ممتاز القط ينشر 43 صورة لمبارك في ملحق جريدته

........
لا حول ولا قوة الا بالله
والله ذهلت من اللي شوفته بعينيا دول
اي والله
مبقتش مصدق نفسي
طبعا احنا متعودين ان احنا عايشين في ازهى عصور النفاق والموالسة
وكل واحد بيوالس على رئيسه وبيمسحله جوخه

دلوقتي ممكن متصدقش كلامي الا لما تشوفه بعينيك
وممكن حتى لو شفته بعينيك وشميته بمناخيرك كمان متصدقش
لان اللي بيحصل ده مسخرة ومهزلة بكل معاني الكلمة
الكاتب الصفحي الفاشل ممتاز القط ..استغل هوجة 6 اكتوبر والضربة الجوية والنهلبية والملوخية
في ابداع جديد من ابداعاته في عالم الموالسة والنفاق
لكن المرة دي ....طبخة النفاق جت زايدة شوية .....لدرجة انها ازكمت انوف كل الناس
ممتاز القط اصدر الجريدة وفيها 104 صفحة ....ايون ...104 صفحة
اكرر ...104 صفحة ..
الجريدة جه معاها ملحق خاص بحرب اكتوبر وذكرى حرب اكتوبر الخ الخ ...الملحق مكون من 40 صفحة بالتمام والكمال
واي حد اشتراها امبارح هيتأكد من كلامي
تخيلو يا حضرات السادة الافاضل في كام صورة لحسني مبارك في ال40 صفحة دول ؟؟؟
تخيلو ؟؟
عايزكم تضربو رقم كده
4 ؟؟
لا
10 ؟؟؟
لا برضه
مع ان زمانكم بتقولو كتير اوي
اومال كام 14 ؟؟
لا برضه
مع انكم بتقولو كل ده نفاق ؟؟

43 صورة ....اي نعم 43 صورة بالتمام والكمال والفول والحبهان في ملحق جريدة اخبار اليوم
برئاسة تحرير حامي حمى الموالسة والنفاق ....شيخ مشايخ الطرق النفاقية ..السيد الاستاذ ممتاز القط

لم اتمالك نفسي من هول الصدمة
للدرجة دي وصل النفاق ؟؟؟
للدرجة دي وصل مسح الجوخ

المحلق ده اصدر في 40 صفحة
تكلفتهم على مؤسسة اخبار اليوم القومية 4 جنيهات
اي ان كل عدد من اخبار اليوم ((او اخبار الموالسة ))
يكلف ميزانية الدولة ((اللي هيا من فلوس الشعب )) ..4 جنيهات
يعني عشان بسلامته ممتاز القط يوالس على رئيسه
وينافقه يقوم يهدر من اموال الشعب كل الاموال دي
واحسب بنفسك
اذا كان العدد الواحد من ملحق النفاق ده بيتكلف على الدولة 4 جنيه ...شوف في كام نسخة اتطبعت منه ؟؟؟
وشوف فلوس مصر بتروح فين

نفسي اعرف ...ايه ده ؟؟
ايه اللي بيحصل ده ؟؟؟؟
ايه اللش انا شايفه ده
طبعا احنا متعودين من جرائد النفاق والكذب المسماة زورا وبهتانا الصحف القومية على النفاق والموالسة
لكن الظاهر الجرعة اليومية من النفاق معدتش بتجيب همها عند الموالس ممتاز القط
فقرر يدينا علبة الدوا كلها
43 صورة ؟؟؟؟
43 صورة يا ناس ؟؟؟
ايه ده
ايه ده ؟؟؟
ايه ده ؟؟؟
محد يرد عليا
متسيبونيش اكلم نفسي كده !!!
ولا شوفو الكاريكاتير اللي حطه ممتاز القط
انا هحاول اجيبلكم الصورة عشان هتوضح اكتر بكتير من الكلام
بس اقول ايه
اقول ايه يا ناس
انا لله وانا اليه راجعون