الاقصى نادى والندى غالي ...ويهون عشانه العمر لو غالي
وَاحِـــدْ مـِــنْ الـــنــَــــاسْ: اتحاد طلبة الحزب الوثني يرفعون الشوم في وجه الجميع
ايوة انا  .. في حاجة يا عماد ؟
NaMe : Ali Adel
FroM : el ManSoOorRa , Egypt , Agda3 Nas

طالب جامعي حاليا ..عاطــل مستقبلا

ana Meen ba2a ?

الاثنين، أكتوبر 30، 2006

اتحاد طلبة الحزب الوثني يرفعون الشوم في وجه الجميع

الكلام ده حصل في كلية احد اصدقائي
حصل في جامعة عين شمس
وتحت بصر وحماية قوات حرس الجامعة
الطلبة بتوع الاتحاد المزور هناك ((اعضاء الحزب الوطني الواطي ))ىراحو ودخلو الجامعة بالشوم .
وراحو ضربو الاخوان المسلمين ..في مؤتمر كانو عاملينه
وطبعا امن الجامعة كان نايم في الكازوزا ..ده اذا مكنش مصهين عليهم اساسا
وبالصور ..
shamsawy_exclusive1
طلبة الإتحاد وقد تسلحوا... بالشوم لا بالعلم

شهد اليوم مواجهات عنيفة بين طلاب الإتحاد المعين وطلاب الإخوان بكلية التربية جامعة عين شمس أثناء فاعليات مؤتمر دعا اليه طلاب الإخوان بعد منعهم من سحب أوراق الترشيح لانتخابات اتحاد الطلاب أمس .

ولقد كان من المقرر أن يقوم طلاب الإخوان بكليةالتربية بسحب أوراق ترشيحهم أمس من مقر رعاية الشباب غير أنهم فؤجئوا بنفس السيناريو والذى تضمن بمنعهم من سحب أوراق الترشيح من خلال طلاب الإتحاد المعين والذين قالوا لطلبة الإخوان "انتم واقفين فى الممنوع.. وامشوا من هنا أحسن لكم "غير أن طلاب الإخوان لم يتركوا أماكنهم بالصف وساعتها كشف طلاب الإتحاد عن نواياهم ،فأخرجوا عصى وأسلحة وشوم كانوا يخفونها داخل ملابسهم وبدأو بضرب طلاب الإخوان ما أدى لحدوث اصابات لطالبين .

وأكد محمد مصطفى أحد طلاب الإخوان بالكلية ما حدث وقال أن ما حدث بالأمس تم تحت سمع وبصر ادرة الكلية وعلى رأسهم الدكتور أحمد يونس (المشرف على الإنتخابات بالكلية) وأضاف محمد مصطفى قائلا توجهنا لعميد الكلية الدكتور عبد العزيز الشخص لرفع الأمر اليه ووعدنا ان يقوم هو بنفسه بسحب أوراق الترشيح لنا غير أن هذا لم يحدث . ودعا طلاب الإخوان اليوم الإثنين لمؤتمر بساحة كلية التربية للتنديد بمنعهم من سحب أوراق الترشيح أسموه(جرب تعيش حر)حيث بدأ بآيات من القرآن الكريم تبعه بكلمة طلاب الإخوان المسلمين والتى ألقاها الطالب سيد ناجى والتى أكد فيها على حق طلاب الإخوان فى ممارسة نشاطهم داخل الحرم الجامعى كذلك حقهم فى الترشح لإنتخابات اتحاد الطلاب مستنكرا موقف الإدارة والأمن وقال "حتى متى تقف ادارة الكلية وعلى رأسها عميد الكلية موقف المتفرج من الإنتهاكات التى تحدث . وقبل أن ينتهى المؤتمر توجه عدد كبير من طلاب الإتحاد الى مكان انعقاد المؤتمر الطلابى وقالو لطلاب الإخوان" امشوا من هنا أحسن نولع فيكم" وسط سباب وألفاظ جارحة لطلاب الإخوان فى محاولات لإفساد المؤتمر لكن طلاب الإخوان لم يعروهم اهتماما,

shamsawy2
طلبة الإتحاد وقد اقتحموا المؤتمر بالأسلحة البيضاء

وفى تمام الثانية ظهرا توجه عدد كبير من طلاب الإتحاد تعدى 90 طالبا الى مكان انعقاد المؤتمر وهم يحملون شوم وأحزمة واسلحة بيضاء بهدف التعدى على طلاب الإخوان وهو ما نجحوا فيه حيث تحولت ساحة الكلية الى ما أشبه بالحرب وقف فيها طلاب الإخوان يدافعون عن أنفسهم بأيديهم الفارغة بينما تطالهم ضربات البلطجية وطلاب الإتحاد بواسطة الشوم والسيوف والسنج والمطاوى .

shamsawy_exclusive4
احد الطلبة المصابين

وأصيب ثلاثة من طلاب الإخوان بجروح وهم الطالب ابراهيم الشحات (جرح قطعى فى الرأس )كما أصيب الطالبين محمد أبو عيشة ومحمد وفيق بجروح قطعية فى اليد . كما توجه الطلاب المصابين الى مستشفى المطرية العام لعمل تقارير طبية رسمية ولرفع محاضر بالشرطة ضد طلاب الإتحاد والبلطجية

18 CoMMeNtS :

Anonymous غير معرف Said To Me :-

شكراا علي التغطية للحدث ... يا علي ..
عرفت اللي حصل في كلية الصيدلة في جامعة المنصورة ..؟؟!!
حوار مشابه ...تقريبا
مستني تغطية للي حصل .. لو أمكن ..
انس عماد
www.anas.co.nr
وتابع مدونة امي
www.maktoobblog.com/salwakedra

12:19 ص  
Blogger واحـــد مـــــن الـنـــاس Said To Me :-

منور الكدونة يا انس
انا هجاول اعرف اللي حصل
وتاحاول اجيب صور وفيديوهات ليه
انتظرونا ان شاء الله

7:31 م  
Blogger ياء Said To Me :-

عادى

ما طلب الاتحاد متعين من دكتور فى الحزب الوطنى كان نازل الانخابات بنفس الشكل

دكتور فى الحزب الوطنى حيعين اتحاد طلبه اكيد مشين على نفس المنهج اللى سيادته ماشى عليه

11:30 م  
Blogger ALiaa Said To Me :-

مش عارفة دول طلبة و بلطجية؟؟؟؟ ايه اللي بيجري ؟؟؟ لحد امتي هيفضلوا يخافوا من الاخوان و يخوفوهم بالبلطجة.... و لسة يا ما هنشوف و نسمع و نضرب كف بكف و نقول مافيش فايدة لحد مالمعجزة ما تحصل

4:33 م  
Blogger واحـــد مـــــن الـنـــاس Said To Me :-

يجيا باشا
نورت البلوج

وعلى فكرة
الانتخابات بتاعتنا كانت النهاردة الخميس
وكالعادة
الاخوان اتشطبو منها

واتزورت لبطلبة الحزب الوثني
منهم لله ..
احنا عملنا مظاهرات كتير
بس هنعمل ايه اكتر من كده


علياء
منورة المدونة
والله يا علياء
النظام ده وصل درجة خوفه ..انه خايف من قيام اتحادات طلبة شرعية ومنبثقة عن انتخابات نزيهة

للدرجة دي وصل جبنه وخسته وندالته
ده اللي بيحصل ده
كنش بيحصل في ايام السادات وعبد الناصر اللي مبارك بيعايرنا بيهم

بس برضه
ان شاء الله الامل في ربنا كبير
ودوام الحال من المحال

12:35 ص  
Anonymous http://aldawar.egyblogs.com/ Said To Me :-

السلام عليكم يا بنى آدم

بص سعادتك دا المتوقع من الأمن بعد الأحداث الكثيرة اللى حصلت و طبعا ما يخفاش عليك إن الإخوان صعدوا الأحداث بقوة و أنا أؤيدهم فى ذلك .. يعنى إنت أكيد فاكر من كام سنة كدا لما مسمى التيار الإسلامى تم إستبدالة بمسمى الأخوان المسلمين يعنى الأخوان بيقولوا للأمن و الحكومه فى وشهم إحنا أهه و رونا بقى

دا غير إتحاد الطلبة الحر و دا برضه تحدى للأمن فالطبيعى يكون فيه صدام و صدام قوى و شئ مش غريب طبعا

8:25 ص  
Anonymous غير معرف Said To Me :-

لا حول ولا قوة الا بالله

يعني البلد دي هتروح لفين ؟؟؟و يقولوا التحرشات دي جت منين ؟؟؟ علشان سايبين الدولة للبلطجية و وسيلة التفاهم بقت البلطجة

ميسيبوا الناس تنتخب اللي هي عايزاة و لو لاقوة وحش يبقوا يغيروة !!!!!

يعني بجد اللي ماسكينم البلد دي كل يوم بيكتسبوا كرة و حقد الجماهير بلا حدود

السنة اللي فاتت اتعمل الانتخابات في الكلية و اشتركت فيها و نجحت في الاتحادين ( الرسمي و الحر و اخذت امين مساعد لجنة الاسر في الاتحادين ) يعني الناس مش غبية و مش مغيبة ... لا ينقصهم سوي الديمقراطية

اقول ايه بس
انا معبية علي اخري من الموضوع دا

بس بصراحة و الشهادة لله
الرك علي امن الكلية

يعني السنة اللي فاتت الامن عندنا كان محترم , و لكن السنة دي اتغير , فالله اعلم السنة دي حصل فيها ايه في الانتخابات ( اصلي اتخرجت )

10:52 م  
Blogger ana ga3an Said To Me :-

شوف يا واحد يا ابني اكبر منك عاطل عنك بيوم يعرف عنك بسنة
اللي بيحصل دة مخطط من الحكومة انها تعمم الشوم في الجامعات الشوم بقي و القصب و نوي البلح


انا مش فاهم انت متضايق لية
ايه كمية الحقد والغل والحسد اللي في قلبك دي يا شيخ
اعوذ بالله


انا متأكد انك من ضعاف النفوس اللي مهيمهمش غير النقد الهدام والنيل من رموز مصر الخالدة الشامخة الشاخخة
منكو لله ...مليتو البلد

11:38 م  
Blogger أنـــا حـــــــــرة Said To Me :-

سلام عليكم
ازيك ياعلى
تغطية جيدة فعلا

فى حاجة عايزة اقولها
انا دلوقتى واحدة اتخرجت السنه اللى فاتتو خلال 5 سنين الكلية كان التيار الاسلامى بيتشطب من الانتخابات
صحيح ماوصلش الى حد الضرب عندنا
لكن كانوا بيتشطبوا و كنا بنعمل مظاهرات و بغض النظر عن تأييدى للتيار لكن الحق حق و من حق كل واحد انه ياخد حقه بقى

طيب دلوقتى الاعلام كل سنة بيقول انهم اتشطبوا
والمظاهرات بتتعمل
و بعدين يعنى هل من جديد ؟ أو حل أكثر فاعلية ؟
لان خلاص السلطة عرفت ان الخطوة دى مش جايبة همها
و ادينا زى الكلاب - سورى - بنهوهو و خلاص

فهل فى حل تانى ؟ و للا هنفضل فى نفس الليلة دى ؟

11:46 ص  
Blogger واحـــد مـــــن الـنـــاس Said To Me :-

العمدة
منور البلوج
المشكلة فعلا في تصاعد حدة الصدام بين الاخوان والامن
لكن توصل لدرجة ان طلبة الحزب يجيبو شوم ويدخلوها الحرم الجامعي ...تحت سمع وبصر الامن ..ومفيش حد يفتح بقه بكلمة ؟؟؟؟؟

ده يبقا اسمه ايه ؟؟

-------
الاخت الكريمة شمس الدين
منورة البلوج والله

على فكرة ..الامن المركزي ..مدجرد خادم مطيع لباشوات الداخلية
يؤمر فيطاع
وملوش اي كلمة
دول مجرد روبوتات متحركة عن بعد
وكلو بييجي باوامر من وزارة الداخلية
ومبروك على التخرج ..دلوقتي
بقيتي عاطلة قد الدنيا..ابسطي يا ستي :)

انتم السابقون ونحن ان شاء الله بكم لاحقون


---------
انا جعان
هههههههههه
يخربيتك يا شيخ
بجد انتا فظيع
بس خلي بالك
من يضحك اخيرا يضحك كثيرا ...كما قال الراجل بتاع الفيلم الاجنبي اللي مش فاكر اسمه

وبالمناسبة لو عايز اشترك في مشروع الشوم للجميع ...اعمل ايه ؟؟؟

---------------
انا حرة ..
انستي ونورتي
ربنا يكرمك يارب
على فكرة
الكلام هو اول طرق التغيير
لان الكلام بيساهم في نشر الوعي الفكري..يعني تنشري افكارك
زي
مثلا : انتي ليه عايزة تغيري ؟؟
او : ليه مش عاجبك نظام الحكم ..
لان في ناس كتار مش عارفين هما عايشين ليه ولا لايه ولا فين

وبيتبعو نظرية الملوخية القائلة بان الانسان : لا يرى ولا يسمع ولا يتكلم ...

9:40 م  
Blogger أنـــا حـــــــــرة Said To Me :-

ايوة بس احنا بنجرب الكلام بقالنا سنين اكيد فى خطوة بعدها و للا هنفضل نتكلم و بس هل فى فعل ؟

11:27 ص  
Blogger واحـــد مـــــن الـنـــاس Said To Me :-

يا حرة
الناس مش هتتحرك من مفيش
الكلام بيولد الضغط
والضغط بيولد الانفجار
والانفجار بيولد التغيير

بس لازم نبقى واعيين وفاهمين ان البلد بلدنا ..وان سكوتنا وسلبيتنا هيطلعو علينا في الاخر
صح ؟؟

10:05 م  
Anonymous غير معرف Said To Me :-

A片,A片,成人網站,成人影片,色情,情色網,情色,AV,AV女優,成人影城,成人,色情A片,日本AV,免費成人影片,成人影片,SEX,免費A片,A片下載,免費A片下載,做愛,情色A片,色情影片,H漫,A漫,18成人

a片,色情影片,情色電影,a片,色情,情色網,情色,av,av女優,成人影城,成人,色情a片,日本av,免費成人影片,成人影片,情色a片,sex,免費a片,a片下載,免費a片下載,成人網站,做愛,自拍

情趣用品,情趣用品,情趣,情趣

情趣用品,情趣用品,情趣,情趣,情趣用品,情趣用品,情趣,情趣,情趣用品,情趣用品,情趣,情趣,情趣用品
情趣用品,情趣用品,情趣用品,情趣用品.情趣,情趣,情趣,情趣.
視訊聊天室

情色,AV女優,UT聊天室,聊天室,A片,視訊聊天室


UT聊天室,視訊聊天室,辣妹視訊,視訊辣妹,情色視訊,視訊,080視訊聊天室,視訊交友90739,美女視訊,視訊美女,免費視訊聊天室,免費視訊聊天,免費視訊,視訊聊天室,視訊聊天,視訊交友網,視訊交友,情人視訊網,成人視訊,哈啦聊天室,UT聊天室,豆豆聊天室,
聊天室,聊天,色情聊天室,色情,尋夢園聊天室,聊天室尋夢園,080聊天室,080苗栗人聊天室,柔情聊天網,小高聊天室,上班族聊天室,080中部人聊天室,中部人聊天室,成人聊天室,成人

10:15 ص  
Blogger Beads Artist Said To Me :-

ده العادي والمعتاد والدائم في جامعات مصر
كنت بدرس في اداب كفر الشيخ وكانت نفس الحدوته دي بتحصل كل سنه مع تغييرات بسيطه في اذا كانوا بيتخانقوا بعدها او بيعدوا الموضوع بسلام
بس دايما الاخوان محرومين من دخول الاتحاد بأي طريقه

5:39 م  
Blogger Gray's Anatomy Said To Me :-

دا العادى من اذناب النظام السابق
موقع نواحي - دليلك الشامل

1:05 م  
Anonymous سعودي انحراف Said To Me :-

da kalam keber ya maw

2:24 م  
Anonymous البوم تامر حسنى 2011 Said To Me :-

اصلي يا كبير

5:53 م  
Anonymous افلام اون لاين Said To Me :-

مشكووووووووووووور

4:08 ص  

إرسال تعليق

<< Home