الاقصى نادى والندى غالي ...ويهون عشانه العمر لو غالي
وَاحِـــدْ مـِــنْ الـــنــَــــاسْ: البلد باظت

Ana Meen ?

ايوة انا .. في حاجة يا عماد ؟
NaMe : Ali Adel
FroM : el ManSoOorRa , Egypt , Agda3 Nas

طالب جامعي حاليا ..عاطــل مستقبلا

ana Meen ba2a ?

الاثنين، نوفمبر 05، 2007

البلد باظت

المكان : شارع المحافظة في المنصورة
امام مركز الادارة العامة لمكافحة المخدرات
الزمان : يوم السبت اللي فات الساعة 11 بلليل
على بعد 20 متر من بوابة المركز في عربية راكنة
العربية فيات مية تمنية وعشرين حمرا متجنطة وجواها اربع شباب
واللي سايق فاتح الباب
انا معدي من جنبهم وراجل كبير ماشي جنبي
ايه المشكلة بقا ؟؟
المشكلة ....ان الشباب اللي في العربية كانو بيشربو حشيش
بقول للراجل اللي جنبي ؟؟
يا نهار اسود .. بيشربو حشيش قدام الادارة العامة لمكافحة المخدرات ؟؟
الراجل قالي كلمة واحدة بس
فُـٌُجـر :
وانا من هذا المنبر احيي رجال الشرطة البواسل في الادارة العامة لمكافحة المخدرات
وعاشت بلدنا حرة قوية وكلها حنية
والحمد لله نجحنا في مشروعنا القومي : الحشيش للجميع
وكباية الحشيش بقت ولله الحمد متوفرة في كل مكان
صحرا كان او بستان
[3.jpg]
والله اكبر فوق كيد المعتدي

التسميات: ,

كــتــبــهــا واحـــد مـــــن الـنـــاس | 5:47 م

28 CoMMeNtS :

Blogger Unknown Said To Me :-

يا عم صباح الفل، أنا شفت عربية إتسرقت قدام ضابط بوليس في شارع قناة السويس بعد المغرب على طول ةمكنش في رمضان

بلا هم

12:40 ص  
Blogger سلام سالم Said To Me :-

ازيكم ياجماعة انا ليا حكاية ظريفة انا عملت مدونة ويبدو اني انا اللي بزروها لوحدي ليه مش عارف علي الرغم من اني شايف انها جميلة طبعا ما القرد في عين امه غزال بس بجد هيا لا قرد ولا حاجة كل مافي الامر اني عايز اكلمك وياريت اسمع تعليقاكم هناك المهم انا عايز اعرف رأيكم فيها ودا عنوانهاhttp://clashenkof.blogspot.com/

4:51 م  
Blogger محمود تقي Said To Me :-

يا أخي انت فهمت الناس غلط .. ده كان تقريباً كان محاضره عمليه لكيفية شرب المخدرات بطريقة قانونيه لا تتعارض مع الدستور ولا تؤدي لتكدير الجو العام .. وعاشت بلدنا حرة قوية وكلها حنية كمان مره

4:45 ص  
Blogger وجع دماغ Said To Me :-

ان كان رب الدار فبالدف ضارب فشيمة أهل الدار كلهم الرقص
جمال مبارك صرح امبارح ان الحكومة وفرت 2 مليون فرصة عمل من ساعة انتخابات الرئاسة الى الأن
مش بزمتك ده كلام مساطيل

5:08 م  
Blogger YHYيــوســف الـمصـرى Said To Me :-

السلام عليكم
........
زى الفل ..حشيش حاجة تيجى كده اهدى حبيبى كده وحشش زى زمان D:
الا قلى يا ابو على متعرفش مين الى عامل خابور الحشيش ده شكله واحد استاذ يعنى ههههههههه
ربنا يهدى يا باشا
تحياتى

5:23 م  
Blogger حلم الحرية Said To Me :-

مش بيقولوا شعار المرحلة:
بلدنا بتتقدم بينا


طبعا في كل المجالات

والدليل اهو
مفيش تقدم بعد كده في المجال ده

5:05 ص  
Blogger يا مراكبي Said To Me :-

أنا جاي أقول مساء الخييييييير

هي دي بلاد الأمن والأمان بصحيح

إبقى إديني العنوان علشان واضح إن الحتة دي أمان على الآخر

10:17 م  
Blogger Amr Ahmed Said To Me :-

مساء الفلللللللللللللل

طب كنت قعدت معاهم ياعم

ههههههههههههه

1:26 م  
Blogger khobayb Said To Me :-

ههههههههههههه

يا خوفي ليكونوا جايبين الحشيش من جوه أساسا !!

12:13 ص  
Blogger Unknown Said To Me :-

طبعا يابني ماهي دي الديمقراطيه اللي الحكومه بتكلمكم عنها ليل ونهار وانتو مش بتصدقوا انها موجوده

شباب يشربوا مخدرات قدام ادارة مكافحة المخدرات

اظن مفيش ديمقراطيه كده يعني

2:30 ص  
Blogger Comandor Said To Me :-

السلام عليكم .. بجد مدونه جميله يا علي ..انا اول مرة ادخل عليها وان شاء الله اكون من المتابعين ليها علي طول:).
اما بالنسبه لموضوع الحشيش ده بقيت حاجه عاديه لاايام دي وبنشوفها في كل مكان ..يلا ربنا يستر بقي . انا كنت ماشي امبارح بالليل لقيت واحد بيقولي يا كابتن لو سمحت معاك حشيش.. قلتله لا يا باشا.والسلام.
يا عم انا بعد كدا مش همشي ف الشارع لوحدي -امال البنات تعمل ايه بقي-
ربنا يستر ياااااااااااارب.

تحياتي،،

4:00 م  
Blogger MerMaid Said To Me :-

ههههههههههههههههههههههههههه

الصراحة انت المدونة بتاعتك فظيعة

حلوة موووووووووووووت

انتا خلتني اكره مدونتي علي فكرة

ربنا يبارك لك فيها يا رب

5:53 م  
Blogger البيروني Said To Me :-

صبــــــــــــــــــــــا ح الخير

أحلى مسا و صباح


بصراحة دية أول خطوات مشروع دعم الحشيش

و ان شاء الله قريبا هينزل في بطاقات التموين

مدونة جميلة و دمها خفيف
أنا انشكحت فيها أخر أنشكاح

2:19 ص  
Blogger مدحت محمد Said To Me :-

حبيب قلبى
تعالى عندنا السويس
والظابط هيعزم عليك
احنا عندنا الشرطة فى خدمة الشعب
بس اوعى تقله سمى الله
وانت بتشربها
هيشدك على البوكس على طول
يفتكرك تبع اللى هه
اكيد انت فاهم
ياللا سلام

3:33 ص  
Anonymous غير معرف Said To Me :-

فكرتنى بمدرسة المشاغبين لما كان الناظر بيقول لابو بهجت وابنك اللى سرق عربية رئيس مركز مكافحة سرقة السيارات

4:59 م  
Blogger صوت من مصر Said To Me :-

http://sotmser22.blogspot.com/
على فكره مصر كلها بتشرب حشيش لكن انه يكون قدام مكتب مكافحه المخدرات ده يبقى فعلا منتهى الجراه نحن شعب لايخف الا من ؟

5:15 ص  
Blogger romalistic Said To Me :-

الشرطة فى خدمة الشعب!!!

أصلاً أنا بحس اننا نعد الحاجات الغلط أو الوحشة فى مصر أسهل ما نعد الصح أو الحلوة .. و صلنا لحالة صعبة اوى .. ربنا يستر.

6:56 م  
Blogger samourai 4 ever Said To Me :-

يا عمنا دة فى اكتر من كدة
دول بيروحوا ياخدوا الحشيش دة ببلاش من العساكر بتوع البوليس
و ظبطنى و اظبطك
عادى عادى
و لسه
القيامه قربت يا جدعان
و دمتــــــــــــــــــــــــــــم

9:45 ص  
Blogger هديـــل الـروح Said To Me :-

لا حول ولا قوة إلا بالله ،،
هما مبيشوفوش ولا بيسمعوا العيال دول ،، مش شايفين حمله حمايه فى كل حته مدالهم ايديها علاج ببلاش ،،يعنى هما راضيين بحالهم كده !!! ربنا يهديهم يا رب

10:01 ص  
Anonymous غير معرف Said To Me :-

بجد المدونة روعةواللي عجبني أكتر ان الكلام هنا بصراحة اوي انا قرأت فيها علي قد مقدرت وعلي قد مفرحت ان في لسة ناس همهم علي بلدهم ومش هامهمم اللي ممكن يحصلهم علي قد محزنت اوي علي الحال اللي احنا وصلناله يتري بلدنا هتفضل كده ولا هتبقي احسن في يوم من الأيام و أولادنا هيعيشوا اللي احنا عايشينه ولا احنا هنقدر نعملهم مستقبل احسن واحنا أصلا هنقدر ناخد انفاسنا ولا هنفضل مخنوقين ؟؟؟؟

6:33 م  
Anonymous غير معرف Said To Me :-

يا جماعة انا اخر مرة كنت في ابو الغيط سوق الحشيش في القاهرة والجيزة ولقيت عربية بوكس حكومه دخلت الشارع وهيا العيال بتبيع ونادي للولد واشتري منه 14 صابع حشيش وكان امين الشرطه بينقيهم بنفسه والله اعلم كان راكب جنبه مبن ودفع الفلوس ومشي

5:56 ص  
Anonymous غير معرف Said To Me :-

طيب ممكن سؤال بسيط وش سالفه كوب الحشيش وكيف أقدر أسويه وهذا إيميلي أرجوا الشرح المفصل وإذا فيه طرق آخرى أرجوا إرفاقها لأني حياتي عباره عن حشيشXحشيش
Girl-ksa2005@hotmail.com

11:09 م  
Anonymous غير معرف Said To Me :-

اه صحيح انت كل كلامك صح بس الكلام الى انت بتقوله ده بقى عادى والموقف ده واحد من ملاين المواقف (هما كانوا بيشربوا قدام المركز والمعرصين بيشربوا جوه المركز)يعنى العمليه (واحد)وكل سنه وانتوا طيبين

2:10 م  
Anonymous غير معرف Said To Me :-

السلام عليكم ورحمة الله
الراسله وحدة من الناس
بتقول ان طول مافى خير وطول مافى ناس بتحب بلادها وطول مافى حب لله
اكيد مش هنخسر نفسنا ولا صحتنا
والخير فى امتى ليوم الدين وانا بشكر كل من ساهم فى هذا الكلام الى يا ريت حد يسمعه ويحس بيه ويتاثر بيه ونحب بعض فى الله تهتادوا تحابوا
الى اللقاء مع كلام اجمل ولكم تهانينا

7:50 م  
Anonymous غير معرف Said To Me :-

انتم ماتعرفوش ان الجنس الناعم دخل في الموضوع انا شوفت بنت في ريعان الشباب وزي القمر بتبيع

3:01 ص  
Anonymous RTS Said To Me :-

Sabaaaaaaaah elfol ya3am 2adeeha

7:43 م  
Anonymous افلام اون لاين Said To Me :-

مشكوووووووور

12:37 ص  
Blogger ابوعدي للتسوق Said To Me :-

شركة تسليك مجاري بالقطيف
شركة تنظيف مجالس بالخبر
شركة مكافحة النمل الابيض بالجبيل

4:19 م  

إرسال تعليق

<< Home