموقراطية وحرية الاعتقاد

في استفزاز كبير لمشاعر المسلمين الذين يرون اشخاص مخالفين لهم في الدين يستميتون في الدفاع عن شخص اهان دينهم ومعتقداتهم

في احد المواقع دي شفت فيديو

يظهر فيه فضيلة المناضل العظيم الكبير عبد الكريم سليمان وبجانبه المحامي النخلة ممدوح نخلة

والاخ نخلة بيجري حوار معاه و (( بيطرح )) الاسئلة .. نخلة بقا

وبيكلمه بيقوله : المفكر الكبير عبد الكريم نبيل سليمان

كريم عامر الشتام السباب بقا مفكر كبير يا نخلة !!!

في استفزاز ثاني لمشاعر الناس

وقعد ممدوح نخلة يكلمه ويعظم فيه الخ الخ الخ

انا من ساعة ما شفت الفيديو ده من فترة

وقبل ما اعرف مين هوا ممدوح نخلة

كرهت الشخص ده ... بعد ما حقيقته بانت بانه واحد من مشعلي الفتنة اللي عايزين يتكسبو وينالو الشهرة وراء المتاجرة بقضايا الاقباط..وان الوحدة الوطنية و الملوخية دي ما هيا الا شعارات بيرفعها وقت اللزوم

لكن وقت الجد كل الشعارات دي بتتبخر وتطير وتيجي بدلها الافكار والمعتقدات اللي فعلا نخلة بيؤمن بيها

..

والدليل على كده موقفه من قضية ماكس ميشيل

فكما يقول شريف نجيب صاحب مدونة هدوء نسبي


ــــــــــــــــــــ

طبعاً فاكرين معارك حقوق البهائيين التي شغلت الرأي العام لفترة و راحت لحال سبيلها.فاكرين بقى الأستاذ ممدوح نخلة المحامي بتاع مركز الكلمة لحقوق الإنسان ؟و كلامه الإنساني عن حرية العقيدة و ممارسة الشعائر الدينية .. و إنتقاده لما وصفه بالإنتهاك الصارخ لحرية العقيدة آنذاك.. و فرض أصحاب دين الأغلبية أنفسهم حكاماً على الأخرين .. و الفهم الديني في مواجهة الفهم الإنساني للحرية العقائدية .. حسنا.. لقد قام الأستاذ نخلة مشكوراً بالطرطرة على كل هذا الكلام

.ففي خِضَّم ما يحدث هذه الأيام من إنشقاق في الكنيسة يقوده السيد ” ماكس ميشيل حنا ” الذي رسَّم نفسه بطريركاً لكيان كنسي جديد. يفاجئنا الأستاذ نخلة بتحوره إلى إلى عبده روتين يتحدث عن تصريحات الداخلية المطلوبة لإنشاء الكنيسة الجديدة و يذكرنا باللوائح و القوانين التي طالما انتقدها و يرفع القضايا ليمنع مجموعة من الناس من ممارسة العقيدة بالطريقة التي يريدونها !


ــــــــــــــــــــــــــ



يرجى قرائتها قبل اكمال تدوينتي

..

المهم عشرات المواقف تبين حقيقة الشخص ده وازاي انه مجرد مدعي للحرية ومروج للشعارات البراقة

طبعا فاكرين ازمة السيدة وفاء قسطنطين ؟؟

مش فاكرين ؟؟
طيب لو فاكرين ان السيدة وفاء قسطنطين زوجة قسيس اعلنت اسلامها لكامل ارادتها
وتم اختطافها في دير وادي النطرون واجبارها للعودة للمسيحية
وحتى الان لا يعلم اي احد هل هي حية ام ماتت
وقتها لم نر نخلة يجلس مجعوصا ليتحدث عن حرية العقيدة
وحرية الاعتقاد و ومن شاء فليؤمن ومن شاء فليكفر
بالعكس وقف موقفا متحيزا وسافرا بجانب الكنيسة في فعلتها باختطاف وفاء قسطنطين
واندلعت مظاهرات الاقباط المسيحيين وحدثت بها الكثير من اعمال الشغب
ورخضت الحكومة لمطالب اقباط المهجر وضغوط الادارة الامريكية
ولا يعلم اي احد ما هو مصير السيدة وفاء حتى الان
.
كل هذا ويأتي نخلة ليتحدث عن حرية الاعتقاد الان وان من حق محمد حجازي ان يعتنق المسيحية
انا لا اهتم بمحمد حجازي هذا او غيره
يبقا مسلم ..يكفر .. يتحرق بجاز .. احنا مالنا ؟؟
بسم الله الرحمن الرحيم
وَكُلَّ إِنْسَانٍ أَلْزَمْنَاهُ طَائِرَهُ فِي عُنُقِهِ وَنُخْرِجُ لَهُ يَوْمَ الْقِيَامَةِ كِتَابًا يَلْقَاهُ مَنْشُورًا(13)اقْرَأْ كِتَابَكَ كَفَى بِنَفْسِكَ الْيَوْمَ عَلَيْكَ حَسِيبًا
13-14 (الإسراء)
وكل شخص مسؤول عن نفسه وربنا سبحانه وتعالى هيوفيه حسابه يوم القيامة
وزي ما في جواسيس خانو بلادهم وراحو غيرو دينهم عشان يتجسسو لحساب اسرائيل
عشان حفنة من الدولارات
فمن الممكن ان شخص يعمل نفس الشيء لخدمة اجندات جهات خارجية تريد شعللة هذا البلد وايقاع الفتنة فيه
وطبعا سيجد الكثير من الوصوليين الافاقين اللي بيحاولو الوصول للشهرة والمال عن طريقة المتاجرة في القضايا دي
وهذا شيء وارد جدا جدا جدا
خصوصا بعد ما كشفته مدونة
..
..
تحت عنوان
بعت دينك بكام يا حجازي
و
وداعا يا من كنت صديقي
يكشف فيه صاحب المدونة علاقته بحجازي
وكذبه على وسائل الاعلام بانه اعتنق المسيحية منذ كان في السادسة عشر من عمره
كما انني لاحظت الخبر في احد مواقع اقباط المهجر يقول بان محمد اعتنق
المسيحية منذ 4 سنوات فقط بعكس ما قاله محمد نفسه
فقط اريد ان اسأل لماذا لا يتم التعامل بالمثل في قضايا اشهار اسلام المسييحين والمسييحيات ولدينا عشرت النماذج الان
ولماذا وقت ان اعتنقت وفاء سلطان وغيرها الاسلام لم يكن ذلك تابعا لحرية الاعتقاد .؟؟
وايضا
بعد كل هذا اتسائل تسائل بسيط جدا ومشروع
يا ترى من هي الجهة التي تهدف الى اثارة هذه الزوابع والقلاقل والفتن في مصر
ومن هي الايادي الخفية التي تحاول اشعال النار في مصر ووقوع حرب اهلية طائفية بين المسلمين والمسيحيين ؟؟

التسميات: ,

27 CoMMeNtS :

Blogger D◎◎dy §okara Said To Me :-

والله عندك حق بجد انا عجبتنى مدوناتك جدا جدا ورائعه وكلامك واضح وصريح بجد اتمنى لك التالق دائما وعندك حق فى الى بتقولو مهم لازم يعملو كده عشان يشدو الناس للمسيحيه ماهو دا الطبيعى بس المسلمين عارفينهم انهم لوئمه طب عارفبقى البنت الى جت فى برنامج الحقيقه وكانت مسلمه وبقت مسيحيه و مش عرف هقولك دى سافرت بلاد برا واتصلت باهلها تقولهم من هناك انها بقت مسيحيه طب مين الى هيساعدها انها تسافر برا الا هما حد منهم عشان يحببوها فى المسيحيه لكن لما جبوها مقلتش كده قالت دا انا كل دا بارادتى ومحدش غصبنى ع حاجه وبباها ياعينى كان فى نص هدومو وهو بيكلمها ويعيط وتقولو متزعلش يابابا انا حره وكلام كتير من دا فدا هو الحال دلوقتى وربنا يسترها بقى وينقذ الاسلام والمسلمين جميعا

11:40 م  
Blogger islamz Said To Me :-

عارف يا على انا كنت امبارح بالصدفة بشوف القنوات وشفت منى الشاذلى اللى مش بقبلها . وهى بتقول ان فى من ضمن الحلقة قضية محمد اللى عاوز يغير دينه .. ويحول من الاسلام للمسيحية ..

صحيح ان ربنا قال فى كتابه الكريم
لكم دينكم ولي دين ..

لكن هل نسينا حروب الردة .. من خرج عن الاسلام فقد كفر وحد الردة القتل .. ولا راد لحد من حدود الله ..

ده رأيي .. فى الموضوع ده

قال رسول الله صلى الله عليه وسلم
(من بدل دينه فاقتلوه ) صدق رسول الله صلى الله عليه وسلم

والدين عند الله الاسلام ...

12:30 ص  
Blogger hend Said To Me :-

عندك حق فى كل اللى قلته انا شفت اجزاؤ من الحلقة دى وكمان الحلقات اللى عملتها منى عن المسيحيين اللى اسلموا وجايبين عائلاتهم وبيتكلموا عنهم كانهم ذئاب بشرية اللى بيبهدل مراته وبيجبرها على الاسلام وده غير اللى حصل فى برنامج الحقيقة عن الاخ المسيحى اللى بيدعوا المسلمات للاستنصار وده طبعا كله مهزلة بتحصل وبصراحة لا يلاموا على ما يحدث او يلام هذا المحامى اذا كان شيخ الازهر قد وافق منذ اشهر على توقيع اتفاقية التنصير ولو ان نواب مجلس الشعب عارضوها لكانت قيد التنفيذ علانية

7:09 م  
Blogger فى القلب Said To Me :-

يسلم فمك يابنى
أيه الحلاوه والتألق ده
واللهى ده انت صحفى جامد جدا
جمع مصادر و ترتيب احداث مفيش احلى من كده
وطريقه سلسه ربنا يوفقك أدينا من ده على طول

12:07 ص  
Blogger Ahmed AL-Hussany Said To Me :-

تسلم ايدك يا علي
والله معاك حق
انا قريت باقي التدوينات اللي انت اشرت ليها
حقيقي انا مندهش ازاي قدر يبيع دينه بسهوله
والتاني المحامي اللي عامل فيها فنط وهو حقير
تاجر مصالح وساعي شهرة وخدام لاسياده
بس الحق مش عليهم الحق على الجزمة اللي سايبلهم
الحبل وبيقول حرية تعبير ، اه حرية بس ليهم
واحنا الارهاب كله ، ربنا يخلصنا منهم كلهم مرة واحدة
انا في رأي كل من ارتد يقتل وفي ميدان عام كمان
وماليش دعوه لا بحكم ولا سياسة انا مش عارف الناس
دي هتقف ادام ربنا ازاي يوم القيامة وهتقول ايه
على العموم
إن غداً لناظره لقريب
تحياتي

7:53 ص  
Blogger other_things Said To Me :-

بعيد عن حسابي معاك
..
يا عم يغور في ستين بتاعه تاخده
..
بيتهيألي إن كلام أصحابه كافي جدا
واد بتاع شهرة..اللي عاوز يشتري يدفع
..

6:36 م  
Blogger 3rby Said To Me :-

ازيك يا علي
لولا ان بكرة الانفرساري كنت كتبت علي كل ده كمان الكومبيوتر كان بايظ

شوف يا سيدي
انا شايف ان ولا المسلمين ولا المسيحيين قابلين بعض بشكل كامل
مش هاقولك غلط ومش غلط لان واضح ان مش عاجبك حكاية الوحدة الوطنية ديه:"وان الوحدة الوطنية و الملوخية دي ما هيا الا شعارات بيرفعها وقت اللزوم"
فديه اصلا حاجات اتكونت علي مدي عقود ومش هاعرف اغيرها في تعليق
ممكن اكلمك من منطلق المصلحة
انت ليه شايف المسيحيين اعداء وبتتكلم كانها تهمة ان الواحد يبقي مسيحي:" اشخاص مخالفين لهم في الدين يستميتون في الدفاع عن شخص اهان دينهم ومعتقداتهم"
اولا انا عن نفسي مش مع اللي قالو كريم-وهو حر يختار اسمه-بس برضو بالاش نرد علي الشتيمة بالبلطجة زي اللي حصلتلوا ده يثبت اللي بيتقال عن الاسلام وانه دين ارهاب،تبقي مبسوط لما يتقال كده؟طيب ومادام الاسلام كفل حرية العقيدة"من شاء فليؤمن ومن شاء فليكفر"-"لا اكراه في الدين"-"لكم دينكم ولي دين"
يعني ايه اللي مدايقك ان واحد يسيب الاسلام.يبني احنا ربع سكان العالم وبناخد علي قفانا فدنا هو في ايهزانا شايف انه لما ياخد حريت دينه-قصدي علي حجازي-بالعكس هايفيد اكتر والصورة الصح للاسلام تتكون.اما بالنسبة لنخلة ده يا عم ماتبقاش تروحلو بس يعني هو سب الاسلام؟ماهو فيه ناس كتير بتضر الاسلام اكتر من تبنيه للقضايا ديه.يعني انت سايب كل اللي بيحصلنا ده وماسك في موضوع النظام وامريكا واسرائيل هم اللي مستفيدين منو.امريكا يوم لما دخلت العراق قالت نووي واكرادزلما يدخلو مصر هايقولو مسيحيين ونوبة
وبعدين يعني ركذ معايا كده
الاسلام فيه دعاة والمسيحية فيها مبشرين ايه المشكلة لما كل واحد يشتغل
هاتقولي بيدفعوا هاقولك اللي يقبل يبيع دينه-وده غير التغيير عن اقتناع-يبقي يسيبه احسن يعني لو فضل مسلم وقعد يسب الدين يبقي احسن ولا لما يبقي مسيحي؟وبعدين فيه ناس كتير واخدة اسم مسلم ده كده يعني والنماذج ديه ممكن تلاقيها في الاماكن الفقيرة اوي او الغنية اوي اوي فادوك في ايه ولا هي عزوة
انا رايي اننا لازم ننقي قلوبنا كمسلمين ومسيحيين ونتمسك بديننا
يعني محدش مستفيد من اللي بيحصل غير الحكومة وامريكا واسرائيل ليه بقي اقولك ليه
يعني النظام مستفيد من انك بدل ما تكتب عن اللي اتحدف من بلكونته اليومين دول في الجيزة كتبت عن موضوع زي ده واسرائيل منسيانا الفلسطنييين اللي بيتفشخوا كل يوم والاقصي اللي بيتهد ولا انت نسيت اللي حصل بين فتح وحماس-انا شايف ان القيادات فاسدة في الحركتين وان الكوادر هبل وانا اعرف فلسطنيين في مخيمات برة وجوة فلسطين بيحكولي علي عربيات مرتات قواد حماس في المخيمات-يعتبروا درجة تالتة من القواد-وملايين تعليم ولاد فتح المهم مش موضوعنا-
بالنسبة بقي للبهائيين عاوز اقولك دول بقالهم قرون لما يبقي بهائي وتكتبه مسلم هاتستفيد ايه يعني لو يتجوز واحدة قريبتك ايه اللي يعرفك دينه مش كده يبقي حرام؟
زي ماقلتلك ماهياش عزوة يا علي خلونا نركذ في الاخطار
ولو انت شايفهم اعداء وده واضح من كلامك ترضي تديهم حكم زاتي ويطردولك المسلمين من الصعيد ونقعد نضرب في بعض وبعد اسرائيل تيجي تفشخنا احنا الاتنين بعد مانبقي ضعفنا اكتر ماحنا ولا تحب اقباط المهجر العملاء يستلقوا الناس ديه وتلعب في دماغها شايف نخلة منافق وازدواجي يبقي سهل الانتقال بين الاديان وماتخليش الناس تلجأله
عارف لما يبقي اسهل الانتقال بين الاديان احنا نزيد ونزيد ناس محترمة(لو بنتكلم بمبدأ العزوة والمصلحة)عارف ليه؟انا شايف ان معظم المسلمين الوارثين الاسلام مايستهلهوش ولا انت مش واثق في دينك؟انا عن نفسي واثق وقريت اديان كتير وايقنت ان ديني هو الاحسن بس ده اللي انا شايفه هم كمان شايفين حاجة تانية انها صح يبقي ايه الصح؟
الصح ان الكل حر وربنا يحاسب لو احنا غلط يبقي هانتحاسب ولو هم غلط يبقي هايتحسبوا بس مش من حق حد يحجر ويحاسب انا شايف ان الانتقال ده شيئ صحي للمجتمع عالاقل احسن من الناس اللي شايلة كلمة مسلم وراثة وبيعملوا كل الكبائر ولا انت ايه رايك
يعني ايه اللي يجري لو سيبنا حجازي يروح ونجيب اللي عاوزين يبقوا مسلمين؟
الازدواجية ديه موجودة عندنا وعندهم يعني اقري
يعجبك كده؟يعني هو ده الاسلام؟
http://zenzana.blogspot.com/2007/06/blog-post_2296.html
شوف الناس اللي عاوزة تدخل الاسلام عشان دين سلام وتسامح لما يشوفوا كده يبقي ايه؟
وبعدين مشاعر ايه مشاعر ايه هو احنا بقينا بنحس شوف ملايين المسلمين اللي ماتوا في العراق واللي اتشردوا واللي اتصابوا
طيب اقلك حاجة
اليهود اللي بنوا اسرائيل هم اليهود الشرقيين-السفارديم - تعرف ليه؟عشان كنا بنتهضهم برضو
بص لما نخلة ده يتكلم عن حرية العاتقاد وهو مش مؤمن بيها ده يمس مظهره بس احنا برضو لازم نؤمن باللي امرنا بيه قرأننا من حرية الاعتقاد ونبقي احسن
تعرف الفرقعة ديه ليه
علشان مش راضيين نديله حريته
فبيستغل غبائنا ويؤل معتنق المسيحية من سن 16
لو قال كده بعد ماغير دينه ماحدش هايسمعله
خلينا نقطع محاولات التشويه واللي علي فكرنا مش من المسيحيين بس لا في مسلمين كتير-او هكذا يدعون-مستفيدين جدا وفلوس وحوارات

يعني ايه اللي يجري لو زادوا كام واحد ماهي السعودية اهي كلها مسلمين شوف السعوديين والسعوديات بيعملوا ايه لما يخرجوا من السعودية
دع الخلق للخالق وسيب اللي يشتم يشتم واللي يغير يغير خلينا فاللي بيقتلوا وبيغتصبوا وبيسرقوا وكل واحد يترد عليه بطريقته احسن علشان اللي بيحصل ده اللي عاوزين يشوهوا الدين مستفدين منوا برضوا

8:48 م  
Blogger other_things Said To Me :-

تعليق عل التعليق الأخير

علي طبعا يا سيدي مابيفكرش إن المسيحين أعداء

وانا عندي أصحابي مسحيين والعملية فلة

وممدوح نخلة وأقباط المهجر

كل مشكلتي معاهم إنهم بتوع أمريكا

يقولوا لأمريكا اقطعي المعونة..ويقولوا المعونة تتزع في مناطق ذات أغلبية مسيحية

كل المشكلة إن بحس إنهم باعوا البلد ..وشالوها من دماغهم

وعمالين يولعوا نار وخلاص
>>
ما يغور حجازي ده ويبقى براحته
بس أسلوب التناول من الكنيسة هو اللي بيشعلل كل المواضيع
..
يعني الكنيسة هيا اللي بتتصرف وكأنها في معركة حياة أو موت
وأقباط المهجر يستعينوا بالخارج

2:54 م  
Blogger 3rby Said To Me :-

other things
اولا انا مش مع اقباط المهجر ولا امريكا ولا اي حاجة انا برضو شايف ان اقباط المهجر دول ولاد ستين كلب بس هاقولك علي حاجة
جرائم الاقليات مسؤلة عنها الاغلبية
يعني بتوع اقباطالمهجر خانوا بس فكر خانوا ليه؟صحيح عندهم استعداد للخيانة بس ده لوحده مايكفيش لازم حجة بدليل ان فيه مسيحيين شرفاء معندهمش استعداد زي جورج اسحاق مثلا شوف كان بيعمل فيهم ايه عالجزيرة والحجة هي الاضطهاد
المسلمين والمسحيين بيغلوا من بعض بقالهم سنين بس احنا الاكتر احنا اللي نبدأ بالتحسين
وبعدين ماسألتش نفسك ليه الكنيس بتتعامل كده
هي ديه نفسية الاقلية
يعني اليهود بيتعاملوا كده عشان قليلين
المسيحيين في مصر برضو لازم يتعاملوا كدهوالمسلمين في اوربا بيتعاملوا كده
لازم اغلبية المجتمع تحسسهم انهم مش اقلية وشوف التعامل هايبقي ازاي

5:01 م  
Blogger other_things Said To Me :-

موافق طبعا على وجود المسيحيين الشرفاء
وهم الأغلبية الساحقة من إخواتنا المسيحيين الحمدلله
..
بس مفيش أي مبرر مهما كان لمعاداة الدولة ..صدقني أنا مش شايف أي مبرر لكده
..
لو قلنا ممنوعين من كذا حاجة..هتلاقي حضرتك.إن الإخوان ممنوعين أكتر منهم ستين مليون مرة
وبرضك ما فكروش يزقوا عليها أي دولة
..
رأيي أن هناك من القيادات المسيبحة من يتاجر بالقضية جهارا نهارا ..ويستعين بأمريكا ضد إخوان الوطن
ويظهر أمام إخواننا المسيحيين وكأن هناك ظلم رهيب وعنيف واضطهاد ولهم جرا
..
أنا الصراحة وبجد ..كل النماذج وزمايلي في الكلية ..بأعاملهم وبلاقي كل بياعملهم ..زينا بالظبط..لأنهم زينا بالظبط
..

7:47 م  
Blogger omar مشروع بطل Said To Me :-

مع احترامى للأقباط و للمسيحية والمسيحيين بشكل عام "فقط" لان دينى أمرنى ان احترمهم والا أظلمهم وان اعاملهم بكل خير وذوق وأدب واحترام وجدعنة كمان

وانا ليا اصحاب كتير من المسحيين ويكفى انى لما رحت أسجل اسرة للاخوان المسلمين فى الكلية (من كتر علاقتى الكويسة بالمسيحيين) أشترك معناا فى الاسرة 3 مسيحيين و2 مسيحيات
((فى أسرة الاخوان المسلمين !!!!!!))

لكن معلش برضه الحق يتقال واللى يزعل يتحرق ::
دعاة الفتنة والطائفية والصراع منكم

ونصيحة أخرجوا العملاء من بينكم
بكرر تانى وانا قدها فيه بين المسحيين (الاقباط) أقصد دعاة للفتنة ودعاة للمسحيين وعملاء وللأسف منهم من تولى مناصب قيادية سواء فى الكنيسة او خارجها

وفيه برضه بين المسلمين جاهلة ومش فاهمين احترام الاديان الاخرى
لكن المحرك الاساسى للفتنة بينكم انتم(انا بكلم الاقباط)

وفيه برضه (وابقى 60 كداب لو مقلتش كده) بين المسيحيين محترمين كتييييير ووطنيين كتير
____________
ان كان هناك رد على التعليق ده فيفضل يكون فى مدونتى علشان أقدر اقراه

7:55 ص  
Blogger بيدو Said To Me :-

اتشرفت بزيارة مدونتك بجد رائعة
وبعدين موضوع الاقباط والوحدة الوطنية ده موضوع خلاص بقى عامل زي الطبيخ البايت مبقاش له معنى ومحدش بقى بياكل من الكلام ده
وامنتى تشريفك مدونتي المتواضعة

5:42 م  
Blogger other_things Said To Me :-

كلمة فقط دي يا عمر مالهاش لزمة..لإن ديننا بيأمرنا بالفطرة..أنا مش فاهم قصدك الصراحة

7:44 م  
Blogger واحـــد مـــــن الـنـــاس Said To Me :-

D◎◎dy §okara
البنت اللي قلتي عليها دي اسمها زينب
وحكايتها حكاية كبيرة جدا
عموماشبكات التنصير في مصر شغالةعلى ودنه
وشوفي البالتوك واللي بيحصل فيه
ومواقع اقباط المهجر
وكتير من الشباب المسيحي متورط في
الحكايات دي
وبيتمولو تمويل جامد جداجدا للحكايةدي
ومنهم ناس اعرفهم شخصيا
عموما الغلط فينا احنا والعيب مننااحنا
مهتمين بتفاهات الدنيا وسايبين اعداء الاسلام ينهشوفي ديننا ويشتمو في نبينا

3:58 ص  
Blogger واحـــد مـــــن الـنـــاس Said To Me :-

islamz
عموما يا اسلام
الموضوع كبير وفيه خلاف فقهي بين الفقهاء المعاصرين
منهم اللي بيقول ان حد الردة كان موجود لان المرتدين خرجو عن الدولة وحاربو الاسلام والمسلمين
عشان كده وجب قتالهم
وفريق بيقول ان حد الردة
موجودة لمجرد الردة عن الاسلام
وده بيخالف ايات واضحة وصريحة من القرأن الكريم

عموما ياريت لوحد يروح دار الافتاء ويطلب فتوى بخصوص الموضوع ده

منورنا يا اسلام

4:02 ص  
Blogger واحـــد مـــــن الـنـــاس Said To Me :-

hend
والله الموضوع كبير جدا
وكل شوية بيكبر اكتر واكتر
ونهايتها هتبقى سووودة والله
فتنة كائفية بجد بجد في البلد دي
انتي لو تشوفي الللي بيقولوه المسيحيين في البالتوك وشتايمهم الحقيرة للاسلام والمسلمين والرسول صلى الله عليه وسلم
ونفس الشيء في بعض الغرف الاسلامية
هتعرفي بجد ان البلد دي ممكن يحصل فيها بلاوي
ربنا يستر بجد
منورانا يا هند

4:05 ص  
Blogger واحـــد مـــــن الـنـــاس Said To Me :-

فى القلب
الله يكرمك يارب
بس ايه ده كلو
اخجلتم تواضعنا والله
يارب نكون عند حسن الظن
وياريت تنورينا علطلو
وستجدين ما يسركم

4:17 ص  
Blogger واحـــد مـــــن الـنـــاس Said To Me :-

Ahmed AL-Hussany
والله يا استاذ احمد
اديك شفت
الراجل تراجع عن الدعوة
لاسباب تافهة جدا جدا
ورجع في كل الكلام اللي قاله
الظاهر جاتله تهديدات جامدة من امن الدولة
او الله اعلم بقا حصله ايه
المهم ان الحكايةدي كشفته على حقيقته وخلته ورقة محروقة وسط الناس

اما حكاية قتل المرتد دي فحكايتها حكاية واما نشوف هترسى على ايه

ومنورنا دايما يا استاذ احمد

4:31 ص  
Blogger واحـــد مـــــن الـنـــاس Said To Me :-

other_things
اكيد يا عم
ويكفي فضيحته اللي بجلاجل دلوقتي
ولا طال عنب الشام ولا بلح اليمن

4:52 ص  
Blogger واحـــد مـــــن الـنـــاس Said To Me :-

3rby
ازيك يا احمد
منورني يا جميل والله
بص يا سيدي
انا هتكلمفي نقط
1- انامش بعتبر المسيحييين اعدائي خالص
2- انا مؤمن بوجود وحدة وطنية ..انا فقط سخرت منان ممدوح نخلة بيستخدم الوحدة الوطنية كشعار لتوجهاته

3- متفق مع بلال في ان اقباط المهجر اولمن باعو القضيةوهم اكبر خطر على مصر الان

4- لوكان في اضطهاد للمسيحيين في مصر
فلا يقل عن الاضهاد الموجه للمسلمين... وفي الحقيقة المضطهدين في مصر هم الفقراء .. الفقراء فقط..سواء كانو مسلمين اومسيحيين ..وعندك اغنى اغنياء مصر مسيحيين ....
وبعدين مهما كان حجم الاضطهاد مش هييجي حاجة جنب اللي بيتعمل للاخوان المسلمين
صح ولا لأ؟؟

5 -انا قلتلك محمد حجازي ده ميهمنيش
يسلم يكفر يتحرق بجاز
براحته يا عم
انا قايل كده في البوست والله
انا بس معترض ان انجاس المهجرواطراف مسيحية في مصر بتستغل المواضيع ديوهيا اللي بتقف وراها لزعزعةامن مصر واللعب على وتر الطائفية فيها
اشطةكده؟؟؟
ويارب تنورني علطول يا جميل

5:00 ص  
Blogger واحـــد مـــــن الـنـــاس Said To Me :-

omar مشروع بطل
منورنا يا عمور
ان شاء الله هعلق في مدونتك بإذن الله على الكومنت بتاعك
بس ياريت تنورناعلطول

5:02 ص  
Blogger واحـــد مـــــن الـنـــاس Said To Me :-

بيدو
عينيا ياباشا
انتا والله اللي نورتني
وياريت تنورني علطول يارب

5:05 ص  
Blogger 3rby Said To Me :-

يا باشا انا متابعك بس مش باعلق الكومبيوتر اتصلح والعيال خرجتني من الدي اس ال علشان اخويا والسرعة وحوارات

بس انا برضو مش مع اقباط المهجر ودول ممكن يحكموا البلد لما امريكا تيجي زي في العراق كده العملاء هم اللي بيحكموا

وبعدين انا شايف ان الاخوان مضتهدين بس ده اضتهاد سياسي وهو اسهل بكتير من الاضتهاد الديني عالعموم المصريين كلهم مضتهدين باختلاف الديانات لان اللي بيحكموا دول مالهمش ملة اصلا كانوا(اقباط المهجر)معلقين علي موضوع لابويا في القدس العربي ورد عليهم كده فعلا اللي بيحكمونا مستحيل يكونوا حتي بوذيين لو كانوا بوزيين كان هايبقي عندهم السلام مقدس لكن دول شياطين

بس ده مايمنش ان لما امريكا تشوف حجة هاتدخلنا من باب المسيحيين وباب النوبة وهانشوف

2:51 م  
Blogger MeRMaiD Said To Me :-

والله انا هاقولك علي حاجة بسيطة قوي

انا مبقتش بثق في اي حاجة بتحصل في بلدنا العزيزة

ناس بتوصل و تشتهر علي حساب ناس

و ناس بتغر دينها علشان مصالح و ساعات نصب

و ناس غريبة عايشة في النص مش عارفة في ايه ولا ايه اللي بيحصل اصلا

و ناس زينل كدة بتكتب اللي بيحصل و مش عارفين هانكتب ايه بكرة

بصراحة

العالم بقي مقرف

6:03 م  
Anonymous غير معرف Said To Me :-

A片,A片,成人網站,成人影片,色情,情色網,情色,AV,AV女優,成人影城,成人,色情A片,日本AV,免費成人影片,成人影片,SEX,免費A片,A片下載,免費A片下載,做愛,情色A片,色情影片,H漫,A漫,18成人

a片,色情影片,情色電影,a片,色情,情色網,情色,av,av女優,成人影城,成人,色情a片,日本av,免費成人影片,成人影片,情色a片,sex,免費a片,a片下載,免費a片下載,成人網站,做愛,自拍

情趣用品,情趣用品,情趣,情趣

情趣用品,情趣用品,情趣,情趣,情趣用品,情趣用品,情趣,情趣,情趣用品,情趣用品,情趣,情趣,情趣用品
情趣用品,情趣用品,情趣用品,情趣用品.情趣,情趣,情趣,情趣
視訊聊天室

情色,AV女優,UT聊天室,聊天室,A片,視訊聊天室


UT聊天室,視訊聊天室,辣妹視訊,視訊辣妹,情色視訊,視訊,080視訊聊天室,視訊交友90739,美女視訊,視訊美女,免費視訊聊天室,免費視訊聊天,免費視訊,視訊聊天室,視訊聊天,視訊交友網,視訊交友,情人視訊網,成人視訊,哈啦聊天室,UT聊天室,豆豆聊天室,
聊天室,聊天,色情聊天室,色情,尋夢園聊天室,聊天室尋夢園,080聊天室,080苗栗人聊天室,柔情聊天網,小高聊天室,上班族聊天室,080中部人聊天室,中部人聊天室,成人聊天室,成人

7:04 م  
Anonymous افلام اون لاين Said To Me :-

مشكوووووووور

12:36 ص  
Blogger kochikayen Said To Me :-

http://www.kochikayen.com

9:11 م  

إرسال تعليق

<< Home