من القاهرة للرياض ب7جنيه
الصورة دي صورتها من فترة
وبتوضح ان ازاي بلدنا فعلا هيا بلد العجايب والغرايب
وعشان تصدقو
عمرك شفت في حياتك ان الرحلة بين الرياض و القاهرة بتتكلف 7 جنيه ؟؟
ها
ايون 7 جنيه
طبعا ده ميحصلش الا في بلاد الواق واق ....وفي مصر
طب شوف بنفسك
 |
يا ميكروباصاتك يا مصر
الصورة دي صورتها في موقف ميكروباصات ..ولحد دلوقتي معرفش حقيقة الكلام ده
هل يا ترى في قرية مصرية او مدينة مصرية اسمها الرياض ؟؟؟
اللي يعرف يقولي
كــتــبــهــا واحـــد مـــــن الـنـــاس | 9:10 ص
11 CoMMeNtS :
دي مجهله من مجاهل كفر الشيخ يا علي
معقول تبقي من المنصورة ومتعرفش انها تبع محافظة كفر الشيخ
(علي فكرة احنا بلديات)(;
منورة المدونة يا ياسمين
انا فعلا صورت الصورة دي وانا في كفر الشيخ كنت مع واحد قريبي ...بس مكنتش اعرف ان في حتة في كفر الشيخ اسمها الرياض
كويس انك عرفتيني
والمنصورة وكفر الشيخ اجدع ناس
بجد شرفتي المدونة بردك الجميل يا بلدياتي(;
من المنصورة؟
دة احنا بقينا جيش ! :)
نسبة كبيرة من الزملاء اللي عرفتهم من التدوين زيي من المنصورة لزم .. الدنيا دي صغيرة بشكل غريب!
مبروك اللوك الجديد للتدوينة يا بلدياتي العزيز..
الرياض دي مركز من مراكز كفر الشيخ العشره يا سيدي
وكمان فى قريه تبع الشرقيه اسمها الرياض برضه
فى 3 مدن فى الجمهوريه اسمها الرياض
على فكرة المنصورة قريبة اوى مننا
شكرا لكل الاخوة والاخوات الاعزاء اللي نورو مدونتي الصغنونة
يارب تكون عجبتكم ..وانتظرو الجديد ان شاء الله
الاخ قلم جاف
يا اهلا وسهلا بكل رجالة المنصورة
بقولك ايه
ايه رايك نعمل اتحاد شباب مدوني المنصورة ... :)
اهو الحبايب يتجمعو ..
الاخ ذو النون المصري ,,
منور المدونة ياباشا ..
فعلا الرياض طلعت مركز في كفرالشيخ
شكرا ياباشا انكم افدتوني
الاخت اروى الطويل ..
شرفتي المدونة ...يارب تكون عجبتك
وشكرا على المعلوامت اللي مكنتش عارفها ..بس فين التلات مدن اللي اسمهم الرياض دول
غير الرياض بتاعة كفر الشيخ ؟؟
معلومات عامة بس ...
ولسه الرياض اللي في شربين ولو اني اعتقد انها قريه
تحياتي يا علوه
ياااه
هوا في رياض في شربين كمان !!
ايه الحلاوة دي
منور البلوج يا احمد باشا
يمكن فيه صفرين ناقصين بعد السبعة
صفر المونديال و صفر حد يقول لي عليه
طبعا في بلد في مصر اسمها الرياض وعلي حد علمي انها مركز مش قرية وهي تابعة لمحافظة الدقهلية بعد دكرنس
كنت داخله اقوللك ان الرياض مركز من مراكز محافظه كفر الشيخ
بس الناس سبقوني
عموما مدونتك مميزه جدا ماشاء الله
إرسال تعليق
<< Home