الاقصى نادى والندى غالي ...ويهون عشانه العمر لو غالي
وَاحِـــدْ مـِــنْ الـــنــَــــاسْ: 2.: الــنــصــابــيـــن اهـــمـــا :...:
ايوة انا  .. في حاجة يا عماد ؟
NaMe : Ali Adel
FroM : el ManSoOorRa , Egypt , Agda3 Nas

طالب جامعي حاليا ..عاطــل مستقبلا

ana Meen ba2a ?

الأحد، أكتوبر 29، 2006

2.: الــنــصــابــيـــن اهـــمـــا :...:

دي الحلقة التانية من سلسلة مواضيع ..النصابين اهما
المرة دي جايبلكم صورة مفيش اي بني ام عايش في المنصورة مشفهاش قبل كدا
لانها ببساطة محطوطة في اهم موقع في المنصورة
واكيد كل اعضاء المنتدى اللي من المنصورة شافوها قبل كدا

الصورة دي موجودة عند تقاطع شارع بورسعيد مع شارع البحر ...قدام كوبري طلخا علطول وفي نفس الوقت جنب مديرية امن الدقهلية
صورة كبيرة جدا ... متعلقة في جزيرة في نص الشارع

انا صورتهالكم ... وهوريلكو الصور
((رجاء الانتظار حتى تحميل كل الصور ))

دي صورة مصورها وانا واقف على كوبري طلخا .

(1)

اكيد الاعضاء اللي من المنصورة افتكروها
ايوة هي الصورة دي

الصورة اللي بيظهر فيها حسني مبارك وهوا رافع ايديه بعلامة النصر وبيضحك


(2)

ومكتوب تحتها
ادارة سينما الجزيرة بنادي الشرطة بالمشاية
تهنئ شعب مصر بالقيادة الحكيمة

(3)

((قارنو حجم الصورة بحجم العامود ...وشوفو فلوس مصر بتروح فين ))



وفي الصورة نفسها مكتوب
مبارك لمصر


عايزكم بقا تركزو في الصورة اوي اوي اوي

(4)


لان الفضيحة جاية في الطريق اهي


خلاص ...شفتو الصور ؟؟
طيب عايز حضراتكو تشوفو الصورة دي
دي صورة افيش فيلم السفارة في العمارة لعادل امام
وتقارنوها بالصورة ...

(5)




ايوا
قارنو الصورة رقم 6 بالصورة رقم 4
وهتلاقو الفضيحة

(6)



الاخوة النصابين في سينما الجزيرة في نادي الشرطة في المشاية
ملقوش صورة حلوة لحسني عشان يحطوها في اهم حتة في المنصورة
فقامو مركبين وش حسني على جسم عادل امام في افيش فيلم السفارة في العمارة
على اعتبار اننا شعب بهايم ومش هنهرشهم

مركبين صورة حسني مبارك على صورة عادل امام يا ناااس
مش عارف مين العبقري صاحب الفكرة الجهنمية دي ؟؟

للدرجة دي وصلت درجة استغفال الشعب والمواطنين ؟؟؟
للدرجة دي وصلت درجة النفاق والتملق
انهم يكبرو صور مبارك على صورة عادل امام
عشان الصورة تطلع حلوة ؟؟؟
للدرجة دي بيعاملونا على اننا سذج وقطيع من البقر الاثيوبي ؟؟؟

دلوقتي قدامنا نموذج فذ للنصب والتدجيل على المواطنين
يعني مش كفاية صور مبارك مالية الشوارع وكلمات النفاق نازلة زي المطر
لأ ...مركبين له صور كمان

مش هنتكلم عن ايه فايدة وضع صورة لحسني في نص الشارع وفي مدخل مدينة المنصورة
واللي مفروض تتحط فيها علامات ويفط ارشادية بدل صور النفاق والموالسة

ولا هنتكلم عن مين اللي دفع تمن اللوحة دي وهل هيا من المال العام ولا منين بالظبط
ومش هنتكلم عن كلمات الموالسة من امثال ..مبارك لمصر ...والقيادة الحكيمة ...

((مين حكيمة دي ))

لا ...
هتكلم عن المبدأ نفسه ....كون انهم ينصبو على المواطنين
ويحطو صورة مركبة لحسني مبارك في الشارع ...وياريت في اي شارع .

لا ..ده في اهم منطقة في المنصورة

..
هما دول بقا النصابين
هما دول الضلاليين
هما دول الموالسين


دلوقتي ..زي ما شفنا في الموضوع اللي فات
اي حد هيشوف الصورة دي ...او صادف انه هيشوفها ...يتف عليها ..
ويقول باعلى صوته

(( بلاش المرة دي باعلى صوته عشان الصورة جنب مديرية الامن ))

ويقول ...
الــنــصــابــيـــن اهـــمـــا

لمشاهدة الموضوع والصور بالحجم الكبير

5 CoMMeNtS :

Anonymous العمدة Said To Me :-

ههههههههههههه

ضحكتنى يا على و الله بس سبحان الله هما جايين يركبوا وشه على جسم عادل إمام دا دى فى حد ذاتها إهانه بجد

7:50 م  
Blogger ana ga3an Said To Me :-

بجد دقة ملاحظة احييك عليها
انا عندي صورة للريس متقال اثناء فك حصر لو ينفع يعملولة اعلان عليها
يبقي كسبنا وقت

3:12 م  
Anonymous إبن النيل Said To Me :-

هههههههههههه

حلوه أوي براوفو عليك

ملاحظة قوية

بس تصدق عادل إمام له هيبه بردو

مش ذى أبو وش متركب

11:15 ص  
Blogger مواطن مطحون Said To Me :-

عبى فكره الصوره اتشالت وحطوا تمثال لاحد ملوك الفراعنه

بس فيه صوره للملك امام قصر الثقافه

6:19 ص  
Anonymous غير معرف Said To Me :-

6K聊天室,080中部人聊天室,聊天室交友,成人聊天室,中部人聊天室,情色聊天室,AV女優,AV,A片,情人薇珍妮,愛情公寓,情色,情色貼圖,情色文學,色情小說,色情,寄情築園小遊戲,AIO交友愛情館,情色電影,一葉情貼圖片區,色情遊戲

言情小說,情色論壇,色情網站,微風成人,成人電影,嘟嘟成人網,成人,成人貼圖,成人交友,成人圖片,18成人,成人小說,成人圖片區,微風成人區,成人網站,免費影片,色情影片,自拍,hilive,做愛,微風成人,微風論壇,AIO

情趣用品,情色,成人,A片,自拍

情趣用品,色情,成人影片,色情影片,免費A片

情趣用品,成人網站,A片下載,日本AV,做愛

情趣用品,美女交友,A片,辣妹視訊,情色視訊

情趣用品,色情聊天室,聊天室,AV,成人電影

10:25 ص  

إرسال تعليق

<< Home