الاقصى نادى والندى غالي ...ويهون عشانه العمر لو غالي
وَاحِـــدْ مـِــنْ الـــنــَــــاسْ: قفلو السياسي يا سادة يا كرام
ايوة انا  .. في حاجة يا عماد ؟
NaMe : Ali Adel
FroM : el ManSoOorRa , Egypt , Agda3 Nas

طالب جامعي حاليا ..عاطــل مستقبلا

ana Meen ba2a ?

الثلاثاء، نوفمبر 07، 2006

قفلو السياسي يا سادة يا كرام

انا لله وانا اليه راجعون
ادارة منتديات الديفيدي قفلت القسم السياسي في المنتدى
نقولهم ليه يا اخواننا ....بيقولونا المشرف العام تلقى ((تهديدات امنية )) وان قفل المنتدى كان
(دواعي امنية)
المشرف العام الاخ ايهاب ...الشهير باسم
hippo
راجل محترم ..في سن والدي
مش عارف ازاي يقفل المنتدى بالطريقة دي ؟؟
اساسا حكاية تهديدات امنية دي حكاية ميصدقهاش عيل صغير
امن دولة مين اللي هيبص لمنتدى الديفيدي يا جدعان ؟؟
ده القسم السياسي في الديفيدي قزم جدا جدا بالنسبة لمنتديات تانية عملاقة
انا كنت
انتخبت كأحد اعضاء مجلس ادارة القسم باعلى نسبة للتصويت والحمد لله
وفي خلال 4 شهور القسم قفز لمستوى متميز جدا
وانشأنا ((اعضاء القسم))رابطيتن ..رابطة مصر الكنانة
..ورابطة محبي مصر..والاتنين روابط مميزة لاعضاء غاية في التميز
والقسم فضل يقفز من نجاح لنجاح ..وبقى من افضل
الاقسام في المنتدى
طبعا ده معجبش ناس كتار معروفين في المنتدى
اللي هما الوطنجيين بتوع الحزب الوثني ...اللي نجحو من حوالي سنة ونص في غلق المنتدى السياسي القديم بحيلة ماكرة
اللي هيا عمل عضويات جديدة واثارة المشاكل وافتعالها بين الاعضاء ...
واتصدمو لما رجع القسم السياسي ...ونجح النجاح ده
فطبعا قررو يحاربوه ويحاربو اعضائه ومشرفه المحايد المتميز الاخ اكرم
وطبعا من عادة الحزب الوثني انه يضرب في الضلمة
زي بالظبط ما طبخ حكاية توكيلات ايمن نور في الضلمة
وتصريحات طلعت السادات
و اسلحة وشوم عصام العريان ومحمود مرسي ..
فلجأو لفكرة جهنمية ..تنم عن عقولهم المريضة الحاقدة
تخيلو عملو ايه ؟؟
بعتو ايميلات للاخ المشرف العام بيدعو فيه انهم من مباحث امن الدولة
وان القسم السياسي مش عاجبهم وان ((ريحته فايحة )) و
اتصلو بالاخ ايهاب برضه ..وكررو نفس الكلام
الي عمل كده شخص معروف لكل المنتدى
طبعا الاخ ايهاب مسؤول عن المنتدى ..وده امانة في رقبته
فانصاع للتهديدات دي ..وهو فاكر انها تهديدات حقيقة !!
للاسف الشديد نجح الوطنجيين في قفل القسم السياسي للمرة التانية
بعد ما فشلو بطريقتعهم القديمة في عمل عضويات افتعال المشاكل والخناقات
طبعا ناس هتسألني ليه هما بيعملو كده؟؟
ليه مش عايزين قسم سياسي في منتدى الديفيدي
هقولهم ...منتدى الديفيدي اكبر منتدى عربي على مستوى العالم
وشامل كل الاقسام والفروع
وفي اكتر من نص مليون عضو
يعني الكلمة اللي بتتكتب فيه ...بتدي صدى كبير اوي اوي اوي
وبتبقى ليها مردودها الفعلي لدى الاعضاء
وطبعا قسم زي ده..هيكشف الحزب الوثني الواطي ...وافعاله في مصر
لازم يتمحي ...
معلش يا جماعة ..انا بكتب البوست ده وانا مكتأب
ومش عارف اجمبع كلمتين على بعض
اعذروني

12 CoMMeNtS :

Blogger مصطفيتش ابن حفصوتشا Said To Me :-

ياسيدى ماتزعلش نفسك
بتحصل كتير
انا مثلا امبارح كنت رايح اركب ميكروباص والراجل طلع مش بيحمل دلوقتى لو على الاجرة خلاص ابقى فك قبل ماتطلع
وسيبك من بتوع الكارتة مدام رخصتك سليمة يبقى تقدر تعمل جواز سفر من غير ما تجيب كعب عمل
والحنفية مش هتنقط تانى اصل السواق بتاع الميكروباص اللى قولتلوا رايح رمسيس وهو اسمه حسن مازعلش
وال
يوه
نسيت اقفل الحنفية

10:30 م  
Blogger واحـــد مـــــن الـنـــاس Said To Me :-

أزال أحد مشرفي المدونة هذا التعليق.

10:53 م  
Blogger واحـــد مـــــن الـنـــاس Said To Me :-

هوا يكون احسن بكتير لو سبنا المحشي على النار لحد ما يكمل سوا
اصلك لو شلته والمية لسه بتغلي ممكن يعمل بواسير
وممكن يتسبب في العقم
ودي حاجة وحشة اوي اوي يا حج مصطفى ...
صح ؟؟

10:56 م  
Blogger بعدك على بالى Said To Me :-

الغريبه انك بتسال قفلوه ليه،، بقى بعد كل اللى حكيته عن انشاء وتطوير وتفعيل و.. مش عاوزة يقفل؟؟

انت بتهرج صح؟
ولا عاوز تختبر ذكاءنا ؟؟

تحياتى

7:01 ص  
Blogger sara Said To Me :-

اولاً متكتائبش .... لان مش المنتدي السياسي القزم زي ما انت قلت هوا اللي هيغير مُجريات الاحداث السياسية يعني .. و بعدين ياسيدي اللي كنت هتعملو و هتقوله هناك .. اعملوا و قوله هنا .. طالما بيحقق الغرض نفسه و هوا انك تتكلم ... و بعدين فين اللنك بتاع المنتدى ده؟؟؟؟ .. عذراُ لجهلي بس بجد اول مرة اسمع عنه

8:14 م  
Blogger واحـــد مـــــن الـنـــاس Said To Me :-

الاخت بعدك على بالي
شرفتي المدونة
عندك حق فعلا
بس لما هما فعلا متبعين السياسة دي في القمع
مش الاولى يقفلو المنتديات الكبيرة او حتى الصحف الكبيرة زي الدستور وصوت الامة ؟؟؟


الاخت الكريمة سارة
منورة المدونة
على فكرة ..المنتدى كان مستواه متواضع الى حد ما ...بس في نفس الوقت كان قزم بالنسبة لمنتديات سياسية تانية ... زي محاورات المصريين ومندرة كفاية وقهوة كتكوت
لكن مش معنى ده ان القسم بتاع الديفيدي كان وحش
لا
هو كان كويس ..بس بالنسبة لنتديات تانية عملاقة ..فهو قزم فعلا
وده خلاني مستغرب ..ازاي لو في تهديدات امنية فعلا ..تبص للمنتديات الناشئة ؟؟
بالنسبة للينك المنتدى ...فهو ده
http://www.dvd4arab.com/forumdisplay.php?f=383

ياريت تقوليلي رأيك فيه

شكرا يا جماعة
نورتو المدونة ..

12:45 ص  
Blogger مـحـمـد مـفـيـد Said To Me :-

انا هخرج عن اطار البوست
مدونتك رائعه جدا
ولا تتعجب انهم قفلوا لانهم ببساطه مش عارفين حاجه

11:50 م  
Blogger واحـــد مـــــن الـنـــاس Said To Me :-

اشكرك يا محمد باشا على كلماتك الجميلة
ويارب المدونة توصل لافضل من كده الف مرة

نورتنا والله
ياريت متقطعش الزيارات :)

9:57 م  
Blogger mahmoud Said To Me :-

ازيك يا على
انت عارفنى انا محمود ابن رابطة محبى مصر

انا فعلا مش مسدق موضوع التهديدات الامنيه
بس انا مقتنع بحاجه ان المشرف الكبير بتاع الاغانى اللى جزء من اسمه "@" طبعا انت عرفت انا قصدى على مين
انا حاسس انه هو اللى عمل اللعبه دى مع ناس تانيه من المنتدى

2:57 ص  
Blogger واحـــد مـــــن الـنـــاس Said To Me :-

ازيك يا محمود باشا
ياباشا اذا مكنش هوا اللي وراها
اومال هيبقى مين
المخبرين معروفين بسيماهم ياباشا

7:55 م  
Anonymous غير معرف Said To Me :-

انا كمان عضو فى الديفيدى و استغربت من قفلهم للمنتدى

للدرجة دى الفساد بقة فى كل حتة

واخيرا مدونتك جميلة و اتمنى اتابعها بإستمرار

1:31 ص  
Anonymous غير معرف Said To Me :-

一夜情聊天室,一夜情,情色聊天室,情色,美女交友,交友,AIO交友愛情館,AIO,成人交友,愛情公寓,做愛影片,做愛,性愛,微風成人區,微風成人,嘟嘟成人網,成人影片,成人,成人貼圖,18成人,成人圖片區,成人圖片,成人影城,成人小說,成人文章,成人網站,成人論壇,情色貼圖,色情貼圖,色情A片,A片,色情小說,情色小說,情色文學,寄情築園小遊戲, 情色A片,色情影片,AV女優,AV,A漫,免費A片,A片下載

情色,A片,AIO,AV,日本AV,色情A片,AV女優,A漫,免費A片,A片下載,情色A片,哈啦聊天室,UT聊天室,聊天室,豆豆聊天室,色情聊天室,尋夢園聊天室,080視訊聊天室,080聊天室,080苗栗人聊天室,免費視訊聊天,上班族聊天室,080中部人聊天室,視訊聊天室,視訊聊天,成人聊天室,一夜情聊天室,辣妹視訊,情色視訊,成人,成人影片,成人光碟,成人影城,自拍

A片,AIO,AV,日本AV,色情A片,AV女優,A漫,AIO交友愛情館,線上A片,免費A片,A片下載,情色A片,微風成人,嘟嘟成人網,成人,成人影片,成人光碟,成人影城,成人交友,愛情公寓,色情聊天室,情色貼圖,色情,色情影片,做愛,情色,哈啦聊天室,聊天室,UT聊天室,豆豆聊天室,尋夢園聊天室,080視訊聊天室,080聊天室,080苗栗人聊天室,自拍,性愛

情趣用品,情趣用品,情趣,情趣,A片,A片,情色,A片,A片,情色,情趣用品,情趣用品,A片,A片,情色,情色

情色視訊,美女視訊,辣妹視訊,視訊聊天室,視訊交友網,免費視訊聊天,視訊交友90739,視訊,免費視訊,情人視訊網,視訊辣妹,影音視訊聊天室,視訊交友,視訊聊天,免費視訊聊天室,成人視訊,UT聊天室,聊天室,豆豆聊天室,色情聊天室,尋夢園聊天室,聊天室尋夢園,080聊天室,080苗栗人聊天室,上班族聊天室,小高聊天室

10:20 ص  

إرسال تعليق

<< Home