مع نفسي
هوا انا اتغيرت ؟؟
بجد انا اتغيرت ؟؟
مقدرش اقول معرفش
لاني فعلا عارف .. انا دلوقتي مش علي بتاع زمان
حاجات كتيرة اتغيرت ... حاجات كتيرة اوي اوي
الواحد كل ما يعيش كل ما يتعلم اكتر من الحياة
الواحد بيقابل ناس كتير اوي اوي .. بيعرف شخصيات كتيرة اوي اوي
الحقود ... الحسود ... الهجاص .. المهياص .. المصحلجي ... العبيط .. الاهبل ...المتمرد .
في ناس اول مرة تشوفهم .. او تكلمهم .. بتعرفهم على حقيقتهم .. وتختار .. يا تبعد عنهم .. يا تكمل معاهم .
في ناس بتعرفهم كتير اوي اوي ... ومش بتكتشف عيوب شخصياتهم الا بعد ما تتلسع منها
ممكن يكون اقرب الناس ليك بيشتغلك وبيحور عليك ؟؟
ليه لما تتعامل مع واحد بطيبة وبحسن نية .. بيتعامل معاك على انك اهبل وساذج ؟؟
لازم تبقى شكاك يعني وتشك في كل اللي حواليك .. وتعتبر نيتهم مش صافية .. عشان محدش يشتغلك ؟؟
..
انا صحيح اتغيريت
لو حد شافني من سنة ونص ..وجه يشوفني دلوقتي .. هيقول ده مش علي اللي اعرفه .. ده واحد تاني
يمكن ...
انا صحيح اتغيرت .. انا عارف كده بيني وبين نفسي
بس من رأيي .. ان انا اتغيرت للافضل ... للاحسن
ولسه هتغير اكتر .. ولسه حاجات كتيرة اوي اوي اوي هغيرها فيا
..
ممكن اكون اتغيرت للاسوأ من وجهة نظر ناس كتير اوي اوي
بس بيني وبين نفسي .. انا متأقلم مع نفسي كده
..
ساعات لما الواحد بيتصدم .. الصدمة بتقلب معاها يا اما باكتئاب يا اما بتغيير جذري
انا قررت مكونش فريسة للاكتئاب ... انا اتغيرت .. وهتغير
افكار كتير اوي شلتها من دماغي .. وجت افكار تانية بدالها
حاجات زمان حلفت ان عمري ما هقربلها ولا هعملها .. ودلوقتي بقت من اولوياتي
..
بس يا ترى هل كده انا صح ؟؟؟
انا حاسس اني عمري ما كنت صح في حياتي ابدا
عمال اتنقل من غلط لغلط
يا ترى فين الحق؟؟
..
بكل اسف .. حاجات كتيرة اوي في زماننا ده مقلوبة .
الصح بقا غلط ..والغلط بقا صح
ولو حد شاف حد بيعمل حاجة صح .. بس مش مألوفة .. يعيب عليه
ويقوله انتا بتعمل كده ليه ؟؟
..
عموما انا في فترة قصيرة اوي اوي .. اتصدمت كتير اوي .. واتلسعت كتير اوي .. ومن ناس كتير اوي ..
بس الواحد مش بيتعلم الا كده
..
انا اسف اني مردتش على التعليقات في البوست اللي فات .. ولا جددت اي حاجة في المدونة من فترة .. بس ظروف والله
وكل سنة وانتم طيبين
التسميات: من قلبي
كــتــبــهــا واحـــد مـــــن الـنـــاس | 1:38 م
26 CoMMeNtS :
شوف أنا أول تعليق ..مع إنك بتنفض عل الماسنجر
..
يا ختي قميلة ..اعمليش في نفسك كده يا بيضة برراحة يا حبي ..
..
أنا مافتكش من سنة ونص عشان كده
ما قدر أقو انت اتغيرت ولا لأ
.
عل العموم من سنة ونص يعني بداية الفترة الجامعية
وفيها كلنا اتغيرنا كتير زي مانتا بتقول يا لولا
..
يللا سلام
..
المهم تكون
نفسك
ومتراضى مع نفسك
وميهمكش
حد
وسلاااااااااام
السلام عليكم
كيف حالك أخي
لماذا لا أراك على الديفيدي
وحشتنا
أما عن التغيير
فيبدو أنها سمة عامة
الجميع يشعر بذات الشعور
هناك شئ ما تغير في داخلنا
الكل يشعر أنه ازداد عمرا فوق عمره وخبرة فوق خبرته
يبدو أن عالم النت له دخل كبير في هذا
جزاك الله خيرا
وانت طيب
انت لسه ماستقرتش ياعلي
لسه في مرحله الصدمه
شويه كده وانت هتعرف الصح والغلط
وهتعرف انت بقيت احسن ولا لأ
ربنا معاك ويقويك
السلام عليكم ورحمه الله وبركاته
محدش فينا يا اخى ماتصدمش ولا اتلسع ومش مره ولا اتنين
وكتير الواحد بيتصدم فاقرب الناس ليه وبيتلسع منهم
بس دا مش عيب فينا احنا .... دا عيب فيهم
علشان كدا مش احنا الى لازم نتغير .... لاء هم
بس المهم الانسان يحذر من الى حوليه كويس قوى
مش فى مقوله بتقول على ما اعتقد
لا يلدغ المؤمن من الجحر مرتين
ربنا يكرمك يا اخى ويهديك
سلااااااااام
على افندى
ايه يلا مالك اتغيرت ايه وبتاع ايه منتا زى الفل اخر مره
لسه مهيس زى منتا متغيرتش
اولا بقالك كتيييير اوي مختفي
ثانيا كل سنة وانت طيب على كل المناسبات الي فاتت
ثالثا .. التغيير سنة الحياة .. ومادام انت متصالح مع نفسك كدة ,, يبقى انت كدة صح
أفضل انواع التغيير هو ما يأتي عن قناعة وتعمد واصرار
مادام انت مدرك عايز تكون ازاي وبتسعى للوصول الى ذلك .. يبقى انت كدة مية مية
:)
سلامات وخلينا نسمع منك دايما
أولاً إيذيك يا عم علي غايب بقالك مده كبير ورغم إني ماعرفكش إلا إنك قطعت بيا!!!
:)
أنا بزور مدومنتك بنتظام رغم عدم تركي تعليق!!
أنا قلت الواد شكله إتخطف ولا إيه ؟ بس الحمد لله إنك كويس
المهم موضوع التغير ده واللهي كنت لما أقرالك موضوع أقول الواد ده مسيره هيتغير
والتغير اللي ف دماغي من اسلوبك الساخر إلي أسلوب متمرد
كلنا مرينا بالحكايه دي
بس بجد إسلوبك متميز وشكلك شخصيه محترمه
ربنا معاكي يابني وبعدين ما تغبش كده
إنت عارف الدنيا بأت وحشه
ههههههههههههه
أخوك //أحمد
أولا كل سنة وانت طيب
ليك وحشة و الله
الإنسان بيعيش طول عمره يتغير
ماحدش بيفضل على حالة
المهم يكون لأحسن
تحياتي
انت عارف ياعلي انا عرفت مدونتك دي بالصدفة مصادفة قدرية يعني ومن ساعتها وانا كل ما ادخل نت كنت بدخل عليها صحيح انت بقالك فترة كبيرة اوي مش بتكتب بس بجد مش عارف كنت بدخل عليها ليه حسيت كدا والله اني اعرفك من زمان لدرجة اني مرة كنت علي مدونة كريم عامر ولقيت تعليقك الظريف بتاع العيش والحلاوة اكيد فكره المهم لقيت نفسي مبسوط خالص زي ما يكون واحد صحبي هوا اللي كاتب التعليق وكان لسان حالي بيقول انا عارف الشاب دا وبقرا البوستات اللي بيكتبها عارف انت لو حياتك زي مدونتك دي هتكون حياة كويسة اوي التغيير مش وحش بس اهم حاجة تكون شايفة يرضي ربنا وتاني حاجة ودي مهمة جدا انك تكون مبسوط كدا ولا تحفل بكلام الحاقدين ...معلش قلبت فصحي في الاخر بس هي اللي طلبت كدا وفي النهاية يارب تكون بخير ونقرا كتابات اكتر ليك قريب وعايزك تدعيلي علشان السنة الدراسية اللي دخلت عليها دي صعبة خالص
وسلامو عليكوا
ازيك ياعلي عامل ايه
حمد لله علي السلامة
انا مبسوطة اوي انك رجعت
بص يا علي انت لو مش اتصدمت يبقي الحياة ملهاش معني
غير كدة الناس كلها مش زيك
تاني حاجة كويس انك عارف هتعمل ايه بعد كدة اقصد يعني انك مش هتخلي نفسك فريسة للاكتئاب ودي نقطة ايجابية
اما النقطة الايجابية التانيةانك بتتعلم من غلطتك وبتعرف تفرق بين الناس الكويسة واللي هتكمل معاهم واللي هتسيبهم
امال اللي مش عارفين يتعلمو من غلطهم وبيقعوا في نفس الغلط مرة واتنين يعملوا ايه
اما التغير فدا سنة الحياة اهم حاجة انك راضي عن نفسك مع التغيير دا
مستنباك بقي في مدونتي يا برنس
السلام عليكم ورحمة الله وبركاته
التغيير سنة الحياه
مافيش حد بيفضل على حاله
ولو مارجعناش نفسنا كل فترة وحاولنا نوجه التغيير ده للافضل
هنلاقي نفسنا غصب عننا اتغيرنا بس للاتجاه التاني
للاسوأ
السلام عليكم ورحمة الله وبركاته
التغيير سنة الحياه
مافيش حد بيفضل على حاله
ولو مارجعناش نفسنا كل فترة وحاولنا نوجه التغيير ده للافضل
هنلاقي نفسنا غصب عننا اتغيرنا بس للاتجاه التاني
للاسوأ
اذا كنت مستغني عن القليل من وقتك لمعاينة مدونة مثيرة يطلق عليها
مدونة الرخيص
تحكي مواقف من زمن الرخصاء
زورها
www.alrakhes.blogspot.com
دمتم يا غاليين
فكرة التغيير مش مرفوضة بالعكس هي طبيعية وطبعا سنه من سنن الحياة .. لكن مانقدرش نحكم ع التغيير بأنه للأحسن لمجرد أنك شايف انه كده أحس .. أظن لازم تكون في مقاييس ومحددات لشكل التغيير اللي مفروض يكون عشان نقول اتغيرنا للأحسن ..
وعموماً دروس الزمن دي دروس اجبارية لا مفر منها أبداً .. المهم إنها تقوينا
تحياتي ليك على
وربنا يوفقك
السلام عليكم
فعلا انا متاكد انك اتغيرت
ومتاكد ان كل انسان بيتغير
لان دا من طباع النفس البشريه
وممكن للاحسن وممكن للاسوء
بس انت اللى تحدد
وعلى فكرى اقوى حاجة ممكن تغير فعلا الصدمات والحمد لله انها مقلبتش اكتئاب
انت كدة انسان متوازن وحد بيفكر انا كنت فين وبقيت فين ورايح فين وجاى منين
الاسئله دى جميله قوى
سعيد انى جيت مدونتك ياباشا
سلااااااااااام
أيوه التغير سنة الحياة ...وانت شايف ان انت أتغيرت ..بالعكس إنت لسه ماشفتش حاجه
التقيل ورا
وبإذن تحافظ على ثوابت وأساسيات عندك وجواك
لأن دي لو أتغيرت هاتضيع
بالتوفيق إن شاء الله
السلام عليكم
إزيك يا علي إنت فعلا إتغيرت وأنا حسيت بكدة ولكن زي ما إنت قلت هل إتغيرت للأحسن ولا لأ؟
إذا كنت إتغيرت للإحسن فلازم تحافظ على هذا التغيير ..هو دا إلي بيخالي الناس تحبك
"وجزاك الله خيرا"
نظرا لتميز مدونتكم فقد تمت اضافتها لدليل الصباغ للمدونات
===============================
شاركنا الشعب الأمريكى أحزانه على ضحاياه فى ذكريات سبتمبر/أيلول الأليمة
لكن دعونا نذكر العالم بالجرائم الأمريكية التى أرتكبتها الولايات المتحدة ضد أبرياء وأطفال ومدنين
شارك وأدعم فكرة تخصيص يوم 30 أكتوبر يوما للجرائم الأمريكية
أحمد الصباغ
ايوة اتغيرت
ما بقتش عارف الاقيك
اركز فى حتة
D:
other_things
ولا يا بلال
بس لما اشوفك
هتشوف هعمل فيك ايه
بقولك
ملكش اقلام عندي
fnan_geology
طبعا ياباشا
وعلى رأي المثل
الفرخة كلت بيضها
albaz
اخي العزيز وليد الباز
بجد والله العظيم ليك وحشة
ربنا يكرمك يارب ويكتر من امثالك
وياريت تنور مدونتي علطول
esraa
انا مش احسن
انا اسوأ بكتير
بس كده انا متأقلم مع نفسي كده
انا مرتاح كده
انا مبسوط كده
NoT Me
ربنا يهدينا كلنا ياباشا
khaled
انتا اكتر واحد عارف ان انا اتغيرت يا خالد
صح ؟
فكرتنى ببيت الشعر
والنفس كالطفل إن تتركه شب على حب الرضاع وإن تفطمه ينفطم
روق ياعم والله مافى حاجة تستاهل
u knw u completly right in each word u said buut dont let any thing change u try to knw people who need u to be kind and people who u should be bad with but at final keep as u start
على فكرة يا على(واضح ان اسمك على ) حلو اوى اننا نتغير بس احنا ممكن من غير ما نحس نتغير للاسوا
و اكيد اى لسعه او جرح بمعنى اصح من شخص كنت تثق فيه
بتغير فيك كتير اوى اوى
و لو الجرح جامد اوى
بتتغير فيك حاجات جذريه
بس المفروض انك تكون اقوى من اى حاجه
و بدل ما تكون نقطه ضعف
لا
تخليها نقطه قوه
و هى اللى تدفعك لقدام
و تخليك احسن و احسن
و انك متقعش فى الغلط دة تانى
بس يا ريت تعد مع نفسك
و تشوف من وجهة نظرك انت من وجهة نظر اللى حواليك
اعرف كدة ايه الحلو و ايه الوحش
و ايه جديد حلو دة خليه و ايه جديد وحش
دة تشيله و تنسفه من جواك
لان محدش حينفعك غير نفسك فى الاخر
و دمتــــــــــــــــــــــــم
مشكوووووووور
إرسال تعليق
<< Home