هاني والكشك
-1-
يا ترى الانسان هو اللي بيختار يبقى ايه ؟؟
ولا الواقع اللي بيفرض عليه انه يبقى ايه ؟؟
هاني احمد ... اول ما اتعرفت عليه .. عرفت انه الشاب المخلص .. الواد القدرجي اللي محدش يقدر يكلمه
هاني جدع .. ونضيف ... والنضافة قليلة اوي اليومين دول وشاب مرتاح ماديا .. يعني نفس مستوايا المادي تقريبا
كل ما كانت تيجي سيرة هاني في قعدة شبابية
يقولو : هاني كشك ؟؟
استغربت اوي من الكملة دي
هوا هاني ذنبه ايه ان والده الحج احمد فاتح كشك جنب بيتهم بيبيع فيه كل حاجة ؟
ليه يقرنو اسم هاني بكشك والده ؟؟
هما بيكرهو الواد ده ليه ؟؟
مع انه مش بيعمل اي حاجة وحشة ؟؟
يااااااااااااااااااااااااااااااااااه
بيكرهوه عشان ابوه فاتح كشك ؟؟
طيب يا ناس هوا ذنبه ايه
يعني عشان والده كده يبقى هاني اقل منكم ؟؟؟
يعني احمد اللي والده عنده محل جزم نسميه احمد جزمة ؟؟
ولا محمد اللي والده عنده منحل عسل نسميه محمد نحلة ؟؟
ليه كده يا جماعة
ده تسموه ايه ؟؟
التسميات: كلام عقلي الباطن
كــتــبــهــا واحـــد مـــــن الـنـــاس | 8:04 م
28 CoMMeNtS :
نسميه تخلف وضيق فكر ...وده على فكرة مش موجود باصورة دى الا فى المجتمعات العربية ..للاسف ..النفييم بيكون على عوامل الانسان ملوش ايد فيها ..زى شاكله..او مستواه الاجتماعى ...رغم ان الانسان بشخصيته..
للاسف ..الموضوع ده عايز اعادة تاهيل ثقافة المجتمع ككل ..وطبعا ام كل واحد يقتنع مع نفسه بالكلام ده ..ويحاول يفكر قبل اى احكام مسبقه على البنادمين
بنسميه غيره
هم شايفين انه أحسن منهم يمكن بأخلاقه اللي انت اتكلمت عنها
وعشان كده بيدوروا علي حاجه يقللو بيها من قيمته
السلام عليكم ورحمه الله وبركاته..الموضوع ده فى رايى الشخصى مهم جدا وفعلا موجود..وهو التريقه عمال على بطال والهزار والضحك على حساب البنى ادميين..المشكله هى مشكله تفكير ومجتمع لكن مش معنى كده ان الواحد يسكت وميتكلمش لا طبعا الصح صح حتى لو كله غلط..الناس النضيفه بقت قليله لكن موجوده..ربنا يهدى الجميع ونرجع تانى نفهم اسلامنا صح..ده الحل الوحيد ومفيش غيره
انت لسة مش عارف نسميها ايه نسميها قلةادب وناس ماعندهاش دم
الراجل اللي فاتح الكشك عنده ابن محترم بيدرس في الجامعةواظن من وصفك له انه انسان محترم وعلي خلق يعني صاحب الكشك عرف يربي صح
الدور والباقي علي هؤلاء اللي مالقوش حد يربيهم ونصيحة اخوية فضك من العيال دي دول مايستهلوش انك تقعد معاهم
تحياتي لك
السلام عليكم ادعوكم للمشاركة فى الحملة (رفع بناطيل الشباب) حصريا على مدونة مصرى اون لاينhttp://egyptoonline.blogspot.com/
ما شاء الله عليك
فى البدايه بهنيك على المدونه لأن دى أول زياره لى
لكن بأذن الله مش هتكون الاخيره
ثانيا موضوع ائع وأسلوب مبدع
وأستأذن حضرتك بعمل لينك للمدونه بتاعتك عندى فى المدونه
واتمنى من حضرتك أضافه رابط المدونه بتاعتى عندك
http://rtoosh.com/blogs/peace/
جزاك الله خيرا
السلام عليكم
ازيك يا على
ياترى لسه فاكرنى؟؟؟
للاسف اللى بيحصل بين الشباب دلوقتى او يمكن من زمان ده عدم تهذيب
لان لو واحد عارف ان كده بيغتاب صاحبه وبيتريق عليه
وعارف ان كده عيب ماكانش عمله
بس الشباب مع بعض بيحسو ان دى رجوله
مادام بقيت قليل الادب ومش بيهمنى
مهو راجل بقى
ولو فى شاب محترم وهادئ ومؤدب
يتريقوا عليه
معلش دى وجهة نظرى فى الشباب
يمكن تكون مش صح
معلش اصلى ماكنت ولد قبل كده :)
عندك حق..فى كلة يعنى كدة انا اسمى كيكى انبوبة ولا اييييييييييييية....ههههههههه دة تخلف وحياة ربنا....ماتنساش عندى عندى علشان تغير الانبوبة
الصراحه انا لا اعرف هاني ولا اعرف الكششك ولا اعرف حتي اصحابه ليه بيسموه كده هوه حاجه من 4 يا بيرخموا عليه يا حسين انه احسن منهم فبيحاولو يقلولو من شانه ادام الناس ياما هما عندهم عقده نفسيه يااما لو بجد كلهم كويسين يبقي هاني متعلم بانه صاحب الكشك بس انا برجح التانيه وانه احسن منهم وهما عايزين يحسسوه انه اقل بس بجد عقلك الباطن بيطرح كلام حلو استمر
منتظره زيارتك
(سياده الرئيس........اريد ا اهرش)
www.confusedgirl-tota.blogspt.com
نسميها هبل وقلة أدب وأهالي شلت مش عارفة تربي
يعني أنا لو أبويا بواب أبقة الست بوابة
احنا اللي حطينا الفوارق دي يعني انا لو اتهفيت في دماغي وحبيت اتجوز واحد ابوه بواب أنا ذات نفسي مش قادرة اتقبل الكلمة
مع أن البواب دا بيلبي لنا طلبات لو من غيره كان ممكن نموت او نجوع أو ....
هؤلاء الشباب اتربوا غلط ودا كل ما الأمر يعني عشان ابوه عنده كشك طب ما ممكن اي واحد منهم تاني يوم ابوه يفلس ويبيع مخدرات بقى مش كشك نبقى نقولهم ايه...فلان حشيشة ولا هيروين
دي قلة أدب ودين
بس ياترى هو بيدايق من كده ممكن يكون حابب
بس فعلا ممكن تسيب عنده رواسب نفسيه تقصر عليه
تحياتى
ابوالعربى
بعيدا عن الموضوع
ياريت تشاركنا في موضوع علي مدونتي
وتنشره معانا
تحياتي
ياعم على انت سخنت عالناس كده انت وسمر
حكايه هانى كشك دى مش المقصود بيها الشتيمه او الاقلال من الذات
او التريقه
كل الحكايه ان الشله مثلا كان فيها اكثر من هانى
واحد فيهم الى بيقف فى الكشك مع ابوة
بقوا العيال يميزوا هانى ده بكلمه هانى بتاع الكشك
مع مرور الاجيال وتطور اللغات فى المناطق النائيه
بقى هانى كشك
بدل هانى بتاع الكشك
او هانى الى ابوة عنده كشك
اختزال يعنى
وبقت سمه ممييزة له
دى كل الحكايه
البوست ظريف
تحياتى
ليس الفتى من قال هذا أبي
ولكن الفتى من قال هأنا ذا
وعلى فكرة قريب اوووي مش هنطول حتى الكشك
وولادنا مش هيقدروا يدخلوا الجامعة زي
المحظوظ هاني كشك
تحياتي
ممكن تسميه كسل
اه حاجة توصلكم للشخص بسرعة
معرفش حد ملهوش اسم معروف بيه
و معرفش حد اسمه احمد بيتقلو احمد و لا محمد و أسامي كثيير
للأسف ارتبطت اسماؤنا بحر آباؤنا ... ى وقت لا يكر فيه الغرب ى أى مهنعه يعلمون ولكن المهم ان يكون ى خدمة بلدهم وضد المسلمين
تحيـــــــــاتى
المصـــــــــــرى
آسف كلامى مش مفهوم اصل الكى بورد بتفوت ....انا قصدى اننا بنبص للناس على انهم حاجه من حرفة أهلهم ولكن الرب بيشتغل فى اى مهمه المهم يخدم بلده
علي فكرة الموضوع ممكن يكون واخد اتجاهين
احدهما ان الموضوع يبقي تريقة واحتقار
والتاني ان الموضوع يبقي في الذاذة يا برنس
يعني هاني كشك
واحمد ورشة
واسماعيل دودة
وابراهيم سماعة
الموضوع هيشرخ اوي
عموما هو الموضوع كان في بدايته عميق اوي وفكرتك هتقول كلام م الكبير لقيتك صغرت الموضوع اوي
راس البوست تنفع
هيدلاين لموضوع هايل
اللي دخلني هنا طالب حاليا وعاطل مستقبلا نفس اللي انا كاتبه
وبلدياتي ونفس الجامعه قولت لازم اطل عليك
تقبل مروري وتفضل بزيارتي
اسميها عقده نفسيه من عقد مجتمعنا المريض
اول حاجه بجد بحييك علي احساسك العالي بغيرك وقدرتك علي التعبير عن مشاعر غيرك
انا اسمي ده يمكن عدم وجود مشاعر او بجد قله تفكير وقله تقدير لان مايمنعش ان انسان يشتغل في كشك مش احسن مايقعد عاطل من غير شغل مانت ممكن تلاقي واحد متخرج من هندسه ومش لاقي شغل يعني مابقتش فارقه احنا في مصر كلنا محتاجين فعلا تصليح لنفسنا وعقولنا ومره تانيه بجد بحييك علي مدونتك الجميله دي
شيتوس
اسميه عبــــــــــــــط
وجهـــل و ربنا يشفي :D
( رغم حبي الشديد -هي دي مصر- بس بردو بحبها )
Where Are Yooooooooooooou
we miss ur topics
علي انت فييييييييييييين
ماينفعش الغيبه دي كلها
thx 3ll post
الموضوع ده اكيد بيتوقف على شخصيه الفرد
واخلاقه وثقافته الدينيه قيل كل ده
ببساطه لو هو قراء الايه الكريمه دى " يا أيها الذين امنوا لا يسخر قوم من قوم عسى أن يكن خيراً منهم ، و لا نساء من نساء عسى أن يكونوا خيراً منهن ولا تلمزوا أنفسكم ولا تنابزوا بالألقاب بئس الاسم الفسوق بعد الإيمان ومن لم يتب فأولئك هم الظالمون "
اكيد مش هيعمل كده
تحياتى
موضوع مهم فعلا و جيدر بالتأمل لأن ده بيحصل فعلا
بس اصل احنا المصرييين لسنا طويل
اخي العزيز
في وطننا العربي الكبير لم نتخلص الى الان من عقدنا القديمة وعلى رأسها تلك النظرة المتدنية التي ننظرها لبعض
والدك ماذا يعمل .. إذاً انت ابن ناس !!
على حسب عمل الوالد تحدد القيمة وعلى حسب مال الاب يكون الاحترام للابن
موضوع مميز وبسيط
مشكوووووووور
إرسال تعليق
<< Home